Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Өнгөрсөн пүрэв гарагт Их Британийн шинэ Ерөнхий сайд Энди Бёрнхэм (Andy Burnham) Английн паб, лоунж, ресторан, клаб болон амьд хөгжмийн тоглолт болдог газруудад ногдуулдаг байсан бизнесийн үл хөдлөх хөрөнгийн татварыг (Их Британид бизнес эрхлэх зориулалтаар ашиглаж буй үл хөдлөх хөрөнгөд ногдуулдаг орон нутгийн татвар ҮГ.МН) 20 хувиар бууруулах шийдвэрээ зарлалаа.
Энди Бёрнхэм
Энэ нь түүнийг албан тушаал авснаас хойш гурав хоногийн дотор танилцуулсан амьжиргааны өртгийг бууруулах чиглэлийн гурав дахь том бодлогын арга хэмжээ болж байна.
Өмнө нь тэрээр:
-Англи дахь ихэнх автобусны тасалбарын үнэнд дээд хязгаар тогтоох,
-Өрхийн цахилгааны төлбөрөөс НӨАТ (VAT)-ыг хасах шийдвэрүүдийг зарлаад байсан юм.
Энди Бёрнхэм энэ долоо хоногийн даваа гарагт Ерөнхий сайдын албан тушаалаа авсан. Тэрээр 2024 оны сонгуулиар 14 жилийн дараа засгийн эрхэнд эргэн ирсэн Хөдөлмөрийн намын амласан "Эдийн засгийн сэргэлтийг бодитоор хэрэгжүүлж чадна" гэдгээ харуулах амлалттайгаа ийнхүү нүүр тулж байна.
Сүүлийн зарласан арга хэмжээ нь жилд 32 мянган байгууллагад дунджаар 1'100 фунтын хэмнэлт авчирна
Дээрх арга хэмжээг хэрэгжүүлснээр Английн 32'000 орчим паб, лоунж, клаб, ресторан гэх мэт зочлох үйлчилгээний салбар жил бүр дунджаар 1'100 фунт стерлинг (ойролцоогоор 1,400 ам.доллар)-ийн татварын хэмнэлт эдлэхээр тооцоолжээ.
Гэвч Засгийн газар энэхүү татварын хөнгөлөлтөөр төсөвт үүсэх цоорхойг ямар эх үүсвэрээр санхүүжүүлэх талаараа тодорхой тайлбар өгч чадаагүй байна.
Лондонгийн зүүн хэсгийн Харлоу хотын нэгэн пабд зочлох үеэрээ Бёрнхэм:
Бид пабуудаа алдаж байна. Пабууд одоо төрөөс бодит дэмжлэг ирж байгааг мэдрэх ёстой. Энэ бол анхны боловч маш чухал алхам.
хэмээн мэдэгджээ.
Ливерпүүлийн Ma Pub Group компанийн эзэн Иан Хоскинс энэхүү шийдвэрийг ерөнхийдөө сайшаасан ч:
Энэ бол далайд дусал нэмсэнтэй адил өчүүхэн тусламж.
хэмээн Sky News-д ярьжээ.
Түүний үзэж буйгаар Засгийн газрын хийх ёстой хамгийн чухал ажил нь:
-Татварын тогтолцоог бүхэлд нь шинэчлэх,
-Иргэдийн гар дээр үлдэх орлогыг нэмэгдүүлэх явдал аж.
Харин Music Venue Trust байгууллагын Гүйцэтгэх захирал Марк Дэви уг шийдвэрийг
Урам өгсөн эхний алхам
гэж үнэлжээ.
Британийн Шар айраг, Пабын холбоо (British Beer and Pub Association)-ны мэдээлснээр тус улсад өдөрт дунджаар нэг паб хаалгаа барьж байгаа аж.
Эрчим хүчний үнэ, ажиллах хүчний зардал болон бусад үйл ажиллагааны зардал эрс өссөн нь энэ салбарт хүнд дарамт болжээ.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Энэ шийдвэрээс үүдсэн төсвийн цоорхойг вейп дэлгүүр, мөрийтэй тоглоомын төвүүдээс бүрдүүлэхээр төлөвлөж байна.
