Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
БНХАУ АНУ-ын чипний тоног төхөөрөмжийн хуулийн төслийг шүүмжилж, Бээжинд болох хоёр улсын удирдагчдын дээд хэмжээний уулзалтын өмнө эсэргүүцлээ илэрхийллээ
Дэлхийн хиймэл оюуны (AI) өрсөлдөөнд БНХАУ өөрийн чип үйлдвэрлэгчдийг хязгаарлах зорилготой АНУ-ын санал болгож буй хуулийн төслийн эсрэг байр сууриа улам идэвхтэй илэрхийлж эхэллээ. Энэ нь Бээжин уг асуудалд хэр их санаа зовниж байгааг харуулж байгаа юм.
“MATCH Act” хэмээх уг хуулийн төслийг энэ долоо хоногт Бээжинд болох АНУ-ын Ерөнхийлөгч Ерөнхийлөгч Дональд Трамп болон БНХАУ-ын дарга Ши Жинпин нарын удаан хүлээлгэсэн уулзалтын үеэр хөндөнө гэж эх сурвалжууд мэдээлжээ.
Сүүлийн хэдэн сарын турш Трампын Засаг захиргаа үндэсний аюулгүй байдлын болгоомжлол байсаар атал БНХАУ руу чиглэсэн шинэ технологийн экспортын хориг арга хэмжээг өргөжүүлэхээс зайлсхийж ирсэн байна.
Харин АНУ-ын Конгресс энэ “Сул орон зай”-г нөхөхөөр хөдөлж, өнгөрсөн сард Төлөөлөгчдийн танхим болон Сенатад шинэ хууль санаачилан оруулжээ. Уг хууль нь Хятадын чип үйлдвэрлэгчдэд хиймэл оюун ухаантай хагас дамжуулагч үйлдвэрлэхийг улам хүндрүүлэх зорилготой аж. Мөн АНУ холбоотон орнуудаа БНХАУ руу чиглэсэн тоног төхөөрөмжийн экспортоо хязгаарлахад шахалт үзүүлэх механизмыг багтаасан байна.
Энэ нь Бээжингийн хүчтэй эсэргүүцэлтэй тулгарсан.
Хятадын албаныхан:
-Хуулийн төслийг шүүмжилсэн,
-Хэрэгжвэл авах хариу арга хэмжээнүүдээ бэлтгэсэн,
-Мөн БНХАУ дахь АНУ-ын ЭСЯ-ны дипломат ажилтнуудыг дуудаж албан ёсоор гомдол гаргасан байна.
Энэ бүхэн нь БНХАУ асуудалд ямар өндөр ач үзүүлж байгааг харуулж байгаа юм.
Мөн дөрөвдүгээр сард БНХАУ-ын Худалдааны яам (MOFCOM) Вашингтон дахь Хятадын ЭСЯ-нд АНУ-ын чип үйлдвэрлэлийн салбарын төлөөлөгчдийг дуудаж уулзан, MATCH Act зэрэг хагас дамжуулагчтай холбоотой асуудлуудыг хэлэлцсэн гэж өөр эх сурвалж мэдээлсэн.
АНУ-ын Төрийн департаментын Хятадтай холбоотой асуудал хариуцсан зөвлөх асан Рэйн Федасуик :
Конгресс АНУ БНХАУ-тай хийх AI өрсөлдөөнд ялах нь ямар чухал болохыг ойлгож байгаа. Харин Бээжин өөрийн чип үйлдвэрлэлийн салбар Америкийн экспортын хяналтад маш эмзэг гэдгийг ойлгож байгаа.
гэжээ.
Бээжингийн уулзалт нь өнгөрсөн жил Өмнөд Солонгос улсад хоёр улсын байгуулсан эмзэг худалдааны эвлэрлээс хойших анхны дээд хэмжээний уулзалт юм. Хэдийгээр ховор металл зэрэг бусад асуудал гол анхаарал татах ч Хятадын тал урьдчилсан уулзалтууд дээр MATCH Act-ийн талаар хэдийн ярьсан гэж эх сурвалжууд хэлсэн байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Цагаан ордон одоогоор энэ хуулийн төсөлд албан ёсны байр суурь илэрхийлээгүй байгаа юм.
