Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Арабын Нэгдсэн Эмират улс нь OPEC+ бүлгийн хамгийн том олборлогчдын нэг бөгөөд 5 дугаар сарын 1-нээс нефть үйлдвэрлэгч орнуудын эвслээс гарахаа мягмар гарагт албан ёсоор мэдэгдлээ.
Газрын тос экспортлогч орнуудын байгууллага (OPEC) болон түүний холбоотнууд, үүнд ОХУ ч багтдаг, эдгээрийг хамтад нь OPEC+ гэж нэрлэдэг. Өнгөрсөн жил энэ бүлэг дэлхийн газрын тос болон шингэн түлшний 50 орчим хувийг үйлдвэрлэсэн гэж Олон Улсын Эрчим Хүчний Агентлагийн тайланд дурдсан байна. АНЭУ нь OPEC+ дотор дөрөв дэх том үйлдвэрлэгч юм.
Доор OPEC+ болон түүний үүргийн талаар баримтуудыг танилцуулж байна.
OPEC нь 1960 онд Ирак улсын Багдад хотод Ирак, Иран, Кувэйт, Венесуэль болон Саудын Араб улсуудын гишүүнчлэлтэйгээр анх байгуулагдсан. Гол зорилго нь нефтийн бодлогыг уялдуулах, шударга, тогтвортой үнийг тогтоох явдал байв. Өнөөдөр тус байгууллага голчлон Ойрхи Дорнодын 12 улсаас бүрддэг. АНЭУ нь 1967 онд уг байгууллагад нэгдсэн.
Сүүлийн жилүүдэд OPEC-ийг орхисон дөрөв дэх улс нь АНЭУ болж байгаа бөгөөд эдгээрээс хамгийн том нь юм. Aнгол (2007 онд элссэн) 2024 оны эхээр олборлолтын түвшний маргааны улмаас гарсан. Эквадор 2020 онд, Катар 2019 онд тус тус гарсан.
1970-аад онд OPEC дэлхийн түүхий нефтийн талаас илүү хувийг үйлдвэрлэж байсан боловч дараа нь Хойд тэнгис зэрэг OPEC-ээс гадуурх эх үүсвэрүүд нэмэгдсэнээр энэ хувь буурсан.
Дараагийн хэдэн арван жилд OPEC-ийн зах зээлийн хувь 30-40 хувийн хооронд хэлбэлзэж байсан ч АНУ зэрэг өрсөлдөгчдийн олборлолт огцом өссөнөөр энэ хувь аажмаар багассан.
2016 онд OPEC нөлөөгөө сэргээхийн тулд OPEC-ийн гишүүн бус 10 улстай, үүнд ОХУ багтсан эвсэл байгуулж, үүнийг OPEC+ гэж нэрлэсэн.
Үүний үр дүнд 2025 онд дэлхийн газрын тос болон шингэн түлшний үйлдвэрлэлийн бараг 50 хувь буюу өдөрт 51.15 сая баррельд хүрсэн байна. Харин Ираны дайны дараах гуравдугаар сард энэ хувь ойролцоогоор 44 хувь болж буурсан.
АНУ болон Ираны хоорондох дайн хоёрдугаар сарын сүүлээр эхлэхээс өмнө АНЭУ өдөрт 3.3 сая баррель нефть олборлож байсан бөгөөд дээд тал нь 4.5–5.0 сая баррель хүртэл олборлох хүчин чадалтай байв.
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Өмнө нь Саудын Арабтай хамт зах зээлд нэмэлт нийлүүлэлт гаргах “Нөөц хүчин чадал”-тай байсан нь АНЭУ-ын ач холбогдлыг нэмэгдүүлдэг байсан.
Гэвч Ираны дайны улмаас Ормузын хоолой бараг хаагдсантай холбоотойгоор нефтийн зах зээлд урьд өмнө байгаагүй доголдол үүссэн нь энэ давуу талыг бараг үгүй болгожээ.
Саудын Араб, АНЭУ, Кувейт, Ирак зэрэг Персийн булангийн орнууд экспортлох боломж хязгаарлагдсан тул гуравдугаар сард нефтийн олборлолтоо бууруулж, хамтдаа өдрийн олборлолтоо бараг 8 сая баррелиар бууруулсан байна.
Хэдийгээр Ормузын хоолойг тойрон экспортлох тодорхой боломж бий:
Саудын Араб Улаан тэнгис рүү чиглэсэн өдөрт 7 сая баррель дамжуулах хоолойтой. АНЭУ Фужайра боомт руу өдөрт 1.5–1.8 сая баррель тээвэрлэх хүчин чадалтай
OPEC+ нь зах зээлийг тэнцвэржүүлэхийн тулд нефтийн олборлолтыг нэмэгдүүлэх, бууруулах шийдвэр гаргадаг гэж мэдэгддэг.
Харин шүүмжлэгчид тэднийг үнийг зориуд зохицуулдаг гэж буруутгадаг бөгөөд OPEC үүнийг үгүйсгэдэг.
1973 оны Араб-Израйлийн үеэр OPEC-ийн араб гишүүд АНУ болон Израилийг дэмжсэн бусад орнуудад нефтийн экспортын хориг тавьсан.
Энэ нь:
-Нефтийн үнийг огцом өсгөсөн
-Шатахууны хомсдол үүсгэсэн
АНУ болон бусад улсыг эдийн засгийн хямралын ирмэгт хүргэсэн.
АНУ-ын Ерөнхийлөгч Дональд Трамп OPEC-ийг нефтийн үнийг зохиомлоор өсгөж “Дэлхийг шулж байна” гэж буруутгаж байсан. Мөн АНУ Персийн булангийн орнуудыг хамгаалж байхад тэд өндөр үнэ тогтоож ашиг олж байна гэж мэдэгдэж байв.
Гэвч 2020 онд COVID-19 цар тахлын үед нефтийн үнэ огцом унаж, АНУ-ын үйлдвэрлэгчид хохирол амсахад олборлолтыг бууруулахыг OPEC+-д уриалсан хүн нь мөн Трамп өөрөө байсан.
2025 онд OPEC дэлхийн түүхий нефтийн далайгаар тээвэрлэгддэг экспортын 47 хувийг бүрдүүлж байсан бол 2026 оны гуравдугаар сард энэ хувь 34.7 хувь болж буурсан байна.
OPEC-ийн гишүүн орнууд
САУДЫН АРАБ
Арабын Нэгдсэн Эмират (гарахаа мэдэгдсэн)
КУВЭЙТ
ИРАК
ИРАН
АЛЖИР
ЛИВИ
НИГЕР
КОНГО
ГВЕНЕЙ
ГАБОН
ВЕНЕСУЭЛЬ
ОХУ
АЗЕРБАЙЖАН
КАЗАХСТАН
БАХРАЙН
БРУНЕЙ
МАЛАЙЗ
МЕКСИК
ОМАН
ӨМНӨД СУДАН
СУДАН
БРАЗИЛ (2025 онд нэгдсэн)
