Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
ICE U.S. Immigration and Customs Enforcement буюу АНУ-ын Цагаачлал, Гаалийн хяналтын алба
Миннеаполис хотод автомашин руу гурван удаа гал нээж, 37 настай эмэгтэйг хөнөөсөн ICE-ийн агент хэн болох нь тогтоогдлоо. АНУ-ын хэвлэлүүдийн мэдээлж буйгаар, 43 настай Жонатан Росс нь Рене Николь Гүүдийг буудан хөнөөсөн агент аж. Энэхүү аллага нь Гүүдийн 3 хүүхдийг өнчрүүлж, хотод нэн хурцадмал байдал үүсгэн, ICE-тэй холбоотой улс төрийн томоохон маргааныг өдөөгөөд байна.
Гүүд алагдахынхаа өмнөхөн зургаан настай хүүгээ сургуульд нь хүргэж өгөөд буцаж явсан бөгөөд яг тэр үед ICE-ийн агентуудтай таарч, тэдний нэг нь түүнийг маш ойроос буудаж хөнөөсөн гэж түүний хуучин нөхөр Associated Press агентлагт ярьжээ.
Гүүдийн гурван хүүхэд өнчин хоцорч байна. Тэр анхны гэрлэлтээсээ төрсөн 15, 12 настай охин, хүү, хоёр дахь гэрлэлтээсээ төрсөн зургаан настай хүүтэй аж. Гүүдийн хоёр дахь нөхөр нас барсан тул түүний 6 настай хүү бүтэн өнчирч үлдлээ.
Гүүдийг буудсан агент Жонатан Россын хэн болох нь ил болсон шалтгаан нь Дотоодын аюулгүй байдлын сайд Кристи Ноэм болон Дэд ерөнхийлөгч Ж.Д. Ванс нартай холбоотой. Тэд хоёулаа Гүүдыг хөнөөсөн агент өмнө нь нэг хэрэгт оролцож байсан гэдгийг олон нийтэд ил болгосонтой холбоотой юм.
Олон нийтийн сүлжээнд тарсан бичлэгийн нэг кадрт Миннесота мужийн Миннеаполис хотод ICE-ийн ажилтан эмэгтэйг буудан хороож буй агшин харагдана. Буудлагын дараа эсэргүүцэгчдийн авсан бичлэгүүдийн нэгэнд Росс тодорхой харагддаг.
Пүрэв гарагт Цагаан ордонд Ванс Россын талаар “Тэр ICE-ийн ажилтан зургаан сарын өмнө бараг л амиа алдах дөхсөн. Машинд чирэгдэж, хөлөндөө 33 оёдол тавиулсан” гэж мэдэгдсэн байна.
Гэвч Муньос-Гватемалаг хүн алахыг завдсан аллагын хэргээр бус, харин “аюултай эсвэл үхэлд хүргэж болзошгүй зэвсэг ашиглан холбооны албан хаагчид халдсан, улмаар бие махбодын гэмтэл учруулсан” хэргээр ялласан гэж Миннесота мужийн АНУ-ын Ерөнхий прокурорын үүрэг гүйцэтгэгч Жозеф Томсон тухайн үед мэдэгдэж байжээ.
2025 оны зургаадугаар сарын 17-нд АНУ-ын Миннесота мужийн дүүргийн шүүхийн баримтад багтсан зурагт ICE-ийн агент Жонатан Росс эмнэлгийн орон дээр хэвтэж, гар нь гүн зүсэгдэн цус болсон байдалтай харагдана.
Холбооны төлөөлөгчийн гомдолд дурдсанаар, Росс 2025 оны зургаадугаар сард цагаачлалын ажиллагааны үеэр автомашинд чирэгдсэний улмаас эмнэлэгт хүргэгджээ.
