Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
БНАСАУ буюу Хойд Солонгосын удирдагч Ким Жон Ун өөрийн охин Ким Жү Э-г өөрийн залгамжлагчаараа тодруулсан гэж Өмнөд Солонгосын (БНСУ) тагнуулын байгууллага пүрэв гарагт буюу өнөөдөр хууль тогтоогчиддоо мэдээлжээ.
Ким Жон Уны том охин Ким Жү Эгийн талаарх мэдээлэл тийм ч их биш. Гэвч сүүлийн саруудад тэрээр аавынхаа хажууд өндөр түвшний арга хэмжээнүүдэд тогтмол харагдах болсон бөгөөд есдүгээр сард Ким Жү Эгийн Бээжинд хийсэн айлчлал нь түүний хувьд гадаад улсад хийсэн анхны ил тод айлчлал (Энд дарж уншина уу ҮГ.МН) болсон юм.
Өмнөд Солонгосын Үндэсний тагнуулын алба (NIS) түүнийг залгамжлагч гэж үзэх болсон шалтгаанаа “Албан ёсны арга хэмжээнүүдэд улам тод, төв байр суурь эзлэх болсон олон нөхцөл байдлыг” харгалзан үзсэн гэж мэдэгджээ.
Мөн энэ сарын сүүлээр болох Хойд Солонгосын Хөдөлмөрийн намын их хуралд тэр оролцох эсэхийг анхааралтай ажиглана гэдгээ NIS мөн мэдэгдсэн байна. Тус их хурал нь таван жилд нэг удаа болдог, Хойд Солонгосын хамгийн том улс төрийн арга хэмжээ юм.
Энэ их хурлаар Пёньян ирэх таван жилийн гадаад бодлого, дайны стратеги, цөмийн зэвсгийн зорилго зэрэг тэргүүлэх чиглэлүүдээ тодорхой танилцуулах төлөвтэй байна.
Хууль тогтоогч Ли Сон Квон сэтгүүлчдэд хэлэхдээ, өмнө нь NIS-ийн зүгээс “Залгамжлагчаар бэлтгэгдэж байна” хэмээн тодорхойлж байсан Жү Э одоо “Залгамжлагчаар нэр дэвшүүлэх шатанд” хүрсэн гэжээ.
Тэрээр хэлэхдээ:
“Ким Жү Э Солонгосын Ардын Армийн үүсгэн байгуулагдсаны ой, Кымсусаны Нарангийн ордонд хийсэн айлчлал зэрэг олон арга хэмжээнд оролцож, тодорхой бодлогын асуудлуудаар байр сууриа илэрхийлж буй нь ажиглагдсан тул NIS түүнийг одоо залгамжлагчаар албан ёсоор нэрлэгдэх шатанд орсон гэж үзэж байна”
гэжээ.
Ким Жү Э нь Ким Жон Ун болон түүний гэргий Ри Соль Жү нарын нийтэд ил болсон цорын ганц хүүхэд юм. Харин NIS-ийн үзэж буйгаар Ким Жон Ун нэг ахимаг хүүтэй байж болзошгүй ч тэр хүүг хэзээ ч албан ёсоор хүлээн зөвшөөрч, төрийн хэвлэлээр харуулж байгаагүй юм.
Ким Жү Эгийн тухай мэдээлэл анх сонирхолтой эх сурвалж ил болгосон нь Америкийн сагсан бөмбөгч Деннис Родман юм. Тэрээр 2013 онд The Guardian сонинд өгсөн ярилцлагадаа Хойд Солонгост айлчлах үеэрээ “Бяцхан Жү Эг тэвэрч байсан” гэж ярьжээ.
