Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Хорьдугаар зууны манлай бүтээн байгуулалт, “Монгол Улсын баатар” Эрдэнэт үйлдвэрийн ахмадууд, эрхэм уурхайчид, Орхон аймгийн ард иргэд, нийт Монгол түмэндээ, айлчлан ирж буй Шинэ жилийн баярын мэнд дэвшүүлье! 2025 он бидэнд амжилт ололт, арвин туршлага, шинэ санаа, шилдэг бүтээл бүхнийг авчирсан сайхан он байлаа. Үе үеийн ахмадуудын тавьсан бүтээн байгуулалтын жимээр бид хамтдаа амжилттай урагшилж байна.
Эрдэнэт үйлдвэр энэ онд 47.1 сая тонн хүдэр олборлож, 39.9 сая тонн хүдэр боловсруулсан нь Үйлдвэрийн газрын түүхэн 47 жилийн хугацаан дахь хамгийн дээд үзүүлэлт боллоо. Борлуулалтын орлого түүхэндээ хамгийн өндөр буюу 4.6 их наяд төгрөгт хүрч, улс, орон нутгийн төсөвт 2.2 их наяд төгрөг төвлөрүүлж байгаа нь эдийн засгийн түүхэн дээд амжилт юм. Үйлдвэрлэлийн тасралтгүй найдвартай үйл ажиллагааг ханган ажиллаж, техник технологи, хөрөнгө оруулалтад онцгойлон анхаарч ажилласны үр дүнд бид түүхэн дээд амжилтын эзэд болж байгааг дахин дуулгахад таатай байна.
Эрдэнэтийн уурхайчид бид байгалийн баялгийн үр өгөөжийг Баялгийн сангаар дамжуулан нийт ард түмэндээ хүртээх төр, засгийн бодлого, шийдвэрийг хэрэгжүүлж, нийгэм, эдийн засагт оруулж буй хувь нэмрийг нэмэгдүүлэх зорилт тавин ажиллаж байгаагийн үр дүнд 47 жилийнхээ түүхэн ойг ирээдүйгээ тодорхой харсан, стратегийн ач холбогдол бүхий онцлох амжилтаар угтлаа.
Бид цаашид 55 жил тогтвортой ашиглагдах геологийн нөөцөө 2024 онд олон улсын Жорк стандартаар албан ёсоор баталгаажуулсан. Энэхүү амжилт нь олон арван жилийн хайгуул, судалгаа, инженер техникийн бодит тооцоо, эрдэм шинжилгээний ажлын үр дүн билээ.
Энэ онд Оюут ордын хайгуулын ажлыг бүрэн дуусгаж, урьдчилсан үр дүнгээр 0.32% зэсийн агуулгатай, 357.0 сая тонн хүдэрт 1.1 сая гаруй тонн зэсийн геологийн нөөцийг тогтоон, шинэ орд нээснээ албан ёсоор зарласан нь Эрдэнэт үйлдвэрийн ирээдүйн хөгжлийн шинэ хуудсыг нээсэн түүхэн үйл явдал боллоо.
Ингэснээр, Эрдэнэт үйлдвэр нийтдээ 100 гаруй жил тогтвортой ажиллах нөөц боломжоо баталгаажуулан, Монгол Улсын Уул уурхай, эрдэс баялаг, аж үйлдвэрийн салбарт урт хугацаанд үнэтэй хувь нэмэр оруулах бүрэн чадамжтай гэдгээ бодитоор нотолсон юм.
Энэ жил Баяжуулах үйлдвэрийн Нунтаглан баяжуулах хэсгийн, жилд 12 сая тонн хүдэр баяжуулах хүчин чадалтай хам баяжуулалтын 2, 3 дугаар секц болон 28 жил ажилласан МШЦ-5.5х6.5 маркийн 5 дугаар тээрмийг шинэчиллээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
1978 онд анх ашиглалтад орсон, 20 сая тонны хүчин чадалтай хүдэр бэлтгэлийн нэгдүгээр шугамын том бутлалтын бутлуурыг шинэчлэх ажлыг эхлүүллээ. Мөн Хаягдал өтгөрүүлэх технологи нэвтрүүлэх, Шинэ хаягдлын сан байгуулах зэрэг томоохон төслийн ажлууд амжилттай хэрэгжиж байна.
