Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Мягмар гарагт буюу Улаанбаатарын цагаар 03:00 цагт болсон Дэлхийн Аваргын хагас шигшээ тоглолтод Европын аварга Испанийн шигшээ баг энэ удаагийн ДАШТ-ний гол фаворит гэгдэж буй Францын багийг 2:0-ээр хожиж, гайхалтай техник, тактикийн тоглолтоор дэлхийн аваргын финалд шалгарлаа.
Техас мужийн Арлингтон дахь AT&T Stadium-д болсон тоглолтын эхний үед Микель Оярсабаль торгуулийн цохилтоос гоол оруулсан бол, хоёрдугаар үед Педро Порро тооны харьцааг 2:0 болгож, Испанийн ялалтыг баталгаажууллаа.
2010 оны дэлхийн аварга Испани ийнхүү финалд шалгарч, Англи – Аргентинийн хэн ялсантай нь долдугаар сарын 19-нд Нью Жерси мужид аваргын төлөө тоглоно.
Испанийн дасгалжуулагч Луис де ла Фуэнте тоглолтын дараа:
Өнөөдөр бид дэлхийн шилдэг үндэсний шигшээ багуудын нэгтэй тоглолоо. Гэхдээ тэдний өмнө дэлхийн хамгийн шилдэг баг байсан. Энэ бол маш том ялгаа.
хэмээн баяртайгаар хэлжээ.
Франц хагас шигшээд хүрэх замдаа олон гоол оруулсан гайхалтай тоглолтуудынхаа ачаар тэмцээний хамгийн хүчтэй багт тооцогдож байсан.
Багийн ахлагч Килиан Мбаппе, "Алтан бөмбөг"-ийн эзэн Усман Дембеле, мөн Брэдли Баркола, Майкл Олисе нараас бүрдсэн хүчирхэг довтолгоо Испанийн зохион байгуулалттай хамгаалалт болон бөмбөг эзэмшилтийн өмнө бараг боломж гаргаж чадсангүй.
Францын дасгалжуулагч Дидье Дешам тоглолтын дараа:
Тоглогчид маань маш их сэтгэлээр унасан. Бид өндөр зорилготой байсан ч өнөөдөр техникийн түвшинд өрсөлдөгчөөсөө нэг шат доогуур байсныг хүлээн зөвшөөрөхөөс өөр аргагүй.
гэж хэлжээ.
Энэ нь Дешамын Францын шигшээг удирдсан сүүлчийн дэлхийн аварга бөгөөд тэр тэмцээний дараа ажлаа өгөхөөр болсон юм.
Испани өмнөх хоёр албан ёсны тоглолтдоо Францыг хожиж байсан бөгөөд энэ удаа ч эхнээс нь довтолж тоглоно гэдгээ амласан.
Родри, Фабиан Руис, Дани Олмо нарын удирдсан Испанийн хагас хамгаалалт тоглолтын хэмнэлийг бүрэн хянаж, Францын Адриен Рабьо, Орельен Чуамени нарыг шахан тоглолтыг өөрсдийн мэдэлд авлаа.
Ердөө 9 дэх минутад Рабьо Олмогийн хөл дээр гишгэсэн тул шар хуудас авч, Францын бухимдал эрт эхэлсэн юм.
Гэхдээ анхны аюултай довтолгоог Франц хийж, 16 дахь минутад Мбаппе гоолын боломжтой болсон ч Испанийн хамгаалагч Пау Кубарси сүүлчийн мөчид бөмбөгийг тасалж чаджээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
20 дахь минутад Марк Кукурелья-гийн дамжуулалт торгуулийн талбайгаар нисэн өнгөрөхөд Францын хамгаалагч Лукас Динь бөмбөгийг толгойгоор холдуулах гэж оролдсон ч бүрэн амжилттай болсонгүй.
Дараа нь тэр хөлөөрөө бөмбөгийг цохих гэж оролдохдоо Ламин Ямал-ыг өшиглөж унагаасан тул Эль Сальвадорын шүүгч Иван Бартон шууд торгуулийн цохилт заалаа.
Францын тоглогчид хэсэг хугацаанд эсэргүүцсэн ч шийдвэр өөрчлөгдсөнгүй.
Микель Оярсабаль 11 метрийн цохилтыг итгэлтэй гүйцэтгэж, хаалгач Майк Меньян зөв зүг рүү үсэрсэн ч бөмбөгийг хааж чадсангүй.
31 дэх минутад Францын гол хамгаалагч Уильям Салиба бэртлийн улмаас тоглолтыг орхиж, түүний оронд Максенс Лакруа талбайд гарсан нь Францын хамгаалалтад том цохилт болов.
38 дахь минутад Испани гайхалтай богино дамжуулалтаар Францын хамгаалалтыг задалсан ч Дайо Упамекано Фабиан Руисын цохилтыг амжилттай хааж, тооны харьцааг өсгөхөөс аварсан юм.
Эхний үеийн төгсгөлд Франц бага зэрэг идэвхжиж, Рабьогийн гайхалтай дамжуулалтаар Мбаппе гоолын боломжтой болсон ч Испанийн хаалгач Унай Симон цагийг нь олсон гаралтаар аюулыг таслан зогсоов.
Хоёрдугаар үе эхэлсний дараа Испани дахин тоглолтын санаачилгыг бүрэн авлаа.
Францын дасгалжуулагч Дешам тактикийн өөрчлөлт хийж чадаагүй бөгөөд Испанийн хагас хамгаалалт дахин тоглолтыг бүрэн эзэмшсэн юм.
58 дахь минутад Педро Порро болон Дани Олмо нарын гайхамшигтай "нэг-хоёр" дамжуулалтын дараа Порро хамгаалалтыг сэтлэн орж, бөмбөгийг Меньяны дээгүүр чадварлаг өргөж оруулснаар тооны харьцааг 2:0 болголоо.
61 дэх минутад Ламин Ямал дахин гоол оруулсан ч маш өчүүхэн оффсайдын улмаас хүчингүй болсон юм.
Дешам хэд хэдэн сэлгээ хийсэн ч Испанийн нягт хамгаалалтыг сэтэлж чадсангүй.
Францын хамгийн аюултай боломж нь Мбаппегийн ойрын буланд чиглүүлсэн цохилт байсан ч хаалгач Унай Симон хааж чадлаа.
Тоглолтын төгсгөлд Мбаппе хаалгач Симонтой мөргөлдсөний улмаас шар хуудас авч, Францын бухимдлыг илэрхийлэв.
Ингэснээр Испани 2:0-ийн итгэл төгс ялалт байгуулж, дэлхийн аваргын финалд шалгарсан бол Франц гурав дахь удаагаа дэлхийн аварга болох мөрөөдлөө өндөрлүүллээ.
