Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Энэ амралтын өдрүүдээр нээлтээ хийсэн Эртний Грекийн яруу найрагч Гомерын алдарт тууль "Одиссей" (The Odyssey)-г кино болгон бүтээсэн Найруулагч Кристофер Ноланы хувилбар дэлхий даяар 264.1 сая ам.долларын тасалбарын орлого олсон гэж Universal Pictures ням гарагт мэдээллээ.
Үүнээс 124.5 сая ам.долларыг АНУ болон Канадын кино театруудаас олжээ.
Энэхүү кинонд Мэтт Дэймон Грекийн домгийн баатар Одиссейн дүрийг бүтээсэн бөгөөд Трой хотын дайнд тулалдсаны дараа эх орондоо буцах замдаа учирсан асар олон аюул, сорилттой нүүр тулж буй түүхийг өгүүлдэг.
Энэ нь Ноланы 2023 онд бүтээсэн "Oppenheimer" киноноос хойших анхны бүтээл юм.
"Oppenheimer" тухайн үед Оскарын шагналын шилдэг кино, шилдэг найруулагч зэрэг олон төрөлд ялалт байгуулсан билээ.
Universal Pictures-ийн АНУ дахь кино түгээлтийн ерөнхийлөгч Жим Орр хэлэхдээ:
Энэ амралтын өдрүүдэд АНУ-ын кино зах зээл даяар 'The Odyssey'-г үзэх хүсэл тэмүүлэл, догдлол үнэхээр мэдрэгдэж байна.
Түүний хэлснээр кино нь тухайн амралтын өдрийн Хойд Америкийн бокс оффисыг тэргүүлсэн бөгөөд үзэгчдийн үзэлт маш их байжээ. Тасалбар худалдан авсан хүмүүсийн тал хувь нь 18-34 насныхан байсан байна.
"The Odyssey" киног бүтээхэд ойролцоогоор 250 сая ам.доллар зарцуулжээ. Нээлтийн оройн үзвэрийн дараа кино үзэгчдээс CinemaScore-ийн "A" үнэлгээ авсан бол Rotten Tomatoes сайтад үзэгчдийн үнэлгээ 97 хувь хүрсэн байна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Инфляцыг тооцохгүйгээр үзвэл энэ кино нь: Кристофер Ноланы карьерын түүхэнд дэлхийн хэмжээнд хамгийн өндөр орлоготой нээлт болсон.
Харин АНУ, Канадын зах зээлд "The Dark Knight", "The Dark Knight Rises" киноны дараах гурав дахь хамгийн өндөр орлоготой нээлт болжээ.
Киноны тасалбарын урьдчилсан худалдаа нэг жилийн өмнөөс эхэлсэн бөгөөд сонгогдсон IMAX театруудад худалдаанд гарсан даруйдаа фенүүд олноороо захиалж эхэлсэн байна.
IMAX компанийн мэдээлснээр эрэлт маш өндөр байсан тул Хойд Америкийн 50 гаруй кино театр шөнийн 00:00-07:00 цагийн хооронд нэмэлт үзвэр гаргахаар болжээ.
Universal Pictures-ийн мэдээлснээр нийт үзэгчдийн тал хувь нь киног 70 мм-ийн IMAX зэрэг өндөр чанарын тусгай форматаар үзсэн байна.
IMAX-ийн гүйцэтгэх захирал Ричард Гелфонд хэлэхдээ, компанийн хувьд урьдчилсан тасалбарын борлуулалт 50 сая ам.долларт хүрсэн нь түүхэн дээд амжилт болсон бөгөөд IMAX технологи нь киноны эргэн тойрон дахь хүлээлт, сонирхлыг асар их нэмэгдүүлсэн гэж онцолжээ.
Тэрээр:
Олон талаараа бараг төгс бүтээсэн, үнэхээр сайн кино болсон.
гэж үнэлсэн байна.
Ихэнх эрдэмтдийн үздэгээр Гомерын "Одиссей" тууль нь МЭӨ VII-VIII зуунд зохиогдсон бөгөөд эхэндээ аман хэлбэрээр дуулж, үеэс үед уламжлагдан ирсний дараа бичгээр тэмдэглэгджээ.
Кристофер Ноланы кино нь уг туулийн нэгэн хэсэгт төвлөрсөн бөгөөд Одиссей эх нутагтаа буцах замдаа бурхад, аймшигт мангасууд, далайн шуурга болон эмгэнэлт үйл явдлуудтай хэрхэн тулгарч буйг харуулдаг.