Гүүдыг хөнөөсөн этгээд хэн болохыг анх нэрлэн мэдээлсэн хэвлэл нь Minnesota Star-Tribune байв. Тэд ингэж мэдээлсний дараа DHS-ийн Туслах нарийн бичгийн дарга Триша МакЛафлин Россын хэн болохыг батлахаас татгалзаж, Star-Tribune сониноос нийтлэлээ нэн даруй устгахыг шаарджээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Тэрээр “ICE-ийн ажилтнуудын нэрийг олон нийтэд ил болгох нь тэдний болон тэдний гэр бүлийн амь насыг ноцтой аюулд оруулдаг. Star-Tribune ийм хариуцлагагүй үйлдэл гаргасандаа үнэхээр ичих ёстой. Тэд энэ нийтлэлийг даруй устгах ёстой” гэж бичсэн байна.
Гэвч Star-Tribune нийтлэлээ устгаагүй бөгөөд Россын нэрийг дурдсан хэвлэлүүдийн нэг нь CBS News байв. Тус суваг MAGA хэв шинжтэй хөтлөгч Тони Докупилийн хөтөлдөг Evening News нэвтрүүлгээр Росс нь тусгайлан бэлтгэгдсэн ICE-ийн тактикийн ангид харьяалагддаг байсан гэж мэдээлжээ.
Нийтийн баримтуудаас үзвэл, Жонатан Росс цэргийн алба хааж байсан бөгөөд орон сууцныхаа зээлийг АНУ-ын Ахмад дайчдын яамны (VA) зээлээр санхүүжүүлсэн байна. Мөн сошиал сүлжээнд нийтлэгдсэн зургууд дээр тэрээр Иракийн дайны эхэн үеийн дүрэмт хувцастай, M249 SAW хүнд пулемёт барин, ногоон өнгийн Humvee машины өмнө, дал модоор хүрээлэгдсэн бүсэд зогсож буй нь харагддаг.
Хиймэл дагуулын зургууд дээр Россын байшингийн хашаанд шар өнгийн “Don’t Tread On Me” (Намайг бүү гишгэ) гэсэн туг намирч буй нь харагдсан байна.
Гэрч нарын авсан бичлэгт, цастай Миннеаполисын гудамжинд эмх замбараагүй байдал үүссэн үеэр Гүүд автомашинаа хөдөлгөн явах гэж оролдсон яг тэр мөчид агент — Росс — гал нээж, салхины шилээр нэг, жолоочийн нээлттэй цонхоор хоёр удаа буудсан нь харагддаг. Үүний дараахан автомашин зогсож, гэрчүүд уур хилэнтэйгээр хашхирч эхэлжээ.
Трампын засаг захиргааны өндөр албан тушаалтнууд түүнийг холбооны агентуудыг машинаараа дайрахыг завдсан “дотоодын террорист” байсан хэмээн нэн даруй дүрслэхийг оролдсон нь муж даяар эсэргүүцэл, улс даяар бухимдлыг өдөөсөн юм.
Ванс пүрэв гарагт уг хэргийг мэдээлж буй хэвлэл мэдээллийн эсрэг уурссан мэдэгдэл хийж:
“Энэ бол хууль ёс, дэг журмын эсрэг халдлага. Энэ бол Америкийн ард түмний эсрэг халдлага. Хэвлэл мэдээлэл, ялангуяа ихэнх нь энэ хэргийг мэдээлсэн байдал бол жинхэнэ гутамшиг” гэж хэлжээ.
Гэсэн ч уг хэрэг олон өнцгөөс бичлэгт үлдсэн бөгөөд тэдгээр бичлэгүүд нь Ноэмын мэдэгдсэн олон зүйлийг няцааж байна. Тухайлбал, олон агент машины дор орох аюулд орсон гэх, мөн Росс нэртэй агент амь насаа алдах дөхсөн гэх тайлбарууд бичлэгтэй зөрчилдөж байна.
CNN-ийн хууль сахиулах байгууллагын шинжээч Жон Миллер “Жолоочийн суудалд хүн сууж байхад автомашины яг урд зогсох ёсгүй” гэсэн энгийн цагдаагийн сургалтыг Гүүд зөрчөөгүй байсныг онцлон дурджээ.
ҮГ.МН тодруулга
(Жон Миллерийн онцолсон гол санаа нь: Аюултай байрлалд өөрсдөө орсон нь агентууд байсан, харин Гүүд цагдаагийн сургалтыг зөрчсөн үйлдэл хийгээгүй гэдэг дүгнэлт юм.)
