Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Японы анхны эмэгтэй Ерөнхий сайд Санаэ Такаичи сонгуулийн дараах парламентад хийсэн анхны илтгэлдээ Хятадын “шахалт” нэмэгдэж буйг анхааруулж, батлан хамгаалах стратегийг шинэчлэх, зэвсгийн экспортын хязгаарлалтыг зөөлрүүлэх, нийлүүлэлтийн сүлжээг өргөжүүлэхээ амаллаа.
Санаэ Такаичи дөрвөн сарын бүрэн эрхийн хугацаандаа Тайваньд халдлага болж, Японы нутаг дэвсгэрт заналхийлбэл цэргийн хүч хэрэглэнэ гэж мэдэгдсэнээс болж Хятадтай дипломат маргаан үүсгэсэн.
Саяхан доод танхимын сонгуульд үнэмлэхүй ялалт байгуулсныхаа дараа Ерөнхий сайд Санаэ Такаичи Хятад болон бүс нутгийн түншүүдээс үүдэлтэй гэж үзэж буй эдийн засаг, аюулгүй байдлын заналхийллийн эсрэг арга хэмжээнүүдээ танилцууллаа.
Түүний эрх баригч эвсэл парламентын суудлын гуравны хоёроос илүүг эзэлж байгаа тул ирэх жилүүдэд улс төрийн томоохон эсэргүүцэлтэй тулгарахгүй.
“Япон улс Дэлхийн II дайнаас хойших хамгийн хүнд, хамгийн төвөгтэй аюулгүй байдлын орчинтой тулгарлаа” хэмээн Такаичи мэдэгдээд, Хятадын цэргийн идэвхжил тэлж, мөн ОХУ-тай аюулгүй байдлын хамтын ажиллагаагаа ойртуулж байгааг дурдсан. Түүнчлэн Хойд Солонгосын цөмийн пуужингийн чадавх нэмэгдэж буйг мөн онцолжээ.
Тэрээр энэ жил Японы аюулгүй байдлын гурван суурь баримт бичгийг шинэчилж, батлан хамгаалахын шинэ стратеги боловсруулах бөгөөд зэвсгийн экспортын дүрмийг хянан үзэж, гадаад худалдааг өргөжүүлэн батлан хамгаалах салбарын компаниудыг дэмжинэ гэдгээ мөн мэдэгдсэн.
Түүний удирддаг Либерал Ардчилсан Намын бодлогын зөвлөл баасан гарагт зэвсгийн экспортыг зөвхөн үхэлд хүргэхгүй (жишээ нь хуяг, хамгаалалтын хэрэгсэл) тоног төхөөрөмжөөр хязгаарладаг дүрмийг цуцлах санал гаргасныг Kyodo агентлаг мэдээлжээ. Хэрэв ийм өөрчлөлт хийгдвэл Японы компаниудын гадаадад худалдах боломжтой батлан хамгаалах бүтээгдэхүүний зах зээл ихээхэн тэлэх юм.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
“БНХАУ Зүүн Хятадын тэнгис болон Өмнөд Хятадын тэнгист хүч хэрэглэх эсвэл албадлагаар одоогийн статус-квог нэг талын журмаар өөрчлөх оролдлогоо эрчимжүүлсэн” хэмээн тэрээр парламентад тавьсан илтгэлдээ дурьджээ.
Санаэ Такаичи 2023 онд эхлүүлсэн зэвсэгт хүчний чадавхийг нэмэгдүүлэх бодлогыг хурдасгаж, Японы батлан хамгаалах зардлыг энэ оны 3-р сарын эцэс гэхэд ДНБ-ий 2%-д хүргэхээр зорьж байна. Ингэснээр энх тайванч Үндсэн хуультай ч зэвсэгт хүчинд зарцуулдаг зардлаараа хамгийн өндөр орнуудын нэг болно.
Мөн тэрээр Үндэсний тагнуулын зөвлөл байгуулж, цагдаа, батлан хамгаалах яам зэрэг байгууллагуудын цуглуулсан мэдээллийг нэгтгэн төвлөрүүлж өөрийн мэдэлд байлгахаа мэдэгдсэн.
Япон улсад АНУ-ын Тагнуулын төв газар (CIA) эсвэл Их Британийн MI5-тэй дүйцэхүйц гадаад, дотоод тагнуулын байгууллага байдаггүй.
Аюулгүй байдлаас гадна Такаичи АНУ-ын Гадаадын хөрөнгө оруулалтын хороотой (CFIUS) төстэй Японы хувилбарыг байгуулж, 👉Үндэсний аюулгүй байдал, стратегийн ач холбогдолтой салбарт гадаадын компани, хөрөнгө оруулагч орж ирэхэд төрөөс урьдчилан хяналт тавина
Тэрээр “Тодорхой улс орнуудаас” хамааралтай байдлыг бууруулахын тулд нийлүүлэлтийн сүлжээг бэхжүүлж, холбоотнуудтайгаа хамтран ховор шороон элемент зэрэг чухал түүхий эдийг, ялангуяа Номхон далайн алслагдсан Минамитори арлын орчимд баталгаажуулна гэв.
Мөн 2011 оны Фүкүшимагийн цөмийн ослоос хойш зогсоосон реакторуудын ажиллагааг дахин эхлүүлэх явцыг хурдасгана гэж амлалаа.
