Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
АНУ-д төвтэй хүний эрхийн төлөөх International Rights Advocates төрийн бус байгууллага Вашингтоны шүүхэд нэхэмжлэл гаргажээ. Тухайн нэхэмжлэлдээ Apple компани iPhone-ийн үйлдвэрлэлдээ Бүгд Найрамдах Ардчилсан Конго Улс болон Руанда улсаас гаралтай, мөргөлдөөн болон хүний эрхийн зөрчилтэй холбоотой "ашигт малтмал"-ыг ашигласаар байна гэж буруутгажээ.
Apple энэ талаар удаа дараа үгүйсгэсээр ирсэн.
International Rights Advocates (IRAdvocates) өмнө нь Tesla, Apple болон бусад технологийн компаниудыг Конго дахь кобальтын уурхайн хүүхдийн хөдөлмөрийн мөлжлөгтэй холбоотой асуудлаар шүүхэд өгсөн ч АНУ-ын шүүхүүд өнгөрсөн жил уг хэргийг хэрэгсэхгүй болгосон.
Францын прокурорууд 2025 оны хоёрдугаар сард Apple-ийн салбар компаниудын эсрэг гаргасан "Ашигт малтмал"-ын хэрэгт хангалттай нотолгоо байхгүй гэж үзэн мөн л мөрдөн шалгах ажиллагааг хаасан. Харин Бельги улсад тухайн хэрэгтэй холбоотой эрүүгийн гомдлын дагуу мөрдөн шалгах ажиллагаа үргэлжилж байна.
Өмнө нь Apple тухайн хэргүүдэд ямар нэгэн буруутай үйлдэл хийгээгүй хэмээн мэдэгдэж, нийлүүлэгчдэдээ Конго болон хөрш Руандагаас түүхий эд худалдан авахыг зогсоох чиглэл өгсөн гэдгээ онцолж байв.
Apple лхагва гарагт гаргасан мэдэгдэлдээ Африкт албадан хөдөлмөр болон аюултай нөхцөлд үйл ажиллагаа явуулдаг уурхайнуудаас бүтээгдэхүүнээ авдаг гэсэн шинэ гомдлуудыг “үндэслэлгүй” хэмээн эрс няцаав.
Apple-ийн төлөөлөгчийн хэлснээр "Тус компанийн зохион бүтээсэн батерей дахь кобальтын 99 хувь нь дахин боловсруулсан эх үүсвэрээс гардаг бөгөөд энэ нь уурхайн анхдагч түүхий эдээс хамаарах хамаарлыг бууруулах компанийн бодлогыг илтгэнэ" гэжээ.
Тэрээр мөн 2024 онд Конго улсын зүүн бүсэд мөргөлдөөн хурцатсаны дараа Apple бүтээгдэхүүн нийлүүлэгчдэдээ Конго болон Руандагаас түүхий эд худалдан авахаа шууд зогсоох үүрэг өгсөн гэж нэмж тодруулсан байна.
Apple-ийн Нийлүүлэгчдийн Ёс зүйн Дүрэм нь “Салбарын хамгийн хүчтэй нийлүүлэлт-хангамжийн стандарт”-ыг дагаж мөрддөг ба тайлагналын ил тод байдлыг хангадаг гэж компанийн төлөөлөгч мөн мэдэгджээ.
IRAdvocates байгууллага Вашингтоны Колумбийн дүүргийн Дээд шүүхэд мягмар гарагт гаргасан нэхэмжлэлдээ Apple-ийн нийлүүлэлтийн сүлжээнд Конго болон Руандагаас гаралтай кобальт, цагаан тугалга, тантал, вольфрам зэрэг ашигт малтмал орж байгаа ба эдгээрийг хүүхдийн хөдөлмөрийн мөлжлөг, албадан хөдөлмөрт, зэвсэгт бүлэглэлүүдтэй холбоотой эх үүсвэрээс авдаг гэжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Нэхэмжлэлд шүүх Apple-ийн үйл ажиллагаа нь хэрэглэгчийн эрхийг хамгаалах хуулийг зөрчсөн эсэхийг тогтоож, буруу ташаа маркетингийг зогсоох шүүхийн хориг гаргах, шүүхийн зардлыг нөхөн төлүүлэхийг хүссэн бөгөөд мөнгөн нөхөн төлбөр шаардаагүй байна.
Нэхэмжлэлд Хятадын гурван хайлуулах үйлдвэр — Ningxia Orient, JiuJiang JinXin, Jiujiang Tanbre — нь колумбит-танталит (колтан) хүдэр боловсруулдаг, тус компаниуд хүдрээ Конго Улсын зүүн бүсийн уурхайг зэвсэгт бүлэглэлүүд эзлэсний дараа Руандагаар дамжуулан хууль бусаар авдаг гэж НҮБ болон Global Witness-ийн судлаачид тогтоосон гэжээ. Мөн эдгээр материалыг Apple-ийн нийлүүлэлтийн сүлжээнд холбосон гэсэн байна.
Энэ онд гаргасан Ноттингемийн их сургуулийн судалгаанд Apple-ийн нийлүүлэгчидтэй холбогдох Конгогийн уурхайнуудад хүүхдийн хөдөлмөрийн мөлжлөг, албадан хөдөлмөр эрхлэлт байгаа талаар дурдсан байна.
Энэ талаар Хятадын гурван компани тайлбар хүссэн ч хариу өгөөгүй ажээ.
Ойролцоогоор дэлхийн кобальтын 70 хувь, мөн цагаан тугалга, тантал, вольфрамын ихээхэн хэсгийг нийлүүлдэг Конго улс мөн Руанда улсаас бичгээр тодруулга авахад хариу ирүүлээгүй байна.
Apple удаа дараа мөргөлдөөний бүсээс ашигт малтмал авдаггүй, албадан хөдөлмөр ашигладаггүй гэж мэдэгдэж ирсэн ба энэ нь аудит, нийлүүлэгчийн кодын хэрэгжилтээр нотлогддог гэж хэлдэг. Түүнчлэн өнгөрсөн арванхоёрдугаар сард хийсэн мэдэгдэлдээ “Нийлүүлэлтийн сүлжээнд буй ямар нэгэн хайлуулах үйлдвэр зэвсэгт бүлэглэлүүдийг санхүүжүүлдэг гэх үндэслэлтэй нотолгоо байхгүй” гэжээ.
Тэгвэл Конго улсын эрх баригчид зэвсэгт бүлэглэлүүд ашигт малтмалын орлогоор мөргөлдөөнөө санхүүжүүлж, мянга мянган хүнийг хөнөөж, олон зуун мянган иргэнийг дүрвэхэд хүргэж байгаа гэж мэдэгддэг. Иймээс тэд олборлолтын хяналтыг чангатгаж, санхүүжилтийн эх үүсвэрийг хаахыг оролдож байгаа нь дэлхийн нийлүүлэлтийн сүлжээнд нөлөөлж байгаа юм.
Apple 2024 онд төхөөрөмжүүддээ ашигласан кобальтын 76 хувь нь дахин боловсруулсан эх үүсвэрээс байсан гэж мэдэгдсэн ч IRAdvocates байгууллага компанийн бүртгэл тооцооллын аргачлал нь ийм дахин боловсруулсан материалд мөргөлдөөний бүсээс гаралтай хүдрийг холих боломжийг бий болгодог гэж буруутгажээ.
