Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
ХНБ-ны дарга Жером Пауэлл
Одоогоор эрчим хүчний үнийн өсөлт Холбооны Нөөцийн Банкыг хэцүү сонголтод хүргээгүй байна. Инфляц (Хэрэглээний Үнийн Индекс ҮГ.МН) зорилтот түвшнээс өндөр хэвээр байгаа. Бид инфляцыг анхааралтай ажиглаж байгаа
гэжээ.
Мөн тэрээр хөдөлмөрийн зах зээл буурах эрсдэлтэй байгааг онцлов. (Удахгүй АНУ-ын ажилгүйдлийн мэдээ гарна ҮГ.МН)
Санхүүгийн зах зээл энэ жил бодлогын хүүг өсгөнө гэсэн таамгаасаа буцсан.
АНУ-ын Холбооны Нөөцийн Банкны дарга Жером Пауэлл Ираны дайн эдийн засаг болон инфляцид үзүүлэх нөлөөг ажиглан хүлээнэ гэж мэдэгдсэн. Тэрээр бодлого боловсруулагчид ихэвчлэн газрын тосны үнийн өсөлтөөс үүдэлтэй ийм төрлийн цочролыг түр хугацаанд үл харгалзан үздэг гэдгийг онцолсон байна.
Манай бодлого одоогоор зөв байрлалд байгаа гэж бид үзэж байгаа, тиймээс нөхцөл байдал хэрхэн өрнөхийг хүлээж ажиглаж чадна.
хэмээн Жером Пауэлл Харвардын Их Сургуульд болсон макро эдийн засгийн хичээлийн асуулт-хариултын үеэр хэлжээ.
Түүний энэ мэдэгдэл өнгөрсөн долоо хоногт инфляц өсөхөөс сэргийлэхийн тулд Холбооны Нөөцийн Банк бодлогын хүүгээ өсгөж магадгүй гэсэн хүлээлт нэмэгдэж байгаа үед гарсан нь санхүүгийн зах зээлийг тайвшруулсан юм.
Одоогоор бодлогын хүүг өснө гэсэн таамаг шинжээчдийн дунд бараг бүрэн арилсан.
Ираны дайн тав дахь долоо хоногтоо өрнөж, АНУ-д бензиний үнэ дунджаар галлон тутамд 4 ам.доллараар өссөн үед Жером Пауэлл Холбооны Нөөцийн Банкны хоёр үндсэн зорилт болох ажил эрхлэлт болон үнийн тогтвортой байдалд "шахалт үүсэж" болохыг хүлээн зөвшөөрөв.
“Хөдөлмөрийн зах зээл буурах эрсдэлтэй байгаа нь (Ажилгүйдэл өсөх) хүүг бага байлгах дохио өгч байна. Харин инфляц өсөх эрсдэл байгаа нь хүүг өсгөх дохио өгнө. Энэ хоёр зорилтын хооронд зөрчил байгаа" гэж Жером Пауэлл хэлсэн.
Гэсэн ч одоогийн байдлаар Холбооны Нөөцийн Банк шууд арга хэмжээ авах шаардлагагүй гэж үзэж байгаа бөгөөд инфляцын хүлээлт муудах шинж тэмдэг илэрч байгаа эсэхийг анхааралтай ажиглаж байгаа аж.
“Ойрын хугацаанд инфляцийн далайц бага байвал цаашид тогтвортой байхыг харуулж байна” гэж тэр хэлжээ.
Холбооны Нөөцийн Банкны Нээлттэй Зах Зээлийн Хороо өнгөрсөн сард 2 өдөр хуралдаж бодлогын хүүг 3.50%-3.75% түвшинд хэвээр үлдээсэн.
Тухайн хурлын дараах хэвлэлийн бага хурал дээр Жером Пауэлл татварын нөлөөгөөр барааны үнээс болж өссөн инфляц буурахыг харахыг хүсэж байгаагаа илэрхийлсэн. Үүний дараа л дайнтай холбоотой инфляцын өсөлтийг үл тоох уу, эсвэл мөнгөний бодлогоо чангаруулах уу гэдгийг шийдэх боломжтой гэж тэр хэлсэн юм.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Жером Пауэлл мөн инфляц сүүлийн 5 жилийн турш төв банкны жилийн 2%-ийн зорилтот түвшнээс давсан хэвээр байгааг онцлов.