Баасан гарагт Цагаан ордны нэгэн албан тушаалтан:
Ерөнхийлөгчөөс өмнө бид хэлэлцэгдэж буй хууль тогтоомжийн талаар урьдчилж тайлбар хийдэггүй.
гэж мэдэгджээ.
Хуулийн төсөл өнгөрсөн сард өргөн баригдсанаас хойш Хятадын албаныхан ил тод шүүмжилсээр ирсэн бөгөөд хууль батлагдсан тохиолдолд хэрэгжүүлэх эсрэг арга хэмжээнүүдээ ч танилцуулжээ.
Вашингтон дахь Хятадын ЭСЯ-ны төлөөлөгч Лю Пэнгүй:
АНУ янз бүрийн шалтаг ашиглан бусад улсыг Хятадын эсрэг технологийн бүслэлтэд хүчээр нэгтгэхийг оролдож байна.
хэмээн мэдэгдсэн.
Дөрөвдүгээр сарын 22-нд АНУ-ын Төлөөлөгчдийн танхимын Гадаад харилцааны хороо уг төслийг болон AI, хагас дамжуулагч, экспортын хяналттай холбоотой бусад хуулиудыг урагшлуулсны дараа Хятадын Худалдааны яам дахин мэдэгдэл хийж байсан юм.
Тус яам:
Хэрэв эдгээр хууль батлагдвал олон улсын эдийн засаг, худалдааны дэг журмыг ноцтойгоор сүйтгэнэ.
гэж мэдэгдээд, Хятад улс
Өөрийн компаниудын хууль ёсны эрх ашгийг хамгаалахын тулд шаардлагатай арга хэмжээг шийдвэртэй авна.
гэсэн байна.
Мөн дөрөвдүгээр сарын 13-нд Хятад улс шинэ журам гаргаж, MATCH Act зэрэг АНУ-ын “Гадаад улсын хууль эрх зүйн хэт нөлөөллийг” дэмжиж хэрэгжүүлсэн этгээдүүдийг “Хортой этгээдийн жагсаалт”-д оруулах боломжтой болгожээ. Энэ нь шүүхийн ажиллагаа эхлүүлэх боломжийг ч нээж байгаа аж.
MATCH Act нь Хятад руу нийлүүлж буй чип үйлдвэрлэлийн тоног төхөөрөмжийн “цоорхой”-г хаах зорилготой бөгөөд АНУ, Япон, Нидерланд зэрэг энэ зах зээлийг давамгайлдаг орнуудын чухал технологийг онилж байгаа юм.
Хэрэв холбоотон орнууд тодорхой хугацаанд экспортын хязгаарлалт хэрэгжүүлэхгүй бол АНУ өөрөө нэмэлт хориг тогтоох боломжтой болно. Мөн тоног төхөөрөмжийн засвар үйлчилгээ хийхэд хүртэл лиценз шаардах зохицуулалт оржээ.
Нидерландын ASML компани — дэлхийн хамгийн том deep ultraviolet immersion lithography төхөөрөмж нийлүүлэгч — уг хуулийн гол бай болж магадгүй гэж үзэж байна.
Мөн Японы Tokyo Electron компани ч анхаарлын төвд байгаа аж.
ASML тайлбар өгөхөөс татгалзсан бол Tokyo Electron хүсэлтэд мөн л шууд хариу өгөөгүй байна.
MATCH Act өнгөрсөн сарын сүүлээр Төлөөлөгчдийн танхимын Гадаад харилцааны хорооноос 36–8 саналын харьцаагаар дэмжигдэн гарсан бөгөөд лоббиний нөлөөгөөр хэд хэдэн удаа засварлагдсан юм.
