БНХАУ, АНУ-ын худалдааны өөдрөг хүлээлт ба технологийн компаниудын индексүүд шинэ дээд түвшинд хүрлээ

НИЙТЭЛСЭН:

2025-10-28 12:00

Товч агуулга

Индексүүд өсөв: Dow +0.71%, S&P 500 +1.23%, Nasdaq +1.86%
Хөрөнгө оруулагчид АНУ-ын томоохон компаниудын ашиг болон АНУ–БНХАУ-ын худалдааны хэлэлцээрийг хүлээж байна
АНУ-д бүртгэлтэй Аргентины хувьцаанууд Милей ерөнхийлөгчийн ялалтын дараа өсөв
Газрын ховор элементийн уурхайн компаниудын хувьцаа унасан байна

2025 оны 10-р сарын 27-ны Даваа гарагт Уолл Стрийтийн гол индексүүд хоёр дахь өдрөө дараалан шинэ дээд түвшинд хаагдав. Үүнд АНУ-БНХАУ-ын худалдааны хэлэлцээрийн эерэг хандлагын нөлөө болон энэ долоо хоногийн өндөр хүлээлттэй технологийн компанийн ашиг, мөн АНУ-ын Төв банкнаас бодлогын хүүгээ бууруулна гэсэн хүлээлт нөлөөллөө.

АНУ-ын Ерөнхийлөгч Дональд Трамп ба БНХАУ-ын Ерөнхийлөгч Ши Жиньпин нар Пүрэв гарагт уулзаж, АНУ-ын нэмэлт татварууд болон Хятадын газрын ховор элементүүдийн экспортын хязгаарлалтыг түр зогсоох хэлэлцээний хүрээг тогтоохоор төлөвлөж байгаа. Энэ нь худалдааны дайнтай холбоотой зах зээлийн айдсыг намжааж, Уолл Стрийтийн "айдсын индекс VIX"-ийг сүүлийн нэг сарын хамгийн доод түвшинд хүргэсэн байна.

АНУ-ын Сангийн сайд Скотт Бессент амралтын өдрүүдэд телевизийн ярилцлагад оролцохдоо, "Малайзад болсон хоёр өдрийн хэлэлцээний дараа БНХАУ АНУ-аас шар буурцаг худалдаж авах болон газрын ховор эллементийн экспорттой холбоотой зохицуулалтаа хойшлуулах талаар ярилцсан" гэж мэдэгджээ.

Эдгээр мэдэгдэл болон Трамп–Ши-ийн уулзалттай холбоотой хүлээлт нь АНУ–БНХАУ-ын хурцадмал байдлыг зөөлрүүлэх найдлагыг нэмэгдүүлсэн гэж Wells Fargo Investment Institute-ийн ахлах зах зээлийн стратегич Скотт Врен дүгнэжээ.

Технологийн магнатуудын сорилт

Энэ долоо хоногт “Агуу долоо” (Magnificent Seven) компанийн тав — Microsoft, Apple, Alphabet (Google), Amazon, Meta — ашиг орлогоо танилцуулах гэж байна. Энэ нь зах зээлийн өсөлтийн үндэс болсон хиймэл оюуны (AI) хөрөнгө оруулалтын ашиг бодитойгоор хэрэгжиж буй эсэхийг шалгах томоохон шалгуур гэж шинжээчид үзэж байна.

“Агуу долоогийн тав нь энэ долоо хоногт тайлангаа гаргана. Хөрөнгө оруулагчид ‘AI-д хийгдэж буй хөрөнгө оруулалт бодитоор ашиг орлого болж байна уу?’ гэдгийг батлах хариулт хүлээж байгаа,” гэж Врен хэлэв.

Үзүүлэлтүүд

Dow Jones Industrial Average: +337.47 оноо (+0.71%) → 47,544.59
S&P 500: +83.47 оноо (+1.23%) → 6,875.16 (анх удаа 6,800-гийн босгыг давсан)
Nasdaq Composite: +432.59 оноо (+1.86%) → 23,637.46

S&P 500-ын 11 салбарын дундаас харилцаа холбоо үйлчилгээний салбар хамгийн хүчтэй өсөлттэй байв (+2.3%), үүнд Alphabet (Google)-ийн 3.6%-ийн өсөлт голлон нөлөөлжээ.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07