Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Товч агуулга
-ICE-ийн агент гудманд 37 настай Рене Николь Гүүд гэх 3 хүүхэдтэй эмэгтэйг буудан хөнөөв.
-Миннеаполис хотын дарга засаг захиргааны тайлбарыг хүчтэй няцаав.
-Уг хэрэг Миннеаполисын гудамжинд иргэдийг жагсаал хийхэд хүргэлээ.
Лхагва гарагт АНУ-ын цагаачлалын албаны агент ( ICE) Миннеаполис хотод машиндаа байсан 37 настай 3 хүүхдийн ээж Ренее Николь Гүүд гэх эмэгтэйг буудан хөнөөсөн талаар орон нутгийн болон холбооны албаныхан мэдээлэв. Энэ нь Ерөнхийлөгч Дональд Трампын улс даяарх цагаачдыг шахан гаргах кампанит ажлын хүрээнд гарсан хамгийн сүүлийн хүчирхийлэл боллоо.
Миннеаполис хотын дарга Жейкоб Фрей Трампын засаг захиргаанаас гаргасан “Агент өөрийгөө хамгаалж буудсан” гэх тайлбарыг эрс няцааж, уг буудлагын бичлэг нь Засгийн газрын “Хог новш шиг тайлбар”-тай шууд зөрчилдөж байна гэж мэдэгдэв.
“Тэд үүнийг аль хэдийн өөрийгөө хамгаалсан үйлдэл" гэж мушгин гуйвуулж байна хэмээн уур нь хүрсэн Фрей хэвлэлийн бага хурлын үеэр хэлжээ.
“Би бичлэгийг өөрийн нүдээр харсан хүний хувьд шууд хэлмээр байна — Энэ бол шал худал, балайрал”
Фрей холбооны цагаачлалын агентууд хотод эмх замбараагүй байдал үүсгэж байна гэж буруутгаад ICE-д хандан: “Миннеаполисоос тонилцгоо!” гэж хэлсэн байна. Тэрээр мөн оршин суугчдыг тайван байхыг уриалжээ.
Миннесота, Вашингтон болон бусад мужуудад явуулсан үйл ажиллагааг Ардчилсан намын удирдагчид ICE-ийн хэрэгцээгүй өдөөн хатгалга бөгөөд эмгэнэлт явдалд хүргэж байна гэж шүүмжилжээ.
Миннеаполис хотын зөвлөл амь үрэгдсэн эмэгтэйг Рене Николь Гүүд хэмээн тогтоосон байна.
“Тэр өнөө өглөө хөршүүддээ туслахаар явж байсан бөгөөд түүний амийг холбооны засгийн газар хороолоо” гэж мэдэгдэв.
Хотын зөвлөл ICE-ийг хотоос нэн даруй гарч явахыг шаардсан байна.
Орой болох үед буудлага болсон хотын төвийн хорооллын орон сууцны бүсэд хэдэн мянган хүн цугласан байхыг телевизийн агаараас авсан бичлэг харуулжээ. Хэрэг гарсан газарт тавьсан лаанууд өвлийн харанхуй шөнийг гэрэлтүүлж байв. Үүнээс өмнө зарим жагсагчид хийн багтай, хүнд зэвсэглэсэн холбооны агентуудтай тулгарснаар холбооны агентууд химийн цочроогч бодис оршин суугчдын эсрэг ашигласан байна.
Трампын эсрэг хүчнүүд АНУ-ын хэд хэдэн хотод эсэргүүцлийн жагсаал зохион байгуулахыг уриалсан нь, Ардчилсан нам удирддаг хот, мужуудад холбооны хүчнийг байршуулж буй нь улс даяарх маргааны хурц голомт болох эрсдэлийг нэмэгдүүлэв.
АНУ-ын Дотоод аюулгүй байдлын сайд Кристи Ноэм хэвлэлийн бага хурал дээр ICE-ийн албан хаагчид цасанд гацсан автомашинд үзлэг хийж байх үед “Өдөөн хатгагчдын бөөн сүрэг”-т дарамтлуулсан гэж мэдэгдсэн юм.
Түүний хэлснээр, Гүүд гэдэг нь тогтоогдсон жагсагч эмэгтэй агентуудыг бүтэн өдөр дагасан бөгөөд тэдний автомашиныг хааж, замаас холдох тушаалыг биелүүлээгүй гэжээ.
“Тэр автомашинаа зэвсэг болгон ашиглаж, хууль сахиулагчийг дайран гаргахыг оролдсон,” хэмээн Ноэм мэдэгдэж, уг автомашин албан хаагчийг мөргөсөн гэж хэлэв.
Тэрээр үүнийг дотоодын терроризм гэж тодорхойлж, Холбооны мөрдөх товчоо (FBI) шалгаж байгаа гэжээ. Харин мужийн албаныхан өөрсдийн мөрдөн шалгалтыг эхлүүлнэ гэж мэдэгдсэн байна.
Олон нийтийн сүлжээнд нийтлэгдэж, Reuters-ээр баталгаажсан бичлэгүүд "Засгийн газрын тайлбарт" эргэлзээ төрүүлэв. Өргөн тархсан нэг бичлэгт улаан хүрэн өнгийн Honda SUV замыг хэсэгчлэн хаасан харагдана. Бичлэг эхлэхэд жолооч урагш бага зэрэг хөдөлж, дараа нь өөр машин нэвтрэхийг хүлээн зогсоно.
