Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Японы "Комэйто" нам 26 жилийн дараа Либерал Ардчилсан намтай (ЛАН) холбоогоо тасалснаар эвсэл задрах шинж илэрч байна.
Японы эрх баригч эвслийн бага түнш болох Комэйто нам сүүлийн 26 жил Либерал Ардчилсан намтай хамтарсан (ЛАН) эвслээ хадгалах эсэх талаар “Яриа хэлэлцээрт орох болно” хэмээн мэдэгдлээ. Энэ нь тус нам болон түүний гол дэмжигч Сока Гаккай шашны байгууллагын гишүүд ЛАН-ын шинэ дарга Санаэ Такаичид итгэлгүй байгаагийн илэрхийлэл юм.
Комэйто нам Такаичиг шууд дэмжээгүй нь түүний хэт хатуу, барууны үндсэрхэг үзэл илэрхийлдэгтэй Сока Гаккайгийн олон сая гишүүд санал нийлээгүйгээс болжээ.
Мягмар гарагт Такаичитэй уулзсан Комэйто намын дарга Тэцүо Сайто тус нам болон Сока Гаккайн гишүүдийн санаа зовнилыг тодорхой дурдав. Үүнд Такаичигийн Ясукуни сүмд зочлох хүсэл, мөн ЛАН-ын шинэ удирдлагад Комэйтод ойр хүмүүс бараг байхгүй байгаа зэрэг асуудлууд багтжээ.
Уулзалт “цаашид хэлэлцээ үргэлжилнэ” гэсэн амлалтаар өндөрлөсөн ч, Сайто дараа нь цахим мэдээллийн сайтад өгсөн ярилцлагадаа Комэйто нам Такаичиг дараагийн Ерөнхий сайдаар автоматаар дэмжихгүй байж болзошгүйг анхааруулсан юм.
“Хэрвээ бид ЛАН-тай эвсэхгүй бол, Ерөнхий сайдын санал хураалтад Такаичигийн нэрийг бичихгүй,” гэж Сайто хэлжээ.
Энэ мэдэгдэл нь 1999 онд байгуулагдсан ЛАН–Комэйто эвсэл задарч магадгүй гэсэн таамгийг улам дэвэргэв.
Анх 1999 онд төвийн үзэл баримтлалтай, энх тайван ба нийгмийн халамжийг дэмжигч Комэйто нам илүү барууны чиг баримжаатай ЛАН-тай нэгдэн засгийн эрхэнд хамтарсан. Тэр үед олон Сока Гаккай гишүүд сэтгэл дундуур байсан ч Комэйто намын удирдлага “барууны хатуу хууль тогтоомжийг саармагжуулж чадна” гэж тайлбарлаж байв.
2009 онд хоёр нам хамтдаа олонхын суудлаа алдаж, сөрөг хүчинд шилжсэн. Гэсэн ч тухайн жил Нацүо Ямагүчи намын дарга болж, Ардчилсан намын (ЯАН) удирдсан шинэ эвсэлд орохын оронд хуучин хамтын ажиллагаагаа хадгалсан юм.
2012 онд Шинзо Абэ дахин Ерөнхий сайдаар сонгогдсоноор, Комэйто нам дотор түгшүүр нэмэгдсэн. Учир нь Абэгийн үндсэрхэг, батлан хамгаалах чиглэлийн бодлого Такаичигийнхтай төстэй юм.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Гэвч Ямагүчи ба Абэ нар сайн харилцаа тогтоож, 2015 онд Японы аюулгүй байдлын үүргийг өргөтгөсөн маргаантай хуулийг Комэйто дэмжсэнээр эвсэл үргэлжилсэн.
Одоо Комэйто намыг удирдаж буй Тэцүо Сайто (2024 оноос) өмнөх Ерөнхий сайд Шигэру Ишибатай харьцуулахад Такаичиг илүү хатуу, барууны байр суурьтай гэж үзэж байгаа.
Хойд Техасын Их сургуулийн улс төр судлаач Ко Маэда-гийн хэлснээр:
“Абэ ба Такаичи ижил бодлого баримталдаг ч өнөөгийн нөхцөл байдал өөр. Комэйто нам суларч байна — тэд дараалсан гурван сонгуулиар суудал алдсан, гишүүдийн дундаж нас өссөн”
Сока Гаккай Японд 8.27 сая өрхийн гишүүнтэй гэж мэдэгддэг. Эдгээр гишүүдийн санал Комэйто намын амжилтад шийдвэрлэх нөлөөтэй. Гэвч:
2024 оны Төлөөлөгчдийн танхимын сонгуулиар Комэйто зөвхөн 5.96 сая санал авсан — 1996 оноос хойших хамгийн муу үзүүлэлт.
2025 оны 7-р сард болсон дээд танхимын сонгуулиар 5.21 сая санал авч, 2004 оны 8.62 саяаас 40% буурсан байна.
Намын тайланд дурдсанаар, Комэйто нам зөвхөн Сока Гаккай дэмжигчид бус, мөн ЛАН-ын болон бие даасан, залуу сонгогчдын дэмжлэгийг алдаж буйг хүлээн зөвшөөрчээ.
Хэрэв Комэйто эвслээс гарвал, энэ нь зөвхөн Сока Гаккай болон намд төдийгүй ЛАН-д ч сонгуулийн томоохон хохирол авчрах болно.
Проф. Маэдагийн тооцоогоор:
“2024 оны сонгуулийн дүнгээр нэг гишүүнтэй тойрог бүрт дунджаар 20 мянга орчим санал Комэйто-гоос ирсэн. 132 ЛАН нэр дэвшигч дунд 52 нь Комэйтон дэмжлэггүй бол ялагдах байжээ.”
Комэйто намыг хамгийн их түгшээж буй өөр нэг зүйл бол Такаичигийн томилгоонууд. Тэрээр өнгөрсөн жилийн мөнгө угаах (slush funds) дуулианд холбогдсон Коичи Хагиудаг намын гүйцэтгэх нарийн бичгийн даргын орлогчоор томилсон нь Сока Гаккай дунд сөрөг хандлага төрүүлжээ.
Авлигын хэрэгт холбогдсон хүмүүсийг дэвшүүлсэн нь “цэвэр” нам хэмээх Комэйтогийн имижтэй зөрчилдөж байгаа бөгөөд энэ нь ЛАН-тай цааш хамтрахад том саад болох магадлалтай байна.
