Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Сэтгүүлч Н.Өнөрцэцэгт холбогдох эрүүгийн хэргийн Давж заалдах шатны шүүх хурал Нийслэлийн Эрүүгийн хэргийн Давж заалдах шатны шүүхэд үргэлжилж байна.
Шүүх хурал 10.00 цагт эхэлсэн. Шүүхийн байрны гадаад хэвлэл мэдээлэл, түүний ар гэр, холбогдох байгууллагуудын төлөөлөл, УИХ-ын зарим гишүүд Н.Өнөрцэцэгийн хэрэгт холбогдуулан байр сууриа илэрхийлж, хуралдааны шийдвэрийг хүлээж буй юм. Харин Давж заалдах шатны шүүх хуралд Н.Өнөрцэцэгийн найман өмгөөлөгч оролцож байна.
14.10 цаг Ж.ЭРЭВГИЙЛХАМЫН ӨМГӨӨЛӨГЧ ТАЙЛБАРАА ГАРГАСНЫ ДАРАА ШҮҮХ ХУРАЛДААН ТҮР ЗАВСАРЛАЛАА
Шүүх хуралдаанд,
Хохирогч Х.Ундрах-Оргил
Хохирогч Б.Өнөрбат
Хохирогч Ж.Эрэвхийлхамын өмгөөлөгч Ч.Эрдэнэбат нар тайлбар гаргалаа.
Ж.Эрэвгийлхам нь "найман ишигний" гэх хэргийн хохирогч юм. Улмаар шүүх хуралдаан 14.50 цаг хүртэл түр хугацаанд завсарласан юм.
15.12 цаг ХОХИРОГЧ Д.МӨНХТУУЛЫН МЭДҮҮЛГЭЭР ШҮҮХ ХУРАЛ ҮРГЭЛЖИЛЖ БАЙНА
14.50 цаг хүртэл түр завсарласан Н.Өнөрцэцэгийг шүүх хуралдаан үргэлжилж эхэллээ. Хуралдаанд яг одоо хохирогч Д.Мөнхтуулын өмгөөлөгч С.Соёлмаа тайлбар өгч байна. Д.Мөнхтуул нь яг ямар хэргийн хүрээнд Н.Өнөрцэцэгт гомдсон нь одоогоор хэвлэлийнхэнд тодорхой болоогүй юм.
16.19 цаг ПРОКУРОР ДҮГНЭЛТЭЭ ТАНИЛЦУУЛЖ ЭХЭЛЛЭЭ
Шүүх хуралдаанд хохирогч Д.Мөнхтуул, Ц.Гарамжав нарын өмгөөлөгч тайлбар гаргасны дараа шүүгдэгч Н.Өнөрцэцэгийн өмгөөлөгч нар байр сууриа илэрхийллээ. Ингэхдээ өмгөөлөгч Д.Оросоо, П.Эрхэмбаяр, Ч.Хишигжаргал, Б.Мөнхбаяр, Р.Булгамаа нар ээлжээр тайлбар гаргалаа. Үүний дараа прокурор Н.Улсболд тайлбар, дүгнэлтээ танилцуулж эхэлсэн байна.Тус хэрэгт Н.Улсболд, Б.Энх-Эрдэнэ нарын хоёр прокурор ажиллаж байгаа юм.
Прокурор дүгнэлт уншсаны дараа шүүх бүрэлдэхүүн шийдвэрээ гаргахаар зөвлөлддөг.
17.02 цаг ШҮҮХ БҮРЭЛДЭХҮҮН ЗӨВЛӨЛДӨЖ БАЙНА
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Прокурор Н.Улсболд, Б.Энх-Эрдэнэ нар тайлбар дүгнэлтээ уншин танилцуулж дууслаа. Улмаар шүүх бүрэлдэхүүн шийдвэр гаргахаар зөвлөлдөж эхэллээ. Н.Өнөрцэцэгийн өмгөөлөгч нарын зүгээс хэргийг Анхан шатны шүүх рүү буцаах хүсэлт гаргасан. Үүнийг шүүгчид хүлээж авбал Н.Өнөрцэцэг суллагдаж, хэргийг мөрдөн шалгах ажиллагаа шинээр үргэлжлэх юм.
Шүүх хуралдааныг шүүгч Г.Есөн-Эрдэнэ даргалж, Б.Ариунхишиг, Б.Зориг нарын шүүгчид шүүж байна.
18.00 цаг ДАВЖ ЗААЛДАХ ШҮҮХИЙН ТОГТООЛЫГ НЭЭЛТТЭЙ ТАНИЛЦУУЛНА
Өмгөөлөгчдөө төлөөлж П.Эрхэмбаяр мэдээлэл өгөхдөө, "Бидний зүгээс хуульд заасан арга хэмжээг бүгдийг нь авсан. Шүүх хуралд маш сайн оролцлоо гэж харж байна. Одоогоор шүүх хуралдаан завсарласан байна. Өмгөөлөгчдийн зүгээс тавьсан хоёр хүсэлтийг шүүхээс хангаагүй ч гэсэн, шүүх хуралдаан дээр бусад нотлох баримтуудыг хангалттай хэлэлцэж шүүх хурал завсарлалаа. Өмгөөлөгчдөөс шалтгаалах бүх зүйлийг хангалттай хийж гүйцэтгэсэн. Шүүх хурал хаалттай боллоо гээд хүний эрхийг зөрчинө гэсэн үг биш. Өмгөөлөгч, прокурорууд ч хяналт тавьж байгаа. Өмгөөлөгчдийн өглөө гаргасан хүсэлтээс зарим хэсгийг буюу тогтоох хэсгээ нээлттэй явуулахаар болсон. Шүүх хянан шийдвэрлэх ажиллагаа хүндрэлтэй байгаа, ямартай ч тогтоох хэсгээ олон нийтэд нээлттэй явуулахаар боллоо. Өмгөөлөгчид өөр өөрсдийн онцлогоор хэргийг хэрэгсэхгүй болгох, цагаатгах гэх зэрэг байр суурийг илэрхийлж байгаа. Тэгэхээр үр дүн шүүхийн өөрийн бүрэн эрхийн хүрээнд шийдвэрлэгдэнэ. Сэтгүүлч Н.Өнөрцэцэгийн биеийн байдал хүнд байна. Цонхийсон, сэтгэл зүйн байдал хүнд шүүх хуралд оролцож байна" гэсэн юм.
18.40 цаг Н.ӨНӨРЦЭЦЭГТ ОНООСОН 4.9 ЖИЛИЙН ХОРИХ ЯЛЫГ ХЭВЭЭР ҮЛДЭЭЛЭЭ
Сэтгүүлч Н.Өнөрцэцэгт холбогдох маш нууцын зэрэгтэй хэргийн Давж заалдах шатны шүүх хурал өнөөдөр 7 цаг гаруй хуралдсаны эцэст шүүх бүрэлдэхүүн тогтоолоо нээлттэй танилцууллаа. Ингэхдээ, сэтгүүлч Н.Өнөрцэцэгт анхан шатны шүүхээс оноосон 4.9 жилийн хорих ялыг хэвээр үлдээхээр шийдвэрлэсэн юм.
