"JP MORGAN" БАНК "ШИНЭ ХУУЛЬ ЭРЧИМ ХҮЧНИЙ САЛБАРЫГ СЭРГЭЭЛЭЭ"

НИЙТЭЛСЭН:

2025-07-08 14:00

"JPMorgan" банкны шинжээчид хэлэхдээ, 7-р сарын 4-нд батлагдсан “Нэг Том, Гоё Хуулийн төсөл” (One Big Beautiful Bill – OBBB) нь АНУ-ын сэргээгдэх эрчим хүчний бодлогын олон сар үргэлжилсэн тодорхойгүй байдлыг эцэслэж, салбарын хөрөнгө оруулагчдын итгэлийг сэргээх боломж бүрдүүлж байна гэжээ.

“АНУ-ын сонгуулийн дараах 8 сарын турш таван (үнэхээр өөр өөр) төсвийн хэлэлцээний хувилбарууд гарсны эцэст Ерөнхийлөгч Трамп 7-р сарын 4-нд уг OBBB хуулийг гарын үсэг зурж баталлаа” хэмээн "JPMorgan" банк мэдэгдэв.

Тус банкны тайланд дурдсанаар, урамшууллын хэмжээ нь өмнөх “Инфляцийн бууралтын тухай хууль” (IRA)-иас харьцангуй багассан ч эцсийн хувилбар нь “Айж байсан шиг муу биш, харин ч бодитойгоор хамаагүй дээр” гарсан гэж онцолжээ.

"JPMorgan" банкныхны үзэж буйгаар, бодлогын тодорхой байдал сэргэснээр хөрөнгө оруулагчдын сэтгэл зүйд эерэг нөлөө үзүүлж, салбар руу буцаж хандах хандлагыг бий болгох аж.

“Бид хөрөнгө оруулагчдын хандлага ерөнхийдөө сайжирч, өргөн хүрээний хөрөнгө оруулагчид энэ салбарыг дахин сонирхож эхэлнэ гэж үзэж байна” гэж шинжээчид онцолжээ.

Мөн тайланд дурдсанаар, дотоодын үйлдвэрлэл болон томоохон хэмжээний эрчим хүчний төсөл (utility-scale renewables) нь энэ хуулийн төсөлд харьцангуй хожиж үлдсэн бол орон сууцны нарны эрчим хүч (residential solar) шууд тэргүүлэх байр сууринд байгаагүй ч “айдас төрүүлж байсан шиг муу биш” хэмээн үнэлжээ.

Банкны дүгнэснээр, үндсэн эрчим хүчний эх үүсвэрүүд (baseload рeneration) болох геотермаль болон цөмийн эрчим хүч IRA-тай харьцуулахад илүү урамшуулал авчээ.

Мөн “48E” татварын хөнгөлөлтөд түлшний эсүүд (fuel cells) дахин хамрагдах болсон бол эрчим хүч хадгалах системүүд (BESS – battery energy storage systems) хөнгөлөлтийн хугацаагаа хадгалсан ч “гадаадын болзошгүй сөрөг нөлөө бүхий этгээд” (foreign entity of concern – FEOC) гэх хязгаарлалтад багтсан байна.

“Татварын хөнгөлөлт шилжүүлэх эрх (transferability) бараг өөрчлөгдөөгүй” гэж шинжээчид дурдсаныг тэмдэглэжээ.

Энэ бол сэргээгдэх эрчим хүчний төслүүдийг санхүүжүүлэх чухал нөхцөл юм.

Ерөнхийд нь дүгнэвэл, "JPMorgan" банк үзэхдээ OBBB нь хөрөнгө оруулалтын эрсдэл хүлээх бэлэн байдлыг дэмжих суурь орчныг бүрдүүлж, сэргээгдэх эрчим хүчний хувьцаанууд шинэ бодлогын нөхцөлийг шингээж эхэлснээр салбарыг идэвхжүүлж чадна гэжээ.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07