Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Баасан гарагт АНУ-ын Дээд шүүх "АНУ-ын Ерөнхийлөгч Дональд Трамп импортын барааны татварын хэмжээг дур мэдэн тогтоох эрхгүй" гэсэн шийдвэр гаргасан нь Ерөнхийлөгч Дональд Трампыг ихээхэн уурлуулж, өөр хуулийн зүйл заалт ашиглан бусад улстай хийж буй худалдааны дайнаа үргэлжлүүлнэ хэмээн мэдэгдэхэд хүргэлээ.
АНУ-ЫН ДЭЭД ШҮҮХИЙН 9 ГИШҮҮН
Дээд шүүхийн шүүгчдийн 6-3 харьцаатай гаргасан энэхүү түүхэн шийдвэр нь Ерөнхийлөгч Дональд Трамп болон түүний худалдааны төлөөлөгчид гадаад улсын засгийн газруудтай (холбоотон болон өрсөлдөгч аль аль нь) хэлэлцээрийн ширээний ард ашиглаж байсан дарамт, хөшүүргийг ийнхүү үгүй хийлээ. Энэ шийдвэр нь дипломат харилцаа болон олон улсын зах зээлийг өөрчлөх зорилготой байсан Трампын бодлогыг ганхуулсан юм.
Сүүлийн саруудад өндөр татвар ногдуулна гэсэн сүрдүүлгийн дор хийгдсэн олон улсын худалдааны хэлэлцээрүүд эргэлзээтэй боллоо. Уг шийдвэрийн дараа АНУ-ын гурван том хөрөнгийн биржийн индексүүд хэдэн долоо хоногийн хамгийн өндөр түвшинд хүрч өсжээ. Мөн дээд шүүхийн шийд.эр Трампын буруу тайлбарласан хуульд тулгуурлан АНУ-ын импортлогчдоос хураасан 175 тэрбум ам.долларын хувь заяаг тодорхойгүй байдалтай болгосон.
Шийдвэрийн дараа Ерөнхийлөгч Дональд Трамп Цагаан ордонд сэтгүүлчдэд хандан:
“Шүүхийн зарим гишүүдээс би үнэхээр ичиж байна. Улсынхаа төлөө зөв шийдвэр гаргах зориг тэдэнд байсангүй,”
хэмээн хэлээд, гадаад орнууд уг шийдвэрийг баяр хөөртэй хүлээн авч, “гудамжиндаа баярын бүжиг хийж байна” гэж мэдэгдсэн.
Тэрбээр "нотолгоогүйгээр" олонхийн шийдвэрт авлига нөлөөлсөн байж болзошгүй хэмээх санааг цухуйлгасан бөгөөд уг шийдвэрийг Ерөнхий шүүгч Жон Робертс бичсэн юм.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Трамп:
“Тэд эх оронч бус, Үндсэн хуульдаа үнэнч биш байна. Миний бодлоор шүүх гадаадын ашиг сонирхол болон маш цөөнхийн улс төрийн нөлөөнд автсан,”
гэжээ.
Цагаан ордонд эргэн ирснээсээ хойш 13 сарын хугацаанд Трамп өөрт нь “Хэмжээ, хугацаа, цар хүрээний хувьд хязгааргүй татвар дангаар тогтоох онцгой эрх бий” гэж мэдэгдэж ирсэн. Тэрээр үндэсний онц байдал зарлаж, Олон улсын эдийн засгийн онц байдлын эрхийн тухай хууль (IEEPA)-д үндэслэн дурын хэмжээгээр татвар ногдуулах боломжтой гэж мэдэгдэж байлаа.
Гэвч Дээд шүүхийн шийдвэр тодорхой байв: Ерөнхийлөгч ийм эрхтэй гэдгээ нотолж чадаагүй бөгөөд эрх мэдлээ хэтрүүлсэн гэж дүгнэжээ.
"Үүний хариуд уурласан Трамп өөр хуулиудыг ашиглан татвар авах болно" гэж Баасан гарагт мэдэгдэж, одоо мөрдөгдөж буй (IEEPA-д хамаарахгүй) татварууд дээр нэмээд бүх улс орноос орж ирэх импортын бараанд 10%-ийн нэгдсэн татвар ногдуулна гэж зарлав.
Ингэснээр тэрээр 1974 оны Худалдааны тухай хуулийн 122 дугаар заалтыг ашигласан анхны Ерөнхийлөгч болов.
Уг заалтад “Олон улсын төлбөрийн суурь асуудлыг засах” зорилгоор Ерөнхийлөгч 150 хоног хүртэл хугацаанд 15%-иас ихгүй хэмжээний татвар ногдуулж болно гэж заасан байдаг.