Энэхүү татварын хөнгөлөлтийн алдагдал болох 100 сая фунтын зардлыг жил бүр дараах арга хэмжээгээр нөхөхөөр төлөвлөжээ.
-Вейп (цахим тамхи)-ийн дэлгүүрүүдийн татварын хөнгөлөлтийг багасгах,
-Мөрийтэй тоглоомын төвүүдийн татварын хөнгөлөлтийг мөн танах.
Энди Бёрнхэм:
Хотын төвүүдэд байрлах мөрийтэй тоглоомын төвүүд олон нийтийн амьдралд бодит хор хохирол учруулдаг.
мөн
Вейпийн дэлгүүрүүд ч орон нутгийн амьдралд төдийлөн хувь нэмэр оруулдаггүй, харин өөр төрлийн асуудал үүсгэдэг.
гэж хэлжээ.
Түүний хэлснээр нийгэмд сөрөг нөлөө үзүүлдэг бизнесүүдэд бусадтай адил хандлага үзүүлэхгүй аж.
Консерватив нам энэхүү тусламжийг сайшаасан ч түүнийг хэрхэн санхүүжүүлэх талаар Засгийн газраас тодорхой тайлбар шаардав.
Консерватив намын төлөөлөгч Мэтт Викерс:
Гуравхан хоногийн дотор санхүүжилтийн эх үүсвэргүй гурав дахь амлалтаа өглөө.
хэмээн шүүмжилжээ.
Тэрээр мөн:
Өмнөх Засгийн газрын үед амралт, үйлчилгээ, жижиглэн худалдааны салбаруудын бизнес 75 хувийн татварын хөнгөлөлт эдэлдэг байсан. Хөдөлмөрийн нам тэр хөнгөлөлтийг цуцалчхаад одоо 20 хувийг нь буцааж өгч байна. Гэхдээ энэ цуцалсан мөнгийг хаанаас гаргахаа өөрсдөө ч мэдэхгүй байна.
гэж мэдэгдсэн байна.
Мөн пүрэв гарагт Энди Бёрнхэм 2027 оны есдүгээр сараас эхлэн 6'000 орчим хоригдлыг хугацаанаас өмнө суллах төлөвлөгөөг түр хугацаанд зогсоож байгаагаа зарлав.
Учир нь 2019 онд нэгэн цагдаагийн албан хаагчийн амийг хөнөөсөн хэрэгт холбогдсон хоёр этгээд мөн суллагдах боломжтой болсон нь олон нийтийн хүчтэй эсэргүүцэл өрнүүлээд байгаа юм.
Шоронгийн хэт ачаалал нь шинэ Засгийн газрын шийдвэрлэх шаардлагатай хамгийн том асуудлуудын нэг бөгөөд Энди Бёрнхэм 2029 оны дараагийн парламентын сонгуулиас өмнө барууны үзэлт Их Британийн Шинэчлэл нам руу шилжиж буй сонгогчдын дэмжлэгийг эргүүлэн татах зорилготой ажиллаж байна.
Үүний зэрэгцээ Английн хөлбөмбөгийн домог Гари Линекер тэргүүтэй 120 саятан Бёрнхэмд захидал илгээж, өөрсдөөс нь илүү өндөр татвар авахыг уриалжээ.
"Proud to Pay" нэртэй уг захидалд:
Биднээс авах татвараа нэмэгдүүлээч. Бид төлөх боломжтой.
гэж бичжээ.
Захидлыг удирдан бичүүлсэн Patriotic Millionaires UK байгууллагын тооцоогоор өндөр орлоготой иргэдийн татварыг нэмэгдүүлснээр жилд ойролцоогоор 24 тэрбум фунтын нэмэлт орлого улсын төсөвт төвлөрүүлэх боломжтой гэж үзжээ.
