Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Гэр бүлийн зургаан хүн угаартаж нас барсан хэрэг, хэргийн мэдээлэлтэй холбоотойгоор ХЗДХ-ийн сайд О.Алтангэрэл мэдээлэл хийлээ. Ингэхдээ,
Эрдэнэт хүний амь нас хохирсонд ар гэр төрөл төрөгсдөд нь эмгэнэл илэрхийлье. Байлдагч О.Одбаяр албаа үлгэр жишээ хариуцлагатай хаасан. Бүх талаар дэмжлэг үзүүлэхэд онцгойлон анхаарч ажиллаж байна.
Тавантолгой түлш компанийн үе үеийн удирдлагуудыг мөрдөн шалгаж байгаа. 29 нэр төрлийн химийн бодис, барьцалдуулагчид шинжилгээ хийж байна. Албан тушаалтнууд, түлшний барьцалдуулагчтай холбоотойгоор хариуцлага тооцно.
Хохирогчийн хувийн эмзэг мэдээллийг агуулсан мэдээлэл өчигдөр орой цахим орчинд 21:00 цагийн үед анх цацагдсан. Хуулийг ноцтой зөрчсөн, эрүүгийн хариуцлага хүлээлгэх гэмт хэрэг. Хувь хүний нууцад халдсан, задруулсан нь тав хүртэлх жилийн хорих ялтай. Хүнд бэрхийг туулж яваа энэ үед албаны журмаар цацсан бол хариуцлага тооцно. Өчигдөр орой ажлын хэсэг байгуулагдаад ажиллаж байна.
Хохирогчтой холбоотой мэдээлэлд дурдсан зарим зүйл цагдаагийн байгууллагад огт байхгүй, үнэнтэй нийцэхгүй ташаа мэдээлэл. Хохирогч согтууруулах ундааны хамааралтай хэрэглэдэг гэсэн нь худал. Гүтгэлэг. Цаашид хохирогчийн эрхийг зөрчсөн үйлдэл гаргахгүй байхад онцгой анхаарна.
ХЗДХ-ийн сайд О.Алтангэрэлээс урьтаж, цагдаа, хил хамгаалах байгууллагаас өчигдөр мэдээлэл хийж өөрсдийгөө буруугүй, мэдээлэл өгүүлэхгүй гэж хэлээгүй хэмээж, улмаар хэдхэн цагийн дараа хохирогчдын маш эмзэг мэдээллийг нийгмийн сүлжээнд задалсан юм. Ингэхдээ хэргийн газрын үзлэгийн мэдээллийг сошиал сүлжээнд "шидэж", хохирогчдыг архичин, хүүг нь хулгайч байсан хэмээн насанд хүрээгүй хүүхдүүдийнх нь зурагтай нь ил дэлгэсэн юм.
Тэгвэл салбарын сайд О.Алтангэрэл, энэхүү хувь хүний мэдээллийг хэрэв цагдаагийн алба хаагч задалсан бол тухайн алба хаагчаас гадна хувийн мэдээллийг хангахад чиглүүлж ажиллах ёстой Цагдаагийн ерөнхий газрын удирдлагуудад хариуцлага тооцохоо мэдэгдлээ.
Хувь хүний нууцад халдах, түүнийг харилцаа холбоо, цахим хэрэгсэл ашиглан тараах, мөрдөн байцаалтын нууц задруулах, цахим хэрэгсэл ашиглан тараах нь торгох, нийтэд тустай ажил хийлгэх, нийтийн албанд ажиллах эрхийг хасах, тав хүртэлх жилийн ялтай юм.
Эрүүгийн хуулийн 13.10 дугаар зүйл.Хувь хүний нууцад халдах
1.Хувь хүний хуулиар хамгаалагдсан нууцыг хууль бусаар олж авсан, бусдад дамжуулсан бол дөрвөн зуун тавин нэгжээс таван мянга дөрвөн зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас нэг жил хүртэл хугацаагаар зорчих эрхийг хязгаарлах ял шийтгэнэ.
2.Энэ гэмт хэргийг:
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
2.1.харилцаа холбоо, цахим хэрэгсэл ашиглаж;
2.2.эрх бүхий албан тушаалтан хуульд заасан үндэслэл, журмыг зөрчиж үйлдсэн бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.
13.11 дүгээр зүйл.Хувь хүний нууцыг задруулах
1.Хувь хүний хуулиар хамгаалагдсан нууцыг олж мэдсэн хүн өөрийнх нь зөвшөөрөлгүйгээр задруулсан бол нэг мянга гурван зуун тавин нэгжээс арван мянган нэгжтэй тэнцэх хэмжээний төгрөгөөр торгох, эсхүл зургаан сараас хоёр жил хүртэл хугацаагаар зорчих эрхийг хязгаарлах, эсхүл зургаан сараас хоёр жил хүртэл хугацаагаар хорих ял шийтгэнэ.
2.Энэ гэмт хэргийг:
2.1.харилцаа холбоо, цахим сүлжээ ашиглаж;
2.2.албан үүргээ гүйцэтгэх явцад олж мэдсэн хувь хүний нууцыг задруулсан бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.
21.9 дүгээр зүйл.Мөрдөн шалгах ажиллагааны нууцыг задруулах
1.Мөрдөн шалгах ажиллагааны талаарх баримт, мэдээллийг олж мэдсэн хүн мөрдөн шалгах ажиллагааны талаарх баримт, мэдээллийг задруулсан бол дөрвөн зуун тавин нэгжээс таван мянга дөрвөн зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас нэг жил хүртэл хугацаагаар зорчих эрхийг хязгаарлах ял шийтгэнэ.
2.Мөрдөн шалгах ажиллагааны талаар албаны үүргийн дагуу олж мэдсэн алба хаагч, ажилтан прокурорын зөвшөөрөлгүйгээр мөрдөн шалгах ажиллагааны талаарх баримт, мэдээллийг задруулсан бол нийтийн албанд ажиллах эрхийг нэг жилээс гурван жил хүртэл хугацаагаар хасаж хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэнэ.
3.Шүүгч, прокурор, хууль сахиулагч, өмгөөлөгч, мөрдөн шалгах ажиллагааны нууцыг албаны үүргийн дагуу олж мэдсэн алба хаагч, ажилтан мөрдөн шалгах ажиллагааны нууцалсан баримт, мэдээллийг зориуд задруулж, нууцалсан гэрчийг илчилж хэрэг шалган шийдвэрлэх ажиллагаанд саад учруулсан бол нийтийн албанд ажиллах эрхийг гурван жилээс таван жил хүртэл хугацаагаар хасаж нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ гэжээ. 