Одоо 13 орчим настай гэж таамаглагдаж буй Ким Жү Э 2022 онд анх төрийн төв телевизээр гарсан. Тэр үед Ким Жү Э аавынхаа гарыг хөтлөн Хойд Солонгосын шинэ тив алгасагч баллистик пуужинг шалгаж буй дүрс нь үзэгдээд өнгөрдөг.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Түүнээс хойш тэр төрийн төв хэвлэлээр байнга гарч байгаа нь харгис дарангуйлагч гэх дүр төрхтэй аавынхаа имижийг зөөлрүүлэхэд нөлөөлж байна гэж ажиглагчид үздэг. Тэрээр мөн Хятадын хамгийн том цэргийн парадад оролцохоор Бээжинд айлчлахдаа аавынхаа хуягт галт тэрэгнээс Бээжингийн төмөр замын буудал дээр бууж буйгаар харагдсан.
Ким Жү Э ихэвчлэн урт үстэй явдаг нь түүний үеийн охидод хориглодог загвар бөгөөд мөн ихэнх иргэдийн бэл хүрэхээргүй үнэтэй загварын хувцас өмсдөг.
Өөр нэг хууль тогтоогч Пак Сүн Вон хэлэхдээ,
Ким Жү Э олон нийтийн арга хэмжээн дээр гүйцэтгэж буй үүрэг нь түүнийг бодлогын хэлэлцүүлэгт оролцож эхэлснийг харуулж байгаа бөгөөд бодит байдал дээр хоёр дахь хамгийн нөлөө бүхий удирдагчийн байр суурь харагдаж байна.
гэжээ.
Хойд Солонгост эрх мэдэл Кимийн гэр бүлийн гурван үе дамжин өвлөгдсөн. Тиймээс Ким Жон Ун хаан ширээг Ким Жү Эд шилжүүлнэ гэсэн хүлээлт өргөн тархсан байна.
Сүүлийн саруудад Ким Жү Э ааваасаа өндөр харагдах болж, түүний ард дагаж биш, харин зэрэгцэн алхаж буйгаар дүрс нь гарах болсон.
Хойд Солонгост төрийн төв хэвлэлээр нийтлэгдсэн гэрэл зургууд асар их бэлгэдлийн утга агуулдаг гэж үздэг. Ким Жон Унаас өөр хэн нэгнийг зурагт ижил тэнцүү төв байрлалд харуулах нь маш ховор үзэгдэл юм.
Гэсэн ч Өмнөд Солонгосын тагнуулын байгууллага Ким Жү Эг залгамжлагчаар нэрлэгдсэн гэж үзэж байгаа ч энэ нь олон асуулт дагуулсаар байна.
Хүйсийн хувьд гүнзгий патриарх нийгэмтэй Хойд Солонгост охиныг ахимаг хүүгийнх нь оронд залгамжлагчаар сонгосон нь гайхал төрүүлж байгаа аж.
Олон дүрвэгч, шинжээчид эмэгтэй хүн Хойд Солонгосыг удирдана гэдгийг өмнө нь бараг боломжгүй гэж үздэг байсан. Гэхдээ Ким Жон Уны дүү Ким Ё Жон дэглэм дотор эмэгтэйчүүд эрх мэдэлтэй байж болохын тод жишээ болж байна.
Ким Ё Жон одоогоор Хөдөлмөрийн намын Төв хороонд өндөр албан тушаал хашиж, ахдаа нөлөө үзүүлдэг гэж мэдээлэгддэг.
Гэхдээ харьцангуй залуу, эрүүл харагддаг Ким Жон Ун яагаад ердөө 13 настай хүүхдийг одооноос залгамжлагчаараа тодруулж байгаа нь бас нэгэн нууц хэвээр байна.
Ким Жү Эгийн залгамжлал Хойд Солонгост ямар өөрчлөлт авчрах нь тодорхойгүй.
Ким Жон Ун өөрөө барууны боловсрол эзэмшсэн залуу учраас эцгийнхээ дараа төрийн эрхэнд гарахдаа улсаа гадаад ертөнцөд нээлттэй болгоно гэж олон Хойд Солонгос иргэн найдсан. Гэвч тэр найдвар биелээгүй.
