Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
2025 он ирээдүйд, урт хугацаанд өгөх өгөөжид хөрөнгө оруулсан жил байсан бөгөөд энэхүү хөрөнгө оруулалтын давалгаа 2026 онд бодит эдийн засгийн идэвхжил, компаниудын ашиг орлогод хэрхэн нөлөөлөхийг хөрөнгө оруулагчид анхааралтай ажиглаж байна гэж Barclays банкны шинжээчид тайландаа дурьдсан байна.
“2026 он руу дөхөхийн хэрээр хиймэл оюун ухаан (AI) дэлхийн эдийн засгийг дахин хэлбэржүүлж, их наяд ам.долларын хөрөнгө оруулалтыг өдөөж, салбаруудыг бүхэлд нь өөрчилж байна. Үүн дээр санхүүгийн нөхцөл харьцангуй зөөлөрсөн байдал нь өсөлтийн суурийг улам бататгаж байна” хэмээн Barclays банкны Женнифер Кардиилли тэргүүтэй шинжээчид үзэж байгаа аж.
Энэхүү асар их цар хүрээтэй, өргөн хүрээг хамарсан хөрөнгө оруулалт нь дэлхийн эдийн засаг зарим бүс нутагт бодлогын хүү өндөр хэвээр байгаа ч 2026 онд өсөлтийн хурдаа хадгалах боломжтой гэсэн итгэлийг өгч байна.
АНУ-ын эдийн засгийн сүүлд гарсан мэдээнүүд эерэг дохио өгчээ. 2025 оны сүүлээр хэрэглээний зардал тогтвортой байсан нь жижиглэн худалдааны борлуулалт, орлогын үзүүлэлтийг санаа зовох хэмжээнд хүргээгүйтэй холбоотой гэж шинжээчид онцолжээ.
Ийм нөхцөлд Barclays-ийнхан "Холбооны нөөцийн банк" ирж буй п 2026 онд бодлогын хүүгээ 25 суурь нэгжээр хоёр удаа бууруулах, мөн 2027 онд дахин нэг удаа бууруулна гэсэн байр сууриа хэвээр хадгаллаа.
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Үүний зэрэгцээ тус банк 2026 оны эцсээрх инфляц (CPI)-ийн таамгаа 2.9 хувь болгон бага зэрэг өсгөсөн байна. Учир нь энэ оны арваннэгдүгээр сарын CPI (Хэрэглээний Үнийн Индекс) “хүлээлтээс доогуур гарсан” ч мэдээллийн бодит байдалтай холбоотой эргэлзээ байсаар байна гэж тайлбарлажээ.
Европын хувьд, Barclays хиймэл оюун ухааныг илүү хурдтай нэвтрүүлэх, батлан хамгаалах чадавхаа бэхжүүлэхийн тулд илүү идэвхтэй хөрөнгө оруулалт шаардлагатай гэж үзэж байна. Гэхдээ институцийн болон засаглалын хязгаарлалтууд нь эдгээр хөрөнгө оруулалтын эдийн засгийн өгөөжийг хязгаарлаж болзошгүйг анхааруулжээ.
Европын эдийн засгийн өсөлт бага зэрэг эрчимжих төлөвтэй ч инфляц 2 хувиас доогуур байж, Европын Төв Банк (ECB) 2026 онд бодлогын хүүгээ өөрчлөхгүй байх төлөвтэй байна.
Их Британийн хувьд болгоомжтой байр суурь баримталж буй Английн Төв Банк (BoE) 2025 оны сүүлчийн “хатуу өнгө аястай” хүүгийн бууралтын дараа 2026 оны гуравдугаар сард дахин нэг удаа бодлогын хүүгээ бууруулна гэж Barclays-ийн шинжээчид таамаг дэвшүүлжээ.
Харин БНХАУ-ын хувьд тодорхойгүй хүчин зүйл хэвээр байна. Barclays 2026 онд Хятадын эдийн засгийн өсөлт 4 хувь байна гэсэн, зах зээлийн дундаж таамгаас доогуур төсөөллөө хэвээр хадгалж байгаа бөгөөд экспорт өсөлтийн чухал хөдөлгөгч хүчин хэвээр байх, түүн дундаа хиймэл оюун ухаантай холбоотой үйлдвэрлэлийн эд анги, бүтээгдэхүүнүүд чухал жин дарна гэж дүгнэжээ.
