Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Монгол Улсын Шадар сайд Н.Номтойбаяр Нэгдсэн Үндэстний Байгууллагын Суурин зохицуулагч Яап ван Хиердэнийг хүлээн авч уулзан, Монгол Улс, НҮБ-ын хамтын ажиллагааны өнөөгийн байдал болон цаашдын хамтын ажиллагааны тэргүүлэх чиглэлүүдийн талаар санал солилцлоо.
Шадар сайд Н.Номтойбаяр Монгол Улс НҮБ-д элссэний 65 жилийн ой энэ онд тохиож байгааг тодотгоод НҮБ нь Монгол Улсын хөгжлийн бодлого, зорилтыг тууштай дэмжиж ирсэн чухал түнш болохыг онцоллоо. Мөн НҮБ-ын “Тогтвортой хөгжлийн хамтын ажиллагааны хүрээ 2023–2027” баримт бичгийн хэрэгжилт үр дүнтэй байгаад талархал илэрхийлсэн юм.
Тэрбээр Засгийн газрын бүсчилсэн хөгжлийн бодлого, тээвэр, логистикийн дэд бүтцийн шинэчлэл, эдийн засгийн тусгай бүсийн эрх зүйн орчны шинэчлэл, стандартчилал, хэмжил зүй болон гамшгаас хамгаалах тогтолцоог бэхжүүлэх чиглэлээр хэрэгжүүлж байгаа бодлогыг танилцуулж, эдгээр салбарт НҮБ-ын төрөлжсөн байгууллага, олон улсын шинжээчидтэй хамтын ажиллагааг өргөжүүлэх сонирхолтой байгааг тодотгосон юм.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Түүнчлэн гамшгийн эрсдэлийг бууруулах, бэлэн байдлыг бэхжүүлэх, олон улсын дэвшилтэт технологи, хиймэл оюун ухааныг бодлого, төлөвлөлтөд нэвтрүүлэх, бүс нутгийн хамтын ажиллагааг хөгжүүлэх чиглэлээр үр дүнтэй хамтран ажиллахын ач холбогдлыг онцолж, ирэх наймдугаар сард зохион байгуулах “COP 17” бага хурлын бэлтгэл ажлыг Монгол Улсын Засгийн газар эрчимтэй хангаж буйг танилцууллаа.
НҮБ-ын Суурин зохицуулагч Яап ван Хиердэн Монгол Улсын Засгийн газраас хэрэгжүүлж байгаа хөгжлийн бодлого, тэр дундаа бүсчилсэн хөгжлийн зорилтуудыг дэмжиж, эдгээр чиглэлээр хамтын ажиллагаагаа бэхжүүлэн ажиллахаа илэрхийллээ. НҮБ-аас Монгол Улсад хэрэгжүүлэх дараагийн таван жилийн “Тогтвортой хөгжлийн хамтын ажиллагааны хүрээ”-г бүсчилсэн хөгжлийн бодлоготой уялдуулан боловсруулах бөгөөд бүс, орон нутгийн хөгжлийн бодлого төлөвлөгч нар, бизнес эрхлэгчдийн оролцоог хангаж, нэгдсэн ойлголтод хүрэх арга хэмжээг зохион байгуулна гэлээ.
http://nema.gov.mn/post/177506
UNDP in Mongolia - НҮБ-ын Хөгжлийн хөтөлбөр
#гадаадхамтынажиллагаа
