Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Товч агуулга
-CNN -ийн сэтгүүлч асан Дон Лемон Лос-Анжелес дахь шүүх хурлын үеэр өөрийгөө гэм буруугүй гэж мэдүүллээ.
-Тэрээр Сент-Пол хотын Cities Church сүмд болсон эсэргүүцлийг шууд дамжуулан сурвалжилсан юм.
-Түүнийг баривчилсан нь Трампын засаг захиргаа шүүмжлэгчдийн эсрэг авсан ээлжит алхам болов.
Баасан гарагт CNN-ийн хөтлөгч асан Дон Лемон Миннесота муж дахь нэгэн сүмд болсон эсэргүүцлийг сурвалжилсантай холбоотойгоор шүүхэд дуугдсан ч өөрийгөө гэм буруугүй гэж мэдүүллээ. Энэхүү хэрэг нь Ерөнхийлөгч Дональд Трампын цагаачлалын эсрэг хатуу бодлогыг шүүмжилсэн хүний эсрэг Бүгд Найрамдах намын засаг захиргаанаас авсан хамгийн сүүлийн арга хэмжээ юм.
Одоо чөлөөт сэтгүүлчээр ажиллаж буй Дон Лемон Трампын засаг захиргаа олон мянган зэвсэглэсэн цагаачлалын албан хаагчдыг Ардчилсан намын удирдлагатай Миннесота мужийн томоохон хотуудад илгээснийг эсэргүүцсэн жагсаалыг шууд дамжуулан сурвалжилжсан юм.
Энэхүү эсэргүүцэл 1-р сарын 18-нд Сент-Пол хот дахь Cities Church сүмийн мөргөлийн үйл ажиллагааг тасалдуулсан байна.
Пүрэв гарагийн орой Холбооны мөрдөх товчоо (FBI) түүнийг баривчилсны дараа хоригдсон Лемоныг анхан шатны шүүх хурлыг хүлээх хугацаанд шүүгч суллах шийдвэр гаргав.
Цайвар өнгийн хрслол өмссөн Лемон шүүх хурал дээр “Тийм ээ, шүүгч ээ” гэж л хэлж, шүүхийн үйл явцыг ойлгож буйгаа илэрхийлсэн байна. Түүний өмгөөлөгчдийн нэг Лемон өөрийгөө гэм буруугүй гэж мэдүүлснийг баталжээ.
“Тэр энэ хэрэгтэй тууштай тэмцэнэ. Эргэж буцахгүй,” хэмээн Лемоны өмгөөлөгч Мэрилин Беднарски мэдэгдсэн.
Шүүх хурлын дараа Лемон сэтгүүлчдэд
“Би карьерынхаа туршид мэдээ сурвалжилж ирсэн. Одоо ч зогсохгүй. Намайг дуугүй болгож чадахгүй. Шүүх хурал болох өдрийг хүлээж байна,” гэж мэдэгдлээ.
Тангарагтны шүүхийн яллах дүгнэлтэд, хар арьст Лемоныг бусдын иргэний эрхийг зөрчихөөр хуйвалдсан, мөн анх үр хөндөлтийн эмнэлгүүдийн эсрэг жагсаалд хэрэглэгдэж байсан ч дараа нь шашны мөргөлийн газарт нэвтрэхэд саад учруулахыг хориглох хуулийг зөрчсөн гэж буруутгажээ. Уг жагсаалд оролцсон өөр нэг сэтгүүлчийг оролцуулан нийт зургаан хүн ижил хэргээр шүүхэд татагдаад байна.
Баасан гарагт АНУ-ын Миннеаполис болон бусад хотуудад олон мянган хүн гудамжинд гарч, холбооны агентууд АНУ-ын хоёр иргэнийг буудан хороосон цагаачлалын эсрэг ажиллагааг эсэргүүцэн жагсав.
Энэ нь Трампын засаг захиргаанд тулгарсан хамгийн ноцтой улс төрийн хямралуудын нэг болоод байна.
ХЭВЛЭЛИЙН ЭРХ ЧӨЛӨӨ ХАМГААЛАХ НЬ
Хэвлэлийн эрх чөлөөг хамгаалагчид эдгээр баривчилгаанд түгшүүртэй хандаж байна. Нийгмийн идэвхтэн бөгөөд жүжигчин Жэйн Фонда Лемоныг дэмжихээр ирж, Ерөнхийлөгч Үндсэн хуулийг зөрчиж байна гэж мэдэгдэв.
“Тэд буруу Дон-ыг баривчилсан,” гэж Фонда мэдэгдсэн.
Миннесотад болсон эсэргүүцлийг буруутгаж буй Ерөнхийлөгч Дональд Трамп уг жагсаалыг “Христийн шашинтнуудыг айлган сүрдүүлэхийг гэсэн өдөөн хатгагч, босогчид”-ын ажил хэмээн тодорхойлсон байна.
