Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Венесуэлийн Ерөнхийлөгч асан Николас Мадуро болон түүний эхнэр Силия Флорес нар өнөөдөр АНУ-ын шүүхэд ирж, өөрсдөд нь холбогдох эрүүгийн хэргийн шүүх хурлын өдрийн товыг сонсох юм. Шүүх хурлыг 2027 оны 6-р сард эхлүүлэх санал гарч байгаа.
Манхэттэний холбооны шүүхийн шүүгч Алвин Хеллерстейн даргалах уг сонсгол нь АНУ-ын иргэдийн сонирхлыг ихээхэн татаж байна.
АНУ-ын Тусгай хүчнийхэн Ерөнхийлөгч Дональд Трампын тушаалаар 2026 оны 1-р сарын 3-ны шөнө Венесуэль улсын нийслэл Каракас хот дахь гэрт нь тусгай ажиллагаа явуулж, Мадуро болон Флорес нарыг баривчилсан.
Тэднийг Нью-Йорк хотод авчирч, эрх мэдлээ ашиглан кокаин зөөвөрлөсөн, хар тамхины наймаа, мөнгө угаалт, хуйвалдаан, нарко-терроризм зэрэг хэрэгт ял тулган эрүүгийн хэрэгт буруутгаад байна.
Мадуро болон түүний эхнэр өөрсдийгөө буруугүй хэмээн мэдүүлсэн бөгөөд одоогоор шүүх хурлын эцсийн тов хараахан тогтоогдоогүй байгаа юм.
Мягмар гарагийн орой прокурорууд болон өмгөөлөгчид хамтарсан хүсэлт гаргаж, 2027 оны 6-р сард шүүх хурлыг эхлүүлэх санал тавьжээ. Гэхдээ эцсийн шийдвэрийг шүүгч гаргана. Мэтгэлцэгч талууд шаардлагатай бол товын хугацаанд өөрчлөлт оруулах хүсэлт гаргаж болох юм.
Шүүхэд хүргүүлсэн баримт бичигт дурдсанаар Мадурогийн өмгөөлөгчид 2026 оны 9-р сарын 2-ноос өмнө хэргийг хэрэгсэхгүй болгуулах хүсэлт гаргахаар төлөвлөж байгаа аж. Төрийн тэргүүн нар халдашгүй дархан эрх (head-of-state immunity) эдэлдэг тул АНУ-д эрүүгийн хариуцлага хүлээлгэх боломжгүй гэсэн үндэслэлийг шүүхэд ирүүлэх баримт бичигтээ тусгах магадлал өндөр байна.
Мөн өмгөөлөгч Барри Поллак өмнөх сонсголын үеэр Мадурог баривчилсан ажиллагаа өөрөө олон улсын эрх зүйд нийцээгүй зөрчсөн гэсэн үндэслэлээр хэрэгт маргаан үүсгэж болохыг мэдэгдэж байсан.
Анхны шүүх хурал дээр Мадуро өөрийгөө "дайны олзлогдогч" хэмээн тодорхойлж, АНУ өөрийг нь Венесуэлийн асар их газрын тосны нөөцийг хяналтдаа авахын тулд түлхэн унагахыг олон жилийн турш оролдсоор ирсэн гэж мэдэгдсэн.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Харин АНУ-ын засаг захиргаа Николас Мадурог авлигад идэгдсэн дарангуйлагч гэж үздэг. Тэрээр улсаа буруу удирдсанаас Венесуэл улс эдийн засгийн сүйрэлд орсон, мөн 2018 болон 2024 оны ерөнхийлөгчийн сонгуулийг луйвардсан хэмээн мэдэгддэг юм. АНУ 2019 оноос хойш түүнийг Венесуэлийн хууль ёсны Ерөнхийлөгч гэж хүлээн зөвшөөрөхөө больсон.
Николас Мадурог баривчлах ажиллагааг АНУ-ын Хууль Зүйн Яамны хууль зүйн зөвлөхийн албанаас гаргасан зөвлөмжид Ерөнхийлөгч Дональд Трамп Конгрессын зөвшөөрөлгүйгээр уг ажиллагааг явуулах эрхтэй байсан гэж үзжээ. Учир нь Мадурог баривчлах нь АНУ-ын үндэсний ашиг сонирхлыг хамгаалах зорилготой, мөн хууль ёсны утгаараа дайн зарласан ажиллагаанд тооцогдохгүй гэж тайлбарласан байна.
Шүүхийн маргаанд оролцогч талуудын гаргасан хүсэлтэд дурдсанаар прокурорууд нууцын зэрэглэлтэй нотлох баримтуудыг Мадурогийн өмгөөлөгч нарт танилцуулсны дараа Мадуро 2027 оны 1-р сарын 11-нээс өмнө нэмэлт хүсэлтүүд гаргах боломжтой аж.
Николас Мадуро хамгийн сүүлд 2026 оны 3-р сарын 26-нд шүүх танхимд ирж, Венесуэлийн Засгийн газар түүний өмгөөллийн зардлыг төлөхийг АНУ хориглосонтой холбоотой маргааныг хэлэлцүүлсэн. Уг маргаан сарын дараа шийдэгдэж, АНУ Венесуэлд тавьсан санхүүгийн хоригийн зарим хэсгийг өөрчилснөөр Венесуэлийн Засгийн газар түүний өмгөөллийн зардлыг төлөх боломжтой болсон юм.
Николас Мадуро баривчлагдсанаас хойш Венесуэль улсыг түүний Дэд ерөнхийлөгч асан Делси Родригес удирдаж байгаа. Тэрээр Дональд Трампын засаг захиргаатай илүү ойр харилцаа тогтоосон.
Үүний зэрэгцээ АНУ Венесуэлийн газрын тосны салбарт тавьсан зарим хориг арга хэмжээгээ сулруулснаар гадаадын компаниуд тус улсад газрын тос, байгалийн хийн төслүүдээ өргөжүүлэх болсон юм.
Мөн өнгөрсөн сард Венесуэлийн эрэг орчимд болсон хоёр хүчтэй газар хөдлөлтийн улмаас 5'000 гаруй хүн амь үрэгдсэний дараа АНУ-ын цэргийн хүчин тус улсад хүмүүнлэгийн тусламж үзүүлсээр байна.
