Нэг тонн зэсийн фьючерс 9838 ам.долларт хүрлээ

НИЙТЭЛСЭН:

2025-08-14 08:00

Лхагва гарагт унци алтны ханш бага зэрэг өслөө. АНУ-ын инфляц буурсан, Холбооны Нөөцийн Банк (ХНБ)-ны бодлогын хүү буурах найдлага төрүүлсэн зэрэг нь алтны ханш өсөхөд дэмжлэг болов. Харин хөрөнгө оруулагчид энэ долоо хоногийн сүүлд болох АНУ-ОХУ-ын яриа хэлэлцээг чих тавин хүлээж байна.

Лхагва гарагийн орой Улаанбаатарын цагаар 20:50-д спот алт унци нь 0.4%-иар өсөж, 3,363.27 ам.долларт хүрсэн бол алтны фьючерсийн ханш арилжаагаар (12-р сарын нийлүүлэлт) мөн 0.4%-иар өсөж, унц нь 3,412.90 ам.долларт хүрэв.

АНУ-ын Ерөнхийлөгч Доналд Трамп алтан гулдмайд татвар ногдуулахгүй гэж мэдэгдсэн нь нийлүүлэлтийн талаархи болгоомжлолыг бууруулж, алтны үнэ энэ долоо хоногийн эхэнд огцом унахад хүргэжээ.

Алт ХНБ-ын хүү бууруулах хүлээлтийг нэмэгдүүлэв

АНУ-ын долдугаар сарын инфляц буурч гарсан нь төв банк ирэх есдүгээр сард бодлогын хүүгээ бууруулах магадлалыг нэмэгдүүллээ.

Хүү буурах нь өгөөж өгдөггүй хөрөнгийн (алт гэх мэт) эзэмшлийн зардлыг багасгаж, алтанд хөрөнгө оруулалт хийх сонирхлыг нэмэгдүүлдэг.

Зах зээл ирэх есдүгээр сард хүү бууруулах магадлал 90%-иас давсан хүлээлттэй байна.

Гэвч алтны өсөлтөд геополитикийн нөхцөл байдлын нөлөө мэдрэгдэж байгаа бөгөөд худалдаачид Баасан гарагт АНУ-ын Ерөнхийлөгч Трамп болон ОХУ-ын Ерөнхийлөгч Владимир Путин нарын Аляскийн Анкоридж хотод хийх дээд хэмжээний уулзалтыг анхааралтай ажиглаж байгаа юм.

Энэ уулзалт Украины дайны асуудалд төвлөрөх бөгөөд гал зогсоох хэлэлцээрийн санал гарч болзошгүй шинжээчид таамаг дэвшүүлж байгаа аж.

Хэрэв эерэг үр дүн гарах юм бол алтны аюулгүйн хөрөнгө гэсэн эрэлт буурах магадлалтай, харин яриа хэлэлцээ бүтэлгүйтэх эсвэл хурцадмал байдал нэмэгдэх шинж илэрвэл эсрэгээрээ алтны эрэлт өсөх боломжтой.

Металлын зах зээл тогтуун, унци мөнгөний ханш өсөв

Бусад үнэт металл лхагва гарагт харьцангуй тогтуун байлаа. АНУ-ын доллар өмнөх өдрийн огцом бууралтын дараа сул хэвээр байна.

Платинумын фьючерс 0.5%-иар өсөж унц нь 1,359.90 ам.долларт хүрсэн бол мөнгөний фьючерс 1.3%-иар өсөж унц нь 38.493 ам.долларт хүрлээ.

Лондонгийн Металлын Бирж дээрх Зэсийн фьючерс 0.1 -иар өсөж, тонн нь 9,838.65 ам.доллар болсон бол АНУ-ын зэсийн фьючерс 0.1%-иар буурч, фунт нь 4.5217 ам.долларт хүрсэн байна.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07