Цонхоо доошлуулсан жолооч ойртож ирсэн ачааны машиныг нэвтрэх дохио өгсөн ч, уг машин зогсож, хоёр офицер машинаас бууж, автомашин руу явганаар ойртдог.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Офицеруудын нэг жолоочид машинаас буухыг тушааж, хаалганы бариулаас татах үед машин богино хугацаанд ухарч, гурав дахь агент зорчигчийн талаас машины урд очно.
Дараа нь жолооч машинаа баруун тийш эргүүлэн урагшилж, агентуудаас холдохыг оролдсон мэт харагдана. Машины урд зогсож байсан агент зэвсгээ сугалж, ухран зогсоод, автомашины зүүн урд бампер түүний хөлд ойртох үед бууджээ.
Тэр нийт гурван удаа буудсан бөгөөд дор хаяж нэг сум машин түүнийг өнгөрсний дараа гарсан байна. Машин офицерт хүрсэн эсэх тодорхойгүй бөгөөд офицер тухайн үйл явцын туршид унаагүй зогсож байсан аж.
Буудсаны дараа автомашин хурд авч, зогсоолд байсан машинууд болон цахилгааны шон мөргөн осолджээ.
Ноэм уг офицер туршлагатай, “Сургалтын дагуу ажилласан” гэж мэдэгдсэн. Офицер эмнэлэгт үзүүлээд гарсан байна.
“ХОХИРОГЧ МАШ ЭНЭРЭНГҮЙ ХҮН БАЙСАН”
Гүүдийн ээж Миннесота Стар Трибюн сонинд охиноо “Маш энэрэнгүй хүн” байсан хэмээн ярьж, ICE-ийн агентуудтай сөргөлдөх хүн огт биш гэжээ.
“Тэр бүх насаараа бусдыг асарч халамжилж ирсэн,” хэмээн ээж Донна Гангер хэлсэн байна.
“Тэр хайр энэрэлтэй, уучламтгай, халуун дулаан хүн байсан.”
Цагдаагийн дарга Гүүд нь цагаачлалын ажиллагааны бай биш байсан бөгөөд гэрлэсэн эмэгтэй байсан гэж мэдэгдэв. Ойролцоо амьдардаг нэг гэрч CNN-д түүнийг тухайн хороололд амьдардаг байсан гэж хэлжээ.
Дотоодын аюулгүй байдлын яам Миннесотад “Түүхэнд байгаагүй хамгийн том DHS ажиллагаа” явуулж, 2'000 офицерыг “Луйварчид, алуурчид, хүчиндэгчид, гэмт бүлэглэлийн гишүүд”-ийг баривчлахаар байршуулсан гэж мэдэгдсэн. Энэ ажиллагаа Сомали гаралтай цагаачидтай холбоотой нийгмийн халамжийн өргөн хүрээтэй луйврын хэргүүдийн дараа эхэлсэн бөгөөд Трамп тэднийг “Хог новш” хэмээн нэрлэж байв. Ноэмийн хэлснээр, сүүлийн долоо хоногт 1'500 хүнийг баривчилжээ.
УОЛЗ, ТРАМП ХОЁРЫН ХООРОНДОХ ЗӨРЧИЛ
2024 оны сонгуульд Трампт ялагдсан Ардчилсан намаас Дэд Ерөнхийлөгчид нэр дэвшиж байсан Миннесота мужийн захирагч Тим Уолз мөн Холбооны засгийн газрын тайлбарыг няцааж, буудлагын бурууг Дональд Трампын засаг захиргаанд тохов. Тэр Үндэсний гвардыг бэлэн байдалд оруулсан гэж мэдэгдэв.
“Бидний харж байгаа зүйл бол айдас, сенсаци, зөрчилдөөн үүсгэхэд чиглэсэн засаглалын үр дагавар,” гэж Уолз хэлсэн.
“Өнөөдөр энэ болчимгүй бодлого хүний аминд хүрлээ.”
Трамп олон нийтийн сүлжээнд бичихдээ бичлэг нь эмэгтэй “ICE-ийн офицерыг зориуд, хүч хэрэглэн дайрч мөргөсөн бөгөөд офицер өөрийгөө хамгаалж буудсан” гэдгийг харуулж байна хэмээн мэдэгджээ.
ГЭРЧҮҮДИЙН МЭДҮҮЛЭГ
Буудлага болсон газрын ойролцоо амьдардаг 65 настай Венус де Марс осолдсон автомашины дэргэд цасан овоолгын хажууд унасан эмэгтэйд түргэн тусламжийнхан үйлчилгээ үзүүлж байхыг харсан гэж ярив.
“ICE-ийн ажиллагаа хүчирхийлэл хийдэг байсныг харж байсан, гэхдээ үүншиг зүйл огт болж байгаагүй,” гэж тэр хэлсэн байна.
Мөн тэрээр “Би маш их бухимдаж, өөрийгөө хүчгүйг мэдэрч байгаадаа уур минь маш их хүрч байна” гэжээ
Дээр дурьдагдаад өнгөрсөн луйврын хэрэг 2020 оноос Сомали нийгэмлэгийн зарим ашгийн бус байгууллагуудтай холбоотойгоор эхэлсэн бөгөөд тэд хүүхэд асаргаа болон бусад нийгмийн үйлчилгээний хөтөлбөрүүдийг хэрэгжүүлдэг байж.
2022 оноос холбооны прокурорууд хэрэг үүсгэснээс хойш дор хаяж 56 хүн буруугаа хүлээсэн байна. Уолз энэ долоо хоногт гурав дахь удаагаа мужийн захирагчаар нэр дэвшихгүй гэдгээ зарлаж, луйврын дуулианыг шийдвэрлэх болон сонгуулийн кампанит ажлыг зэрэг амжуулах боломжгүй гэж мэдэгджээ.
