"Холокост"-оос амьд үлдсэн хүн 113 насандаа таалал төгслөө

НИЙТЭЛСЭН:

2025-02-28 11:30

"Холокост"-оос амьд үлдсэн сүүүлийн хүн Роуз Жирон, хамгийн өндөр настай гэж бүртгэгдсэн бөгөөд Герман болон Японы дарлал дор зовж байсан ч Дэлхийн II дайны дараах 80 гаруй жилийг туулсан нэгэн, 113 насандаа таалал төгслөө. Түүний үхлийг охин нь болох Реха Бенникаса баталжээ, Тэрбээр хамгийн өндөр настай Холокостын амьд үлдсэн хүн байсан гэж Нью-Йорк хотод байрладаг Холокостын хохирогчдод Германаас нөхөн төлбөр олгодог "Claims Conference" байгууллага мэдээлэв.

Түүний охин Бенникаса нь ээж нь Нью-Йоркийн Беллмор хотын асрамжийн газарт Даваа гарагт таалал төгссөн гэжээ.

Жирон, төрөх үедээ Роза Раубфогел нэртэй байсан бөгөөд 1912 онд Оросын эзэнт гүрний харьяанд байсан Польшийн зүүн өмнөд хэсэгт еврей гэр бүлд төржээ. Бага насандаа тэрээр Германы Хамбург хот руу нүүж амьдарсан байна.

Тэрбээр Германы еврей Юлиус Манхаймтай 1937 онд гэрлэжээ. Тэрээр есөн сартай жирэмсэн байх үед нь нөхрийг нь Германы төв хэсэгт байрлах, харгисаараа алдартай нацистын хорих лагерь болох Бухенвальд руу илгээжээ.

"USC Shoah Foundation" сангийнхантай хийсэн ярилцлагадаа тэрбээр нацист цэргүүд гэрт нь ирж, нөхрийг нь авч явахдаа өөрийг нь ч мөн баривчлахыг хүссэн гэж дурссан байдаг. Гэвч нэгэн цэрэг:

"Үгүй ээ, тэр жирэмсэн – түүнийг орхи!" хэмээн ятгаж, түүнийг баривчлуулахаас болиулсан байна. Удалгүй 1938 онд охин Реха нь төржээ. "Би түүнийг хүссэн нэрээрээ нэрлэж чадаагүй – Гитлер еврей хүүхдүүдэд зориулсан нэрсийн жагсаалт гаргасан байсан бөгөөд энэ нэр л надад таалагдсан учир ингэж нэрлэсэн" хэмээн тэрбээр "USC Shoah Foundation"-д өгсөн ярилцлагадаа дурссан байдаг.

Хорих лагериас мултарч, Шанхайд дүрвэсэн нь:

Тэрээр нөхөртөө хүүхэд нь төрсөн тухай, жин хүндийнх нь талаар мэдээлэл багтаасан ил захидал илгээжээ. Нөхөр нь Бухенвальдэд байх хугацаандаа, Лондонд амьдарч байсан нэгэн хамаатан нь тэдэнд Шанхай руу явах гарц олоход тусалж магадгүй гэдгийг Жирон мэджээ.

"Тэр хүн хэн нэгнийг таньдаг байсан, тэр нь хятад виз гаргаж өгдөг хүнтэй холбоотой байсан" болохоор бид Шанхай явах боломжтой болсон хэмээн USC Shoah Foundation-д өгсөн ярилцлагадаа дурджээ. "Эс бөгөөс бидэнд юу тохиолдох байсныг мэдэхгүй юм" гэжээ.

Гитлерийн Германд 1940 оноос өмнө тодорхой нөхцөлд зарим хоригдлуудыг суллах боломжтой байсан байна. Жирон нөхрийнхөө суллагдах боломжоор виз авсан боловч зургаан долоо хоногийн дотор Германаас явах шаардлагатай болжээ. Тэднийг явахын өмнө бүх үнэт эдлэл, хуримтлалаа заавал төвлөрсөн газарт хураалгахыг тушааж, ямар ч эд баялагтай гарч явахыг хориглосон байна. (Нягта нямба Германчуудаа гэж . . .)

Японы эзлэн түрэмгийллийн үед Шанхайд амьдарсан нь

Тэд гурвуул Шанхай руу усан онгоцоор явж, нацистуудын аймшигт дарангуйллаас мултарсандаа талархаж байв. Гэвч тухайн үед Япон улс Хятадад дайн зарласан байлаа. Шанхайг эзэлсний дараа Япончууд еврей дүрвэгсдийг тусгай бүс буюу "Гетто" руу нүүлгэн шилжүүлэв. Тэд хуучин угаалгын өрөө байсан газар байрлах шатан доорх жижигхэн, жоомоор дүүрсэн өрөөнд суурьшсан байна.

Тэрбээр:

"Геттогоос гарахыг зөвхөн "Еврейчүүдийн хаан" гэж өөрийгөө нэрлэдэг Японы нэгэн албан тушаалтан л зөвшөөрдөг байсан" тухай дурджээ.

Тэнд байхдаа Жирон хувцас нэхэж зардаг болсон нь түүний амьдралын турш тэжээх гол хүч болсон байна.

"Бид Герман, Хятадаас амьд гарах азтай байсан ч ээж минь маш тэвчээртэй хүн байлаа. Тэр ямар ч бэрхшээлийг давахаар хат суусан байсан" гэж охин нь CNN-д ярьжээ.

АНУ-д шинэ амьдрал эхлүүлсэн нь

Дайны дараа Жирон гэр бүлийн хамт АНУ-д цагаачилж, Нью-Йорк орчмын янз бүрийн газарт амьдарч байсан аж. Тэрбээр анх нэхмэлийн багшаар ажиллаж, дараа нь Куинс дүүрэгт нэхмэлийн дэлгүүр нээсэн байна. Түүний анхны гэрлэлт салалтаар төгсөж, хожим нь Жак Жиронтой гэрлэжээ.

"Амьд үлдэхийн тулд би ямар ч нөхцөлд сайн талыг нь олж харах хэрэгтэйг ойлгосон" хэмээн тэрбээр USC Shoah Foundation-д өгсөн ярилцлагадаа хэлсэн байна.
"Ямар ч зүйл маш муу санагдавч, сайхан үр дагавар ч дагалдаж байдаг" гэж тэр нэмж хэлжээ.

Холокостын амьд үлдсэн хүмүүсийн өнөөгийн байдал

"Claims Conference"-ийн мэдээлснээр, дэлхий даяар ойролцоогоор 245,000 орчим Холокостын амьд үлдсэн хүмүүс байгаагаас 14,000 нь Нью-Йоркт амьдарч байна.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07