Үйлдвэрлэл, технологийн паркад барьж байгуулах дэд бүтцийн ажлуудыг гүйцэтгэж, нэмүү өртөг шингэсэн бүтээгдэхүүн үйлдвэрлэх “Зэсийн баяжмал хайлуулах, боловсруулах үйлдвэр”, “Молибдены баяжмал боловсруулах үйлдвэр”, “Кабель утасны үйлдвэр”-ийн Техник, эдийн засгийн үндэслэлүүдийг боловсруулан, батлуулсан.
Эрдэнэт үйлдвэр худалдан авалтын үйл ажиллагааны үр ашгийг дээшлүүлэх, ил тод байдлыг хангах, хүний хүчин зүйлээс үүдэлтэй алдааг бууруулах, авлига, ашиг сонирхлоос ангид байх зорилгоор хиймэл оюун ухаанд суурилсан тендерийн үнэлгээний системийг 2024 онд туршилтаар нэвтрүүлэн, 2025 оны 07 сарын 07-ны өдрөөс үйл ажиллагаандаа бүрэн ашиглаж байна.
Уул уурхайн салбарын тогтвортой хөгжлийн шаардлага өсөн нэмэгдэж буй энэ үед “Эрдэнэт үйлдвэр” ТӨҮГ нь “Тогтвортой уул уурхайн төлөө” (ТУУТ/TSM) олон улсын стандартыг төрийн өмчит компаниудыг түүчээлэн, албан ёсоор нэвтрүүлэх ажлыг эхлүүлсэн амжилтаараа Монгол Улсын эрдэс баялгийн салбарын “Хариуцлагатай уул уурхайн манлайлагч байгууллага”-аар шалгарч, 2025 оны үйлдвэрлэл, борлуулалт, үр ашгийн үзүүлэлтээр “Эрдэнэс Монгол” нэгдлийн оны шилдэг байгууллага, “Очир эрдэнийн цом”-ын эзнээр 2 дахь удаагаа тодорлоо.
Энэ бүхэн, үе үеийн удирдлага, уурхайчин хамт олны уялдаа холбоо, шинжлэх ухаанд суурилсан бодлого, нэг зорилгын төлөөх эв нэгдлийн тод илэрхийлэл юм.
47 жилийн түүх бол бахархал, өнөөдөр бол инновац, технологи, ирээдүй бол илүү их хариуцлага, өндөр зорилт юм. Эрдэнэт үйлдвэр цаашид ч байгалийн баялгийг зөв зохистой ашиглах, үндэсний баялгийг нэмэгдүүлэх, улс орныхоо хөгжил дэвшилд үнэтэй хувь нэмэр оруулах эрхэм зорилгоо тууштай хэрэгжүүлнэ.
Энэ бүх амжилт, ололтын эзэд Эрдэнэт үйлдвэрийн 7000 уурхайчдадаа баярлалаа.
Монгол Улсын баатар “Эрдэнэт үйлдвэр” ТӨҮГ-ын анхдагчид, ахмадууд, уурхайчин хамт олон та бүхэндээ болон гэр бүлд нь, хамтран ажилладаг түншүүддээ, Орхон аймгийн ард иргэддээ Шинэ жилийн баярын мэндийг дахин дэвшүүлж, 2026 ондоо хүн бүр эрүүл энх, айл бүхэн аз жаргалаар дүүрэн байж, амжилт бүтээл арвин байхын өлзийтэй ерөөлийг өргөн дэвшүүлье!