Үүнд:
-COVID-19 цар тахлын дараах эрэлт, нийлүүлэлтийн зөрчил
-Сүүлд нь “Харьцангуй бага” нөлөөтэй гэж нэрлэсэн татвар
нөлөөлсөн байна.
Одоо бид эрчим хүчний шинэ эрсдэлтэй нүүр тулж байна. Хэр том байхыг хэн ч мэдэхгүй. Үүнийг мэдэхэд дэндүү эрт байна.
гэж Жером Пауэлл хэлжээ.
Даваа гарагт нефтийн үнэ холимог хэлбэлзэлтэй байсан ба Брэнт төрлийн нефтийн баррель нь ойролцоогоор 111.81 ам.доллар (0.7% буурсан), харин Вэст Техас төрлийн нефть 102.36 ам.доллар (2.7% өссөн) байжээ. Эдгээр нь 2-р сарын 28-нд мөргөлдөөн эхэлснээс хойш огцом өссөн үзүүлэлт юм.
Өнгөрсөн долоо хоногт Мичиганы Их Сургуулиас сар бүр гаргадаг судалгаагаар айл өрхийн ирэх нэг жилийн үнийн өсөлтийн хүлээлт нэмэгдсэн байна.
Гэхдээ зах зээл дээр суурилсан бусад хэмжүүрүүд илүү тайван хэвээр байгааг харуулжээ.
Pantheon Macroeconomics-ийн ахлах эдийн засагч Оливер Аллен
Жером Пауэллын хэлсэн зүйл ихэнх нь сурах бичгийн дагуу, өмнөх мэдэгдлүүдтэй нийцэж байна. Холбооны Нөөцийн Банк одоохондоо хүлээзнэх байрлалд байгаа — энэ нь эрчим хүчний цочрол ямар хэлбэр, цар хүрээтэй болохыг илүү тодорхой болохыг мэдэхийг хүсэж буйтай холбоотой юм.
гэжээ.
Жером Пауэлл мөн хичээлийн үеэр профессор Давид Лайсон болон Жасон Пурман нар, оюутнуудын асуултад хариулахдаа:
-Зээлийн зах зээл
-Холбооны Нөөцийн Банкны тайлан
-Хиймэл оюуны нөлөө
-Хөдөлмөрийн зах зээл шинэ төгсөгчдөд ажил олоход хүндрэлтэй байгаа зэрэг олон сэдвийг хөнджээ.
Мөн Ерөнхийлөгч Дональд Трампын дараагийн төв банкны даргад нэр дэвшүүлсэн Кевин Варшид зөвлөгөө өгөхийг хүсэхэд Жером Пауэлл тодорхой хариулт өгөхөөс татгалзжээ.
Гэсэн ч тэр Холбооны Нөөцийн Банк улс төрөөс ангид байж, зөвхөн хуулиар олгогдсон зорилтуудаа хэрэгжүүлэх ёстойг тэрээр онцолсон аж.
Бид ямар нэгэн улс төрч эсвэл засаг захиргааны эсрэг ажиллахыг зорьдоггүй. Гэхдээ бид хийж буй ажилдаа хууль тогтоомжийг баримтлах ёстой.
гэж Пауэлл хэлсэн.
АНУ-ын Ерөнхийлөгч Дональд Трамп түүнийг бодлогын хүүг хэт өндөр барьж байна гэж удаа дараа шүүмжилж байсан юм.
Харин Кевин Варш бодлогын хүүг бууруулахыг дэмжинэ гэдгээ илэрхийлсэн байна.
Нэг оюутан гаалийн татвар болон нефтийн цочролын нөлөөгөөр инфляц өндөр хэвээр байгаа үед хүү бууруулах нь Холбооны Нөөцийн Банк хоёр зорилтоо биелүүлэхэд хэрхэн нөлөөлөх талаар асуухад:
Пауэлл тухайн оюутан Boston Red Sox багийн өмсгөл өмссөн байгааг анзаарч,
Тэр бөмбөгийг би цохихгүй (өөрөөр хэлбэл, энэ асуултад шууд хариулахгүй бултсан) хэмээн хошигнон хариулжээ.
