Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Баасан гарагт БНХАУ-ын тусгай бүс болох Хонконгийн шүүхийн мэдэгдсэнээр, хэвлэл мэдээллийн магнат, ардчиллын идэвхтэн Жимми Лайд энэ сарын 9-нд ял оноох бөгөөд энэ нь олон улсын анхаарлын төвд буй үндэсний аюулгүй байдалтай холбоотой шүүх хурал юм. Энэхүү хэрэг АНУ, Их Британи зэрэг орнуудаас хүчтэй шүүмжлэл дагуулсаар ирсэн.
78 настай Лай нь ардчиллыг дэмжигч Apple Daily сониныг үүсгэн байгуулагч бөгөөд 2025 оны арванхоёрдугаар сард Хятадын санаачилгаар батлагдсан үндэсний аюулгүй байдлын тухай хуулийн дагуу гадаадын хүчинтэй хуйвалдсан гэх хоёр зүйл анги, мөн ард иргэдийг төрийн эсрэг турхирсан материал хэвлэн нийтлэхэд хуйвалдагчаар оролцсон гэх нэг зүйл ангиар буруутай гэж тогтоосон юм.
Лай өөрт нь тулгаад байгаа бүх хэрэгт өөрийгөө гэм буруугүй хэмээн мэдэгдсэн ч тэрээр насан туршаа хоригдох ял авах магадлал өндөр байна.
Шүүхийн тогтоосноор, Лай нь Apple Daily сониныг ашиглан 2019 оны 4-р сараас 2021 оны 6-р сар хүртэлх хугацаанд зургаан удирдах ажилтан, бусад хүмүүстэй хамтран төрийн эсрэг утга агуулгатай нийтлэл гаргасан, түүнчлэн 2020 оны 7-р сараас 2021 оны 6-р сар хүртэл АНУ зэрэг гадаадын хүчинтэй хуйвалдсаныг нь тогтоожээ.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Түүнчлэн Лайг ардчиллын идэвхтэн Энди Ли, хуульчийн туслах Чан Цзы-ва болон бусад хүмүүстэй хамтран гадаад орнуудаас Хонконг болон БНХАУ-ын эсрэг эдийн засгийн хориг, бүслэлт, дайсагнасан бусад арга хэмжээг авахыг уриалсан гэж буруутгасан байна.
Энэхүү урт хугацааны шүүх хурал 2023 оны 12-р сард эхэлж, нийт 156 өдөр үргэлжилжээ. 2019 онд Хонконгт болсон олон нийтийг хамарсан, зарим тохиолдолд хүчирхийлэл дагуулсан ардчиллын төлөөх эсэргүүцлийн жагсаалын дараа Бээжин Хонконгт үндэсний аюулгүй байдлын өргөн хүрээтэй хуулийг 2020 оноос хэрэгжүүлж эхэлсэн.
Хонконгийн Ерөнхий шүүгч Эндрю Чён саяхан мэдэгдэл хийхдээ, Жимми Лайг шүүхийн шийдвэрээс өмнө суллахыг шаардах нь хотын хууль ёсны дэг журмыг сулруулна гэж онцолжээ.
“Ийм шаардлага нь хариуцлагыг хууль ёсны журмаар тогтоох үйл явцыг тойрч гарахаас гадна, хууль дээдлэх зарчмын язгуурт нь халдаж байна” хэмээн тэрбээр хэлсэн байна.
АНУ, Их Британи зэрэг зарим улс энэхүү шүүх хурал нь улс төрийн зорилготой гэж үзэн, Лайг нэн даруй суллахыг шаардсаар ирсэн. Харин Хятадын болон Хонконгийн засгийн газар түүнийг шударга шүүхээр шүүгдсэн гэж мэдэгддэг.
Их Британийн Ерөнхий сайд Кир Стармер саяхан Бээжинд хийсэн айлчлалынхаа үеэр Хятадын дарга Ши Жиньпинтэй Жимми Лайгийн асуудлаар “Харилцан хүндэтгэлтэй ярилцсан” гэж хэлсэн ч дэлгэрэнгүй мэдээлэл өгөхөөс татгалзжээ.