Жагсаал зохион байгуулагчид Лемонд хэлэхдээ, уг сүмийн пастор нь АНУ-ын Цагаачлал, гаалийн албаны (ICE) өндөр албан тушаалтан гэж хардсан учраас сүмийг зорьсон гэж тайлбарлажээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Долоо хоногоос гарангийн өмнө засгийн газар жагсаалыг зохион байгуулсан гэх үндэслэлээр гурван хүнийг баривчилсан ч Сент-Пол дахь анхан шатны шүүхийн шүүгч их тангарагтны яллах дүгнэлтгүй тохиолдолд Лемон болон бусад хүмүүст баривчлах зөвшөөрөл өгөх хангалттай үндэслэл байхгүй гэж үзсэн байна.
Дон Лемоны өмгөөлөгч Аббе Лоуэлл мэдэгдэлдээ
“Үндсэн хуулийн нэгдүгээр нэмэлт заалтад урьд өмнө байгаагүйгээр халдлаа, энэ нь засаг захиргаанд тулгарч буй олон хямралаас анхаарал сарниулах ил тод оролдлого амжилт олохгүй,”
гэжээ.
Дон Лемоны YouTube сувагт хадгалагдсан шууд дамжуулалтаас харахад, тэр жагсагчидтай уулзаж ярилцсаны дараа сүм рүү хамт орж, дотор нь үүссэн эмх замбараагүй байдлыг сурвалжилж, мөргөлчид, жагсагчид болон тэднийг гарч явахыг хүссэн пастортой ярилцсан байна.
Орон нутгийн бие даасан сэтгүүлч Жоржиа Форт болон өөр хоёр хүн мөн баривчлагдан ижил хэргээр буруутгагджээ. Баасан гарагт АНУ-ын анхан шатны шүүгч Далс Фостер прокуроруудын хүсэлтийг хүлээж аваагүй тул Фортыг суллах шийдвэр гаргасан байна.
ТРАМПЫН ШҮҮМЖЛЭГЧИД БАЙГАА ОНОВ
Сүүлийн нэг жилийн хугацаанд Хууль зүйн яам Трампын шүүмжлэгчид болон дайснууд гэж үзсэн хүмүүсийг дараалан яллахыг оролдсон. Ерөнхийлөгчийг мөрдөн шалгаж байсан Холбооны мөрдөх товчооны дарга асан Жэймс Коми, Нью-Йоркийн Ерөнхий прокурор Летиция Жеймс нарт Хууль Зүйн Яамнаас тулгасан хэргүүдийг шүүгч хэрэгсэхгүй болгосон юм.
Лемон CNN-д 17 жил ажиллахдаа олонд хамгийн танигдсан хөтлөгчдийн нэг болсон бөгөөд YouTube-ийн нэвтрүүлгүүдээрээ Дональд Трампыг тогтмол шүүмжилдэг. Түүнийг 2023 онд эфирээр хүйсийн шинжтэй мэдэгдлүүдийнх нь дараа CNN-ээс халсан бөгөөд Дон Лемон хожим хийсэн үгнийхээ төлөө уучлалт гуйсан.
Ерөнхийлөгч Дональд Трамп сэтгүүлчид, хэвлэл мэдээллийн байгууллагуудыг байнга шүүмжилдэг бөгөөд өмнөх ерөнхийлөгчдөөсөө давж, заримдаа тэднийг шүүхэд өгч, эсвэл мэдээлэл авах эрхийг нь хасаж байсан.
Энэ сард "Холбооны Мөрдөх Товчоо" Дональд Трампын засаг захиргаа холбооны ажилтнуудыг халсантай холбоотой нууц мэдээлэл задруулсан гэх үндэслэлээр Washington Post сонины нэгэн сурвалжлагчийн гэрээс зөөврийн компьютер болон бусад төхөөрөмжийг хураан авч байсан юм.
Хэвлэлийн эрх чөлөөг хамгаалагчид энэ ажиллагаа болон Дом Лемон, Форт нарыг баривчилсан явдлыг хэвлэлийн эрх чөлөөнд халдсан дарамтыг улам нэмэгдүүлсэн гэж үзжээ.
“Жагсаал сурвалжлах нь гэмт хэрэг биш,”
хэмээн Колумбийн их сургуулийн Нэгдүгээр нэмэлт заалтыг судлах Knight хүрээлэнгийн гүйцэтгэх захирал Жамил Жаффер хэлсэн юм. Тэрбээр Трамп хэвлэлийн эрх чөлөөг “шахах хавчаарыг улам чангалж байна” гэж мэдэгджээ.
Трамп өөрийнх нь дайралтуудыг “худал мэдээ” болон дайсагнасан сурвалжлагаас залхсантай холбон тайлбарладаг.
Хууль зүйн шинжээчид сэтгүүлчдийг үйл явдлын дараа, эсвэл Лемон, Форт нарт хэрэглэсэн хоёр хуулийн хүрээнд баривчилсан АНУ-ын жишээ өмнө нь байгаагүй гэж мэдэгдсэн байна.
