Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Монгол Улсад мал, амьтны гоц халдварт өвчин болох шүлхийн SAT1 хэвшлийн вирус анх удаа бүртгэгдэж байгаатай холбогдуулан малчид, мал бүхий иргэдэд онцгой анхаарал хандуулахыг мэргэжлийн байгууллагууд анхааруулж байна.
Шүлхий өвчний вирус нь А, O, C, SAT1, SAT2, SAT3, ASIA1 гэсэн нийт долоон хэвшилтэй байдаг. Манай улсад өмнө нь А болон O хэвшлийн вирус бүртгэгдэж байсан бөгөөд эдгээрт тохирсон вакциныг жилд хоёр удаа хийж дархлаажуулалт явуулдаг байв.
Харин SAT1 хэвшлийн вирус нь өмнө нь БНХАУ болон ОХУ-д бүртгэгдэж байсан ч Монгол Улсад анх удаа илэрч байгаа тул одоогоор энэ хэвшилд тохирсон вакцин нөөцөд байхгүй байна. Иймээс хавар хийгдсэн дархлаажуулалт нь SAT1 хэвшлийн вирусээс хамгаалахгүй болохыг мэргэжилтнүүд онцолжээ.
SAT1 хэвшил нь хоруу чанар өндөртэй бөгөөд олон улсын худалдааны хорио цээрийн ангилалд багтдаг, салаа туурайтан амьтдад халдварладаг гоц халдварт өвчин юм.
Шүлхий өвчин дараах үндсэн гурван замаар халдварладаг байна. Үүнд:
* Шууд замаар: Өвчтэй малаас эрүүл малд халдварлах;
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
* Шууд бус замаар: Машин, тээврийн хэрэгсэл, мал аж ахуйн тоног төхөөрөмж, өвс тэжээл, ус, бэлчээр, хүний гутал, хувцас зэрэг халдвар тээгч зүйлсээр дамжин тархах;
* Агаар дуслын замаар: Салхиар дамжин хол зайд тархах боломжтой.
Одоогийн байдлаар шүлхий өвчнийг бүрэн эмчлэх олон улсад хүлээн зөвшөөрөгдсөн эмчилгээний иж бүрэн аргачлал байхгүй бөгөөд устгалын арга хэмжээ авах шаардлагатай өвчний ангилалд багтдаг. Өвчилсөн малд дэмжих эмчилгээ хийж, бактерийн хоёрдогч халдвараас сэргийлэх зорилгоор антибиотик хэрэглэдэг байна.
Зарим малчид шүлхий өвчнийг “цагаан тариа” буюу пенициллиний бүлгийн антибиотикоор эмчилдэг гэсэн ойлголттой байдаг ч энэ нь өвчнийг эмчилж буй хэрэг биш бөгөөд зөвхөн хоёрдогч бактерийн халдвараас урьдчилан сэргийлэх зорилготой арга хэмжээ юм.
Мэргэжилтнүүдийн үзэж байгаагаар шүлхий өвчнөөс урьдчилан сэргийлэх хамгийн үр дүнтэй арга нь вакцинжуулалт, халдвар хамгааллын дэглэмийг чанд мөрдөх, мөн малын шилжилт хөдөлгөөнийг түр хугацаанд бүрэн хязгаарлах явдал юм.
Иймд малчид, мал бүхий иргэд сэрэмжтэй байж, холбогдох байгууллагын заавар зөвлөмжийг чанд мөрдөн ажиллахыг уриалж байна.
