Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
August 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Алтны ханш өнгөрсөн долоо хоногт сүүлийн долоон долоо хоногийн дээд түвшинд хүрсэн бол өнөөдөр ам.долларын ханш чангарснаар бага зэрэг буурлаа. Харин энэ долоо хоногт гарах АНУ-ын инфляцын (Хэрэглээний үнийн индекс-CPI) мэдээ алтны дараагийн чиглэлийг тодорхойлох гол хөшүүрэг болох төлөвтэй байна.
Даваа гарагт спот алтны үнэ 0.2 хувиар буурч, нэг унц нь 4'335 ам.долларт хүрсэн. Харин АНУ-ын алтны фьючерсийн үнэ 4'394 ам.доллар болжээ.
Алтны үнэ өнгөрсөн баасан гарагт огцом өссөн юм. Учир нь АНУ-ын долдугаар сарын хөдөлмөрийн зах зээлийн мэдээ шинжээчдийн хүлээлтээс муу гарч, шинээр бий болсон ажлын байрны тоо буурсан. Үүний зэрэгцээ өмнөх хоёр сарын ажлын байрны өсөлтийн тоог мөн огцом бууруулан шинэчилжээ.
Энэ нь АНУ-ын эдийн засаг саарч эхэлж байж болзошгүй гэсэн болгоомжлолыг нэмэгдүүлж, Холбооны Нөөцийн Банк (ХНС) бодлогын хүүгээ бууруулах боломж нэмэгдэж магадгүй гэсэн хүлээлтийг бий болгосон байна.
Алт олон улсын зах зээл дээр ам.доллараар үнэлэгддэг. Тиймээс ам.долларын ханш чангарахад бусад валюттай хөрөнгө оруулагчдын хувьд алт илүү үнэтэй болдог.
Даваа гарагт ам.долларын индекс 0.2 хувиар өссөн нь алтны үнэд дарамт болжээ.
Гэхдээ алтны үнэ цаашид өсөх эсэхэд зөвхөн ам.доллар бус, АНУ-ын инфляц болон ХНБ-ны бодлогын хүүгийн шийдвэр илүү чухал нөлөө үзүүлэх төлөвтэй байна.
Энэ долоо хоногт зах зээлд хамгийн их анхаарал татаж буй мэдээлэл бол АНУ-ын хэрэглээний үнийн индекс буюу CPI юм.
Ройтерс агентлагийн санал асуулгад оролцсон эдийн засагчдын дундаж таамгаар АНУ-ын долдугаар сарын инфляц жилийн өмнөхөөс 3.4 хувиар өсөх төлөвтэй байна. Энэ нь зургадугаар сарын 3.5 хувийн өсөлтөөс буурсан үзүүлэлт юм.
Инфляц саарч байна → ХНБ бодлогын хүүгээ бууруулах боломж нэмэгдэнэ → ам.доллар болон бондын өгөөж буурах дарамттай болно → ингэснээр алтны ханш өсөхөд таатай орчин бүрдэнэ.
Харин CPI хүлээлтээс өндөр гарвал:
Инфляц өндөр хэвээр байна → ХНБ бодлогын хүүгээ бууруулахыг хойшлуулж магадгүй → ам.доллар болон бондын өгөөж өсөх боломжтой → алтны үнэ дарамтад орж болзошгүй.
Тиймээс хөрөнгө оруулагчид лхагва гарагт гарах ХҮИ-CPI мэдээг онцгой анхаарч байна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Алт нь хувьцаа, бонд шиг тогтмол хүүгийн орлого өгдөггүй. Тиймээс ХНБ-ны бодлогын хүү өндөр байх үед хөрөнгө оруулагчид хүүгийн өгөөжтэй ам.долларын хөрөнгө оруулалтыг илүү сонирхох хандлагатай байдаг. Харин хүү буурах төлөв хүчтэй болох үед хүү өгдөггүй алтанд хөрөнгө оруулах харьцангуй давуу тал нэмэгддэг.
Өнгөрсөн долоо хоногт ажилгүйдлийн мэдээ муу гарсан нь ХНБ-ны бодлогын хүүгийн талаарх хүлээлтийг өөрчилсөн ч зах зээлд хүү бууруулах эсэх асуудал одоогоор тодорхой бус хэвээр байна.
CME-ийн FedWatch-ийн тооцоогоор зах зээлд оролцогчид есдүгээр сард ХНБ бодлогын хүүгээ өсгөх магадлалыг 46 хувь, харин арванхоёрдугаар сард өсгөх магадлалыг 79 хувь гэж үзэж байна.
Алтны үнэд нөлөөлж болох өөр нэг хүчин зүйл бол Ойрх Дорнодын нөхцөл байдал юм. Иран улс Хормузын хоолойг дахин нээх асуудлыг АНУ-аас тавьж буй хэд хэдэн шаардлагатай холбон үзэж байна. Тус улс Оман улстай хамтран Хормузын хоолойгоор дамжин өнгөрөх усан тээврийн шинэ замуудыг тодорхойлох хэлэлцээрт ойртсон ч АНУ тодорхой нөхцөлүүдийг биелүүлэх ёстой гэж мэдэгджээ. Хормузын хоолой бол дэлхийн газрын тосны тээвэрлэлтийн хамгийн чухал гарцуудын нэг. Тиймээс уг бүс нутагт хурцадмал байдал нэмэгдвэл газрын тосны үнэ өсөж, улмаар дэлхийн инфляцад дахин дарамт үүсэх эрсдэлтэй.
Бусад үнэт металлын үнэ
Даваа гарагт:
Мөнгө 0.6 хувиар өсөж, 63.96 ам.доллар
Платин 0.5 хувиар буурч, 1,736.45 ам.доллар
Паллади 1 хувиар буурч, 1,363.50 ам.доллар болсон байна.
Ойрын өдрүүдэд алтны ханшийн хөдөлгөөнийг үндсэндээ 3 зүйл тодорхойлно:
1. АНУ-ын ХҮИ-CPI — мэдээ лхагва гарагт гарна.
Инфляц хүлээлтээс бага гарвал алт өсөх магадлал нэмэгдэнэ.
2. АНУ-ын PPI — пүрэв гарагт
Үйлдвэрлэгчийн үнийн өсөлт нь (PPI-Үйлдвэрлэгчдийн Үнийн Индекс) инфляц цаашид ямар чиглэлтэй байхыг харуулах чухал үзүүлэлт.
3. Ам.долларын ханш
Ам.доллар сулрах тусам алтанд эерэг, харин доллар чангарах тусам алтанд сөрөг нөлөө үзүүлэх хандлагатай. Товчхондоо, алт одоогоор 4'300 ам.доллараас дээш өндөр түвшинд хадгалагдаж байгаа ч зах зээл лхагва гарагийн АНУ-ын CPI мэдээллийг хүлээж байна. Инфляцын тоо хүлээлтээс хэр зөрөхөөс шалтгаалан алтны ханш дараагийн хүчтэй хөдөлгөөнөө хийх магадлалтай.
