Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
-Автомашин прадад оролцож байсан олон хүний дунд орж нэг хүний амийг хөнөөж, бусдыг гэмтээв.
-Цагдаа нар нэг бус хэд хэдэн сэжигтнийг эрэн сурвалжилж байна.
-Цагдаа нар исламын хэт даврагч үзэлтэй гэж үзэж буй нэг сэжигтний нэрийг зарлаж, иргэдээс мэдээлэл хүсжээ.
-Найман хүн хүнд шархадсанаас гурвынх нь амь нас аюултай байдалтай байна.
-Халдлагын нөхцөл байдал одоогоор тодорхойгүй хэвээр байна.
ХБНГУ-ын Засгийн газар Берлин хотод болж байсан прадад жагсаж байсан хүний амийг эрсдүүлсэн этгээдийг (этгээдүүд) заавал олж, хуулийн дагуу хатуу шийтгэнэ гэж мэдэгдлээ.
Үүний зэрэгцээ цагдаа нар Исламын хэт даврагчтай холбоотой гэж үзэж буй нэг сэжигтнийг илрүүлэхэд олон нийтээс дэмжлэг хүссэн байна.
Бямба гарагийн орой орон нутгийн цагаар 22:00 цагийн орчимд цагаан өнгийн автомашин Берлиний Тиргартен цэцэрлэгт хүрээлэн, Бранденбургийн хаалга орчим цугласан олон хүмүүс рүү дайран оржээ. Уг газар нь Европын хамгийн том ЛГБТК+ бахархлын прадуудын нэг болох Christopher Street Day арга хэмжээ болж байсан бүсээс холгүй байв.
Онцгой байдлын албаны мэдээлснээр халдлагын улмаас нэг хүн амиа алдаж, 16 хүн шархаджээ. Тэднээс найм нь хүнд гэмтсэн байна.
Германы Дотоод хэргийн сайд Александр Добриндт мэдэгдэлдээ:
Энх тайвнаар баяраа тэмдэглэж байсан хүмүүсийн эсрэг үйлдэгдсэн энэ хулчгар, жигшүүрт халдлага намайг гүнээ цочирдууллаа.
Энэ аймшигт хэргийн цаад шалтгааныг аль болох хурдан тогтоож, буруутай этгээдүүдийг шударга шүүхийн өмнө авчрахын тулд бид боломжтой бүхнийг хийх болно.
гэжээ.
Берлиний цагдаа нар шөнийн турш мөрдөн шалгах ажиллагаа явуулсны дараа өөрсдийнх нь өмнө нь таньдаг байсан, "Исламын хэт даврагч үзэлтэй" нэгэн сэжигтнийг тогтоосон гэж мэдэгдэв.
Дараа нь түүний нэрийг Абдул Б. хэмээн нийтэд зарлаж, гэрэл зургийг нь нийтэлсэн байна.
Цагдаа нар:
Түүний одоогийн байгаа газрын талаар мэдээлэл өгнө үү!
хэмээн олон нийтэд хандан уриалжээ.
Сэжигтнийг:
Туранхай биетэй, ойролцоогоор 1.90 метр өндөр, хар үстэй, хамгийн сүүлд хар өнгийн юүдэнтэй цамц, цагаан өмд өмссөн байдалтай харагдсан гэж тодорхойлсон байна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Одоогоор халдлагыг ганцаараа үйлдсэн эсэх нь тодорхойгүй байгаа бөгөөд автомашин зогссоны дараа нэгээс олон хүн машинаас буусан байж болзошгүй гэж цагдаа нар үзэж байгаа аж.
Цагдаагийн мэдээлснээр халдлагын үеэр шархадсан 16 хүний зарим нь хутганы шарх авсан байна.
Гал түймэр унтраах алба шархадсан хүмүүсийн гурвынх нь бие амь насанд аюултай байдалтай байгаа гэж мэдэгдэв.
Christopher Street Day арга хэмжээг зохион байгуулагчид үлдсэн бүх арга хэмжээгээ цуцалжээ.
Халдлагад ашиглагдсан тээврийн хэрэгслийн талаар албан ёсны мэдээлэл тодорхой бус байгаа бөгөөд цагдаа нар түүнийг автомашин, минивэн эсвэл жижиг автобус байж магадгүй гэж үзэж байна.
Харин Германы Bild сонин уг машиныг цагаан өнгийн Citroën SpaceTourer байсан бөгөөд Абдул Б. өөрөө түрээслэн авсан гэж мэдээлжээ.
Мөн Bild сонин цагдаа нар хоёр дахь сэжигтнийг эрэн хайж байгаа гэж мэдээлсэн ч энэ нь албан ёсоор батлагдаагүй байна.
Хэргийн газрын цагдаагийн мөрдөгч:
Бидний авсан хамгийн сүүлийн мэдээллээр автомашин оройн 10 цагийн үед Тиргартен рүү орж ирэн олон хүнийг мөргөсний дараа мод мөргөж зогссон.
Машин дотор хүн байгаагүй учраас бид гэмт этгээд буюу этгээдүүдийг илрүүлэхээр эрчимтэй ажиллаж байна.
гэжээ.
Уг халдлага нь Канцлер (Ерөнхий сайд) Фридрих Мерцийн удирдсан консерватив эвслийн засгийн газрын хувьд улс төрийн эмзэг үед болж байна.
Засгийн газар үр дүнгүй ажиллаж байна гэсэн шүүмжлэл нэмэгдэж, танхимын бүтцийн томоохон өөрчлөлт хийж байгаа энэ үед халдлага болсон. Мөн хоёр сарын дараа мужийн сонгуулиуд болох юм.
Цагаачлал болон аюулгүй байдлын асуудлыг гол сэдэв болгож буй хэт барууны Alternative for Germany (AfD) нам анх удаа мужийн засгийн эрхийг авах зорилгоор идэвхтэй кампанит ажил өрнүүлж байгаа.
Халдлагын дараа AfD намын хамтарсан дарга Тино Хрупалла X (хуучнаар Twitter)-д:
Шашны хэт даврагчид хүчирхийлэл, үл тэвчих үзлээр манай улсыг хуваахыг бид зөвшөөрөхгүй.
хэмээн бичжээ.
