Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Ням гарагийн шөнө Бангкок хотын нэгэн бааранд гарсан гал түймрээс тамхи татахаар гадагш гарсныхаа ачаар үхлээс хэдхэн секундын өмнө амь мултарсан эмэгтэй баранд гарсан галын тухай ярьсан байна.
41 настай Үса Тадсри сэтгүүлчдэд:
Гэнэт маш хүчтэй дэлбэрэлт болсон. Дэлбэрэлтийн дараа барнаас гарах ямар ч боломж байгаагүй.
гэжээ.
Тэрээр Бангкок хотын алдарт Rong Beer Na Lat Phrao бааранд найзуудтайгаа хөгжим сонсон, баяр хөөртэй сууж байхад шөнө дундын орчимд гал гарсан бөгөөд хоёр найз нь уг галд амь үрэгдсэн байна.
Гудамжинд сууж байхдаа аврагчид нэг найзынх нь цогцсыг цагаан даавуугаар бүтээн гаргаж ирэхийг хараад:
Би ухаан алдах шахсан. Тэр зүгээр л унтаж байгаа юм шиг харагдсан.
хэмээн нулимс дуслуулан ярьжээ.
Галд 27 хүн амиа алдаж, 70 гаруй хүн шархаджээ.
Энэ гал түймэр нь сүүлийн жилүүдэд Тайландад гарч буй хамгийн том гамшгийн нэг болж, дор хаяж 27 хүний аминд хүрч, 70 гаруй хүнийг шархдуулсан бөгөөд тэдний олонх нь хүнд байдалтай байна.
Цагдаагийн байгууллага ослын шалтгааныг шалгаж байна:
-Онцгой байдлын үед гарах гарцууд хаалттай байсан эсэх,
-Таазны агааржуулагчийн цахилгааны богино холболт,
-Цахилгааны хэт ачаалал,
-Галд амархан шатдаг материал ашигласан эсэхийг мөрдөн шалгаж байна.
Хохирогчдын дунд хөгжимчин, таксины жолооч, зөөгч гээд олон хүн байжээ. Тухайлбал ажил хайж хөдөө орон нутгаас Бангкокт ирсэн залуус ч байсан байна.
41 настай Жансуда Танла хүүгээ хайсаар Шүүх эмнэлэг дээр ирсэн бөгөөд:
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Хэрэв миний хүү аль нэг эмнэлэгт байгаа бол надад хэлээрэй. Би ганцхан хүүтэй.
хэмээн уйлан ярьжээ.
Түүний 27 настай хүү Дин нь Тайландын поп-рок хамтлагийн дуучин байсан бөгөөд гал гарах үед тайзан дээр тоглолтоо толилуулж байсан байна.
Ээж нь:
Тэр сургуулиа төгсөж чадаагүй ч дуучин болсон. Би өрөнд баригдсан байлаа, харин хүү минь бүх өрийг минь төлж өгсөн.
гэж дурсжээ.
Мөн хамтлагийн хөгжмийн зохиолч (keyboard хөгжимчин) Кванг галд амиа алдсан нь батлагдсан байна.
Хоёр хүүхдийн эцэг, таксины жолооч Ли болон түүний хамтрагч мөн галд өртөн нас барсан байна.
Түүний хадам ээж Нид:
Ли үнэхээр сайхан хүн байсан. Тэр сурагчдыг үнэгүй хүргэж өгдөг байлаа.
гэж хэлжээ.
Лаосоос ирсэн 21 настай Понгпасет Понгпани уг бааранд зөөгчөөр ажилладаг байжээ. Түүний 24 настай ах Кэвүдэн Понгпани гал унтраагуур авч дүүгээ аврахаар оролдсон ч чадаагүй байна.
Тэрээр:
Хүмүүсийн орилохыг сонссон. Би дүүгээ аврахыг маш их хүссэн ч дотогш орж чадаагүй. Утаа, тоос, халуун бүгд нийлээд замыг минь хаасан.
гэж ярьжээ.
Мөн Убон Ратчатани мужаас ердөө нэг сарын өмнө Бангкокт ирж зөөгчөөр ажиллаж эхэлсэн 23 настай Ситтипонг Чайё угаартаж нас барсан байна.
Түүний эгч Каньяван Бунруангтонг:
Мэдээ үзээд манайхан намайг ирж шалга гэж хэлсэн. Тэр утаанд хордож нас барсан. Ээж минь маш их гашуудаж байна. Ийм зүйл хэзээ ч болох ёсгүй байсан юм.
хэмээн ярьжээ.
