Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Ням гарагт АНУ-ын нийслэл Вашингтон болон Пакистаны нийслэл Исламабад хотуудаас мэдээлснээр, дэлхийн эрчим хүчний нийлүүлэлтэд стратегийн ач холбогдолтой Ормузын хоолойг хааснаар дамжин өнгөрөх тээвэр бүрэн зогсжээ.
Учир нь Иран улс Ормузын хоолойд хяналтаа дахин тогтоосон бөгөөд АНУ-тай байгуулсан гал зогсоох хэлэлцээр дуусах хугацаа дөхөж байгаатай холбон тус хоолойг хаасан гэж тайлбарласан.
Иран улсыг төлөөлж хэлэлцээр хийж буй нэгэн сүүлийн уулзалтуудад ахиц гарсан гэж мэдэгдсэн бол АНУ-ын Ерөнхийлөгч Дональд Трамп “Яриа хэлэлцээ маш сайхан өрнөж байна” гэж онцолжээ.
Гэвч хоёр тал хэлэлцээрийн үйл явцын талаар тодорхой, дэлгэрэнгүй мэдээлэл өгсөнгүй. Ираны талын хэлэлцээрийн ахлагч Мохаммад Багер Галибаф хэлэхдээ цөмийн асуудал болон Ормузын хоолойн асуудлаар хоёр талын байр суурь хол зөрүүтэй хэвээр байгааг дурдсан байна.
Бямба гарагт Иран улс хоолойгоор усан онгоц нэвтрүүлэхийг зөвшөөрсөн өмнөх шийдвэрээсээ буцаж, АНУ-ыг Ираны боомтуудыг хаасан байдлаар гал зогсоох хэлэлцээрийг зөрчсөн гэж буруутгасан байна.
Мөн Бямба гарагт Энэтхэгийн бүртгэлтэй хоёр усан онгоц хоолойгоор нэвтрэх гэж оролдох үедээ халдлагад өртсөн талаар мэдээлэл гарсны дараа ням гаригийн өглөө гэхэд усан замын хөдөлгөөн бүрэн зогссон байна.
Далайн тээврийн хяналтын мэдээллээр Хятадын нэг танкер болон Энэтхэгийн нэг хий тээвэрлэгч усан онгоц зүүн чиглэлд явж байгаад буцжээ. Лондогийн цагаар шөнө дундаас хойш Персийн буланд ямар ч усан онгоц Ормузйн хоолойгоор орж, гараагүй аж.
Одоогоор 8 дахь долоо хоногтоо үргэлжилж буй энэ дайн дэлхийн эрчим хүчний нийлүүлэлтэд түүхэнд байгаагүй том цохилт өгч байна.
Дайн эхлэхээс өмнө Ормузын хоолойгоор дэлхийн газрын тосны нийлүүлэлтийн 20 орчим хувь дамждаг байсан бол одоо ямар ч усан онгоц нэвтрэх боломжгүй болж газрын тосны үнэ огцом өсөөд байна.
Дайныг зогсоох Пакистаны зуучлалтай оролдлогууд тодорхойгүй хэвээр байгаа юм. Энэ дайн 2-р сарын 28-нд АНУ болон Израилийн Иранд хийсэн агаарын цохилтоор эхэлж, улмаар Ливанд хүртэл тэлээд байгаа дайн зогсоно гэж хэлэхэд арай эрт байна.
Исламабад хотод болсон АНУ–Ираны шууд хэлэлцээ (Олон арван жилийн дараах анхны уулзалт) өнгөрсөн долоо хоногт тохиролцоогүй өндөрлөсөн ч гал зогсоох хугацаа Лхагва гаригт (Дөрөвдүгээр сарын 22-ны өдөр) дуусахаас өмнө дахин хэлэлцээр эхлүүлэх бэлтгэл хийгдэж буй бололтой.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Хэлэлцээ болсон зочид буудлын орчимд өргөст тор татаж, зочдод буудлыг орхих шаардлага тавьсан бөгөөд шинэ захиалга өнөөдрийг хүртэл аваагүй байна. Хотын төвд цагдаа, цэргийн хамгаалалт их байсан ч өмнөх хэлэлцээний үеийнхтэй харьцуулахад суларсан ажээ.
АНУ-ын дотоод улс төрийн дарамт Ерөнхийлөгч Дональд Трампад нэмэгдэж байгаа юм.
Учир нь:
-Шатахууны үнэ өссөн
-Инфляц өсч байгаа
-Түүний рейтинг буурсан
-Арваннэгдүгээр сард болох Конгрессын сонгууль ойртсоор байгаа
Трамп Үндэсний аюулгүй байдлын зөвлөхүүдтэй уулзсаны дараа “Яриа хэлэлцээ маш сайхан өрнөж байна” гэж хэлсэн ч дэлгэрэнгүй мэдээлэл нэмж өгөөгүй.
Харин Ираны тал “Ахиц гарсан ч бидний хоорондох шаардлагын зай их байна” гэж мэдэгдсэн.
Баасан гарагт Израиль–Ливаны хооронд АНУ-ын зуучлалтай 10 хоногийн гал зогсоох хэлэлцээр байгуулагдсаны дараа Иран Ормузын хоолойг түр нээсэн юм.
Гэвч удалгүй Иран АНУ боомтуудыг нь хааж байна гэж буруутган дахин Ормузын хоолойг хаасан.
Ираны дээд удирдагч Аятолла Можтабат Хаменейн мэдэгдэлд тэнгисийн цэргүүд нь дайснуудад “Шинэ гашуун ялагдал” учруулахад бэлэн гэжээ.
Харин АНУ-ын Ерөнхийлөгч Дональд Трамп уг үйлдлийг “ШАНТАЖ” гэж нэрлээд хэрэв урт хугацааны хэлэлцээрт хүрэхгүй бол “Бөмбөгдөлтөө дахин эхлүүлнэ” гэж анхааруулсан.
Ормузын хоолойд Иран хяналтаа сэргээсний дараа дор хаяж хоёр усан онгоц халдлагад өртсөн талаар мэдээлэл гарсан.
Энэтхэг улс Ираны элчин сайдыг дуудаж, Энэтхэгийн далбаатай хоёр хөлөг онгоц руу гал нээсэнд гүнээ санаа зовж байгаагаа илэрхийлсэн байна.
АНУ-ын Төв командлал Ираны эсрэг далайн хориг хэрэгжүүлж байгаа ч Ираны сүүлд хийсэн үйлдлийн талаар ямар нэг тайлбар өгөөгүй.
Сүүлийн хэлэлцээний үеэр:
АНУ: Иран уран баяжуулах ажиллагааг 20 жил бүрэн зогсоох санал тавьсан.
Иран: 3–5 жил түр зогсоох санал дэвшүүлсэн.
Ираны Гадаад хэргийн дэд сайд хэлэхдээ дараагийн хэлэлцээний тов тогтоогдоогүй бөгөөд эхлээд “ойлголцлын хүрээ” дээр тохиролцох ёстой гэжээ.
Баасан гарагт:
Газрын тосны үнэ ~10% буурсан
Ормузын хоолой нээгдэнэ гэсэн найдвар төрүүлсэн Дэлхийн хөрөнгийн зах зээлийг өсгөлөө.
Олон зуун усан онгоц, түүн дундаа 20,000 орчим далайчин Персийн буланд гацсан хэвээр байна.
