Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
540 хавтаст хэрэг бүхий 80 хүнд холбогдох Хөгжлийн банкны хэргийг Улсын дээд шүүх хэлэлцэж, УИХ-ын гишүүн асан Ё.Баатарбилэгт оноосон 6 жилийн ялыг хэвээр үлдээлээ. Мөн УИХ-ын гишүүнээр сонгогдон, одоо ч хууль баталж суугаа улс төрийн албан тушаалтнуудаас Ерөнхий сайд асан Н.Алтанхуяг, Б.Найдалаа нарын холбогдох эрх мэдэл, албан тушаалаа урвуулан ашигласан хэргийг нь дахин эхнээс нь хэлэлцэх ёстой. Анхан болон Давж заалдах шатны шүүхээс тэдний холбогдсон хэргийг хэрэгсэхгүй болгосон дүгнэлт, цагаатгасан шийдвэр нь бодит байдалтай нийцээгүй гэж хүчингүй болголоо.
УИХ-ын гишүүн Н.Алтанхуягтай холбоотой авлигын хэргийг дахин хэлэлцэнэ
Эхний хэрэг нь Ерөнхий сайд асан Н.Алтанхуяг, Эдийн засаг хөгжлийн сайд асан Н.Батбаяр нарт холбогдоно. Тэдний эрх мэдэл, албан тушаалын байдлаа урвуулан ашиглаж, "Говийн зам" ХХК-ийн барьсан замыг Хөгжлийн банкны санхүүжилтээр төрд шууд худалдаж авсан, "Бэрэн" , "Монроуд" ХХК-уудад 2014 онд Хөгжлийн банкнаас зээл олгосон гэх хэргүүдийг Анхан болон Давж заалдах шатны шүүхээс хэрэгсэхгүй болгож, цагаатгасан үндэслэл нь хэргийн бодит байдалтай нийцээгүй, ач холбогдол бүхий нөхцөл байдлуудыг анхаарч үзээгүй гэж Улсын дээд шүүх дүгнэлээ. Мөн Эдийн засаг хөгжлийн сайд асан Н.Батбаярын холбогдсон хэргийн талаар давж заалдах шатны шүүхийн хийсэн дүгнэлт үндэслэлтэй ч гэмт хэрэг хийсэн цаг хугацааны үйл баримттай холбоотой анхан шатны шүүхээс шийдвэр гаргаагүй байхад хөөн хэлэлцэх хугацааг урьдчилан тоолж, хэргийг хэрэгсэхгүй болсон нь ноцтой зөрчил гэж үзлээ. Улмаар Н.Алтанхуяг, Н.Батбаяр, Шинэбаатар, Мөнхбат нартай холбоотой цагаатгасан шийдвэрийг хүчингүй болгож, дахин хэлэлцүүлэхээр шийдвэрлэлээ. Ингэснээр УИХ-ын гишүүн Н.Алтанхуяг дээр холбогдсон авлигын хэргээ дахин эхнээс нь шалгуулахаар боллоо.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Дараагийн дахин шалгагдах УИХ-ын гишүүн бол Б.Найдалаа
Хөгжлийн банкны хэрэгт нэр холбогдож, яллагдагчаар татагдсан 80 хүний нэг нь УИХ-ын гишүүн Б.Найдалаа юм. Түүнийг Хөгжлийн банкны ТУЗ-ийн хараат бус гишүүнээр ажиллаж байхдаа эрх мэдэл, албан тушаалаа ашиглаж улсад 44.3 тэрбум төгрөгийн хохирол учруулсан хэрэгт яллагдагчаар татсан. Б.Найдалаа нь “Бэрэн групп” ХХК-д 22.7 сая хүртэлх ам.долларын зээлийг олгохыг дэмжсэн санал өгч, 2014 оны хоёрдугаар сарын 11-ний өдрийн 08 дугаартай “Бэрэн групп” ХХК-д зээл олгох тухай” тогтоол гаргаж байжээ.
Улсын дээд шүүхээс Хөгжлийн банкны ТУЗ-ийн дарга, гишүүдэд холбогдох хэргийг анхан шатны шүүх хэрэгсэхгүй болгон, цагаатгаж шийдвэрлэхдээ дүгнэлтэд ач холбогдол бүхий нөхцөл байдлыг анхаарч үзээгүй, цагаатгасан үндэслэл нь хэргийн жинхэнэ байдалд нийцээгүй байна гэж дүгнэв.
Энэ нь Анхан шатны шүүх хэргийн болсон үйл явдал, шүүгдэгч тус бүрийн үйлдэл, хамтран оролцоог нотлох баримтад тулгуурлан тодорхойлж үйл баримтын дүгнэлт хийгээгүй. Иймд Төлөөлөн удирдах зөвлөлийн дарга, гишүүдийн холбогдсон бүх хэргийг дахин хэлэлцүүлэхээр шийдвэрлэсэн Давж заалдах шатны шүүхийн магадлал хууль ёсны, үндэслэлтэй гэж Улсын дээд шүүх шийдвэрлэв.
Улсын дээд шүүхээс Хөгжлийн банктай холбогдох хэргийг хэлэлцэхдээ шүүгдэгч нарын ажил албан тушаал, холбогдсон хэрэг, үйлдэл оролцоо зэргийг харгалзаад, хооронд нь хамааралгүй байдлаар тав ангилж шийдвэрээ гаргажээ. Ингэхдээ...
Ерөнхий сайд болон УИХ-ын гишүүний холбогдсон хэрэг.
ТУЗ-ийн дарга, гишүүдийн холбогдсон хэрэг.
Хөгжлийн банкны Зээлийн удирдлагын хорооны дарга, гишүүний холбогдсон хэрэг.
Хөгжлийн банкны мэргэжилтнүүдийн холбогдсон хэрэг.
Зээлдэгч аж ахуйн нэгж, тэдгээрийн удирдах албан тушаалтнууд, бусад хүмүүсийн холбогдсон хэрэг юм. 
