Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Итал улсын өр, банк, бонд зэрэг хөрөнгүүд сүүлийн жилүүдэд зах зээлийн хямралын гол бай байнга болж ирсэн ч тэдгээрээс нэг зүйл өнөөдөр орлого оруулж, үр шимээ хүртээж байна. Төв банкных нь асар том алтны нөөц, дэлхийн түүхэнд байгаа алтны үнийн өсөлтийг дагаж өсөж байна.
Энэхүү алтны нөөц нь Дэлхийн II дайнд нацистуудын дээрэмдсэн нөөцөө сэргээсний дараах олон арван жилийн турш үргэлжилсэн хатуу хамгаалалтын бодлого, мөн олон хямрал, өрийн өсөлт дунд “Алт зарж болохгүй” гэсэн байр суурийг хадгалж ирсний үр дүн юм.
Одоогоор Италийн Төв банк дэлхийд АНУ, Герман хоёр улсын дараа гуравт орох хэмжээний 2'452 метр тонн алт эзэмшиж байна. Одоогийн ханшаар энэ нь ойролцоогоор 300 тэрбум ам.доллар, өөрөөр хэлбэл 2024 оны ДНБ-ий 13 %-тай тэнцэнэ.
Италчуудын алтан дахь дур сонирхол хэдэн мянган жилийн өмнөөс эхтэй. Этрускийн үеийн гар урчууд алтны бөмбөлөг хайлуулах арга эзэмшиж, харин Юлий Цезарь “ауреус” хэмээх алтан зоосыг Ромын эзэнт гүрний мөнгөний тулгуур болгожээ. Дундад зууны үед Флоренцийн “фиорино” зоос Европт өнөөгийн доллар шиг нөлөө бүхий валют байв.
Харин орчин үеийн алтны бодлого нь Дэлхийн II дайнтай холбоотой. Нацистууд, фашист дэглэмийн хамт 120 тонн алт хураан авсны дараа дайны төгсгөлд ердөө 20 тонн үлджээ.
Дайны дараах “эдийн засгийн гайхамшиг”-ийн үед Италийн экспортын өсөлт, ялангуяа АНУ-ын долларын урсгал нэмэгдсэн бөгөөд эдгээрийн заримыг Төв банк алт болгон хөрвүүлсэн байна. 1960 онд алтны нөөц 1'400 тоннд хүрч, дайны үед хураагдсан алтны 3/4-ийг 1958 онд буцаан авсан байв.
1970-аад оны газрын тосны хямрал дэлхийд тогтворгүй байдал авчирч, Италид нийгмийн үймээн, засгийн газрын солигдолт давтагдаж, хөрөнгө оруулагчдын итгэлийг алдуулж байв.
Милан хотын SDA Bocconi менежментийн сургуулийн захирал Стефано Каселли хэлэхдээ:
“Мөнгөний хэт тогтворгүй байдал Барууны орнуудыг алт худалдан авахад хүргэсэн. Алт бол санхүүгийн бат бэх байдлын бэлгэ тэмдэгийн туйл юм” гэв.
1976 онд Италийн засгийн газар улсын төсвийн алдагдлыг нөхөхийн тулд алтныхаа 41'300 хувинг (ингот) барьцаалан Герман улсын Бундесбанкаас 2 тэрбум ам.долларын зээл авч байжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Гэвч Их Британи, Испани зэрэг улс шиг алт зарж хямралыг давах алхам Италид гарсангүй. Тэд 2008 оны өрийн хямралын үеэр ч алтныхаа нөөцийг хадгалж үлдсэн юм.
Төв банкны дэд захирал асан Сальваторе Россси “Алт бол гэр бүлийн мөнгөн хэрэглэлтэй адил — өвөөгийн үнэт цаг шиг хамгийн сүүлчийн найдвар юм. Улсын нэр хүндийг ганхуулсан ямар ч хямралд алт л аврал болно” хэмээн 2018 онд хэвлүүлсэн “Oro” (Алт) номдоо бичжээ.
Өнөө үед ч алт “эцсийн баталгаа” хэвээр байна. Төв банкууд дэлхийн хүчний дахин хуваарилалтын дунд дахин алт хуримтлуулж эхэлжээ.
Каселли хэлэхдээ:
“Төв банкны тэр үеийн шийдвэр өнөөдөр тун орчин үеийн сонголт болж харагдаж байна. Учир нь бид дахин тийшээ буцаж очлоо.”
Төв банк одоогоор 871'713 алтан зоос (нийт 4.1 тонн) хадгалж байгаа бөгөөд эдгээрийг “сакристия” — сүмийн ариун эд зүйл хадгалдаг өрөөтэй зүйрлэдэг.
2024 оны эцэст алт нь Италийн албан нөөцийн 75 %-ийг эзэлж байсан нь еврозоны дундаж болох 66.5 %-иас илүү өндөр юм.
Ойролцоогоор 1'100 тонн алт нь Ром дахь Төв банкны Палатсо Кох төв байрны доорх агуулахад, үүнтэй төстэй хэмжээний алт АНУ-д, багахан хэсэг нь Их Британи ба Швейцарьт хадгалагддаг.
Мөн Италийн алтны гоёлын экспорт дэлхийд тэргүүлдэг хэвээр. Үйлдвэрлэл нь Алессандриа, Ареццо, Виченца мужуудад төвлөрч, Bulgari, Buccellati, Damiani зэрэг брэндүүд дэлхий даяар нэр хүндтэй байна.
Италийн нийт өр 3 ихнаяд евро давж, ирэх жил ДНБ-ийн 137.4 %-д хүрэхээр байгаа энэ үед алт зарж өр бууруулах санал үе үе гарч ирдэг.
Гэвч Banca Patrimoni Sella & C.-ийн зах зээлийн шинжээч Жакомо Кьорино хэлэхдээ:
“Алтныхаа талыг зарсан ч Италийн өрийн асуудлыг шийдэхгүй.”
Зарим нь алтны хэсгийг зарах нь иргэдэд шууд тус болох нийгмийн үйлчилгээний хөрөнгийг гаргаж өгнө гэж үздэг. Гэсэн ч Италийн Төв банк алт зарах бодолгүй байна — тэд энэ сэдвээр тайлбар өгөөгүй.
Каселли дараах байдлаар дүгнэжээ:
“Дэлхий дахин өөрчлөгдөж, зах зээлийн үнэ урьд өмнө байгаагүй түвшинд хүрч, тогтвортой койн, криптовалют зэрэг шинэ хөрөнгийн хэлбэр дэлгэрч буй энэ үед төв банкууд хамгийн халуухан хөрөнгө болох — алт — гартаа атгаж байна. Тэдний зарахгүй байгаа нь зөв.”
($1 = 0.8607 евро)
