Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
БНАСАУ-ын удирдагч Ким Жон Ун-ы дүү Ким Ё Жон энэ долоо хоногт эхэлсэн АНУ, БНСУ-ын хамтарсан цэргийн сургуулилтыг “Өдөөн хатгасан, түрэмгий дайны бэлтгэл” гэж нэрлээд, энэ нь бүс нутгийн тогтвортой байдалд ноцтой нөлөө үзүүлнэ гэж мэдэгдлээ. Уг мэдэгдлийг Хойд Солонгосын төрийн мэдлийн "KCNA" агентлаг өнөөдөр дамжуулсан юм.
Жил бүр зохион байгуулдаг Freedom Shield (Эрх чөлөөг хамгаалах бамбай ҮГ.МН) нэртэй цэргийн сургуулилт нь Хойд Солонгосын эсрэг “Дайсагнасан бодлогоо байнга баримталдаг”-ийг илчилж байна гэж Ким Ё Жон мэдэгдэлдээ дурдсан байна.
Тэрээр мөн энэ сургуулилт нь “Бүс нутгийн тогтвортой байдлыг улам бүр сүйтгэнэ” гэж анхааруулсан.
Кимийн хэлснээр, БНСУ-д болж буй сургуулилтад 18'000 гаруй Өмнөд Солонгос болон АНУ-ын цэргүүд оролцож байгаа бөгөөд сургуулилт нь газар, тэнгис, агаар, сансар, кибер орон зайд өдөр шөнөгүй явагдаж байна гэсэн байна.
Тэрээр мөн ийм хүчний үзүүлбэр нь “Төсөөлөхийн аргагүй аймшигтай үр дагаварт хүргэж болзошгүй” гэж анхааруулжээ.
"Сүүлийн үед дэлхий даяар болж буй геополитикийн хямрал болон олон улсын үйл явдлууд нь дайсагнагч хүчний хийж буй аливаа цэргийн маневрт хамгаалалт ба довтолгооны хооронд ялгаа байхгүй, мөн сургуулилт ба бодит дайн хоёрын хооронд ч ялгаа байхгүй гэдгийг харуулж байна" гэж Ким мэдэгдэлдээ дурдсан.
Харин АНУ болон Өмнөд Солонгос энэ сургуулилтыг цэвэр хамгаалалтын шинжтэй гэж мэдэгдэж байгаа.
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Гуравдугаар сарын 9-өөс 19 хүртэл үргэлжлэх цэргийн сургуулилтад Хойд Солонгосын цөмийн зэвсэгтэй холбоотой сөрөг арга хэмжээ, саатуулах (deterrence) хувилбаруудыг тусган сургуулилж байгаа гэж хоёр улсын цэргийн албан тушаалтнууд мэдэгдсэн байна.
Мөн энэ сургуулилт нь дайны үед АНУ-ын хяналтад байдаг цэргийн ажиллагааны командлалыг Өмнөд Солонгост шилжүүлэх бэлтгэл ажлын нэг хэсэг болох юм.
Өмнөд Солонгос энэ командлалын шилжилтийг Ерөнхийлөгч Ли Жэ Мёны бүрэн эрхийн хугацаа 2030 онд дуусахаас өмнө дуусгах зорилготой.
Ираны жишээ Пхеньяныг цөмийн зэвсэгт улам түшиглэхэд хүргэсэн. Шинжээчдийн хэлснээр, энэ сургуулилт Хойд Солонгосын хувьд эмзэг цаг үед тохиож байна.
Учир нь АНУ болон Израиль Ираны удирдлагыг чиглэсэн цэргийн ажиллагаа явуулж байгаа нь Пхеньянд цөмийн зэвсэгт илүү түшиглэх бодлогыг бататгах магадлалтай гэж тэд үзэж байгаа аж.
Өмнөд Солонгосын Кённам их сургуулийн Хойд Солонгос судлаач Лим Ыль Чол
“Довтлох нь хамгийн найдвартай хамгаалалт гэсэн Ким Ё Жоны мэдэгдэл нь Хойд Солонгос Ираны хувь заяаг давтахгүй гэсэн шийдвэртэй байгааг харуулж байна. Энэ нь дотоод болон гадаад хүчин зүйлээс шалтгаалан цөмийн зэвсгээс татгалзвал, тэр нь сүйрэлтэй адил гэсэн мессежийг дахин илгээж байна.”
гэжээ.
Ким Жон Ун цөмийн зэвсгээ өргөжүүлэхээ зарласан. АНУ–Өмнөд Солонгосын энэ удаагийн сургуулилт нь хоёрдугаар сард болсон Хойд Солонгосын эрх баригч намын их хурлын дараа болж байгаа юм.
Намын их хурлаар Ким Жон Ун АНУ-тай харилцах харилцаа нь АНУ-ын бодлогоос шалтгаална гэж мэдэгдэж, мөн улсынхаа цөмийн зэвсгийн нөөцийг нэмэгдүүлэхэд анхаарна гэж хэлсэн.
