Эдриен Броуди "The Brutalist" кинонд бүтээсэн Унгарын алдарт архитекторын дүрээр 97 дахь удаагийн Академийн шагнал гардуулах ёслолоос "Шилдэг эрэгтэй жүжигчин" шагналыг хүртэж, Холливудын хамгийн чадварлаг жүжигчдийн нэг гэдгээ дахин баталлаа. Броуди дүрийг нь бүтээсэн Ласло Тот нь Холокостоос амьд үлдэж, "Америк мөрөөдөл"-ийг хайж АНУ руу дүрвэн ирдэг. Тус кино 30 жилийн хугацаанд өрнөх бөгөөд Тотын нийгмийн хэвшмэл ойлголтуудыг эвдсэн өвөрмөц дизайнууд болон урлагийн бүтээлч чанарыг хамгаалах тэмцлийг харуулдаг байна.
Броуди шилдэг эрэгтэй жүжигчний шагналыг Тимоти Шаламе ("A Complete Unknown"), Колман Доминго ("Sing Sing"), Рэйф Файнс ("Conclave"), Себастиан Стэн ("The Apprentice") нарын нэр дэвшигчдийг ялж хүртсэн байна.
"The Brutalist" кино нь нийт 10 төрөлд Оскарт нэр дэвшсэн бөгөөд киноны найруулагчаар Брэйди Корбет ажиллаж, гол дүрүүдэд Броуди, Фелисити Жонс, Гай Пирс нар тогложээ.

🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿

🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Броуди өмнө нь 2003 онд "The Pianist" киноны дүрээр анх удаа Оскарын шилдэг эрэгтэй жүжигчин шагнал хүртэж байсан бөгөөд 22 жилийн дараа дахин ялалт байгуулсан нь энэхүү шагналын түүхэн дэх хамгийн урт завсарлагуудын нэг болж байна.
Шагнал хүртсэнийхээ дараа Броуди "The Brutalist" кино нь өнөөгийн нийгмийн хуваагдмал байдлыг харуулж, хүн төрөлхтөн нэгнээ хэрхэн хүндлэх талаар тодорхой санаа өгч байгаа" хэмээн онцолсон байна. Тэрээр "Антисемитизм, арьс өнгөөр ялгаварлан гадуурхах үзэлд орон зай байх ёсгүй" хэмээн хэлжээ.
Броуди мөн "The Grand Budapest Hotel", "The Darjeeling Limited", "Midnight in Paris" зэрэг алдартай кинонуудад тоглосон бөгөөд "The Brutalist" киноны дүр нь түүний урьд өмнөх хамгийн алдартай дүр болох "The Pianist"-ын жүжиглэлттэй тодорхой ижил төстэй байдлыг агуулж байсан юм.
Түүний талаар бидний бэлтгэсэн өмнөх мэдээг энд дарж уншина уу.










