2025 оны дэлхийн хамгийн баян эмэгтэй: Алис Уолтон

НИЙТЭЛСЭН:

2025-07-17 10:00

Forbes сэтгүүлийн "Дэлхийн тэрбумтнууд" жагсаалтад 2020 оноос хойш анх удаа хамгийн баян эмэгтэйн нэр солигдлоо.

Сүүлийн таван жилд анх удаа Forbes-ийн "Дэлхийн тэрбумтнуудын жагсаалт"-ын хамгийн баян эмэгтэйн байр солигдлоо. 101 тэрбум ам.долларын хөрөнгөтэйгөөр Алис Уолтон энэ нэр хүндтэй байрыг Францын гоо сайхны бүтээгдэхүүн үйлдвэрлэгч L’Oréal компанийн өв залгамжлагч Франсуа Бетанкур Мейерс-ээс эргүүлэн авчээ. Франсуа Бетанкур Мейерс 2021 оноос хойш хамгийн баян эмэгтэйгээр тодорч байсан ба одоо 81.6 тэрбум ам.долларын хөрөнгөөрөө дэлхийн хоёр дахь баян эмэгтэй болж нэг байр ухарсан байна.

Walmart компанийн үүсгэн байгуулагч Сам Уолтоны (1992 онд нас барсан) ганц охин Алис Уолтоны хөрөнгө өнгөрсөн жилийнхээс 28.7 тэрбум ам.доллараар өссөн байна. Энэ нь түүний Walmart дахь 11 хувийн хувьцааны үнэ 40%-иар өссөнтэй холбоотой юм. Инфляци өндөр байгаа энэ үед хэрэглэгчид “Өдөр бүр хямд үнээр” хэмээх уриатай Walmart-ыг түлхүү зорьсон нь энэ өсөлтөд нөлөөлжээ. Харин Бетанкур Мейерсийн хувьд, үүсгэн байгуулагч өвөөгийнх нь байгуулсан L’Oréal компанийн хувьцааны үнэ 20%-иар буурсан нь түүний хөрөнгийг 17.9 тэрбум ам.доллараар бууруулжээ.

75 настай Алис Уолтон энэ жил 100 тэрбум ам.доллараас дээш хөрөнгөтэй 15 хүн буюу “Цэнтибиллионер”-ийн клубт багтсан цөөн эмэгтэйн нэг болж байна. Тэрээр ийм их хөрөнгөтэй болсон хоёр дахь эмэгтэй болжээ. Анхны эмэгтэй нь Бетанкур Мейерс бөгөөд тэрээр 2024 оны 6-р сард 100 тэрбумын босгыг давсан юм. Алис дэлхийн хамгийн баян хүмүүсийн жагсаалтад 15-р байрт орсон ба түүний ах нар болох Роб Уолтон (80 настай) — 110 тэрбум, Жим Уолтон (76 настай) — 109 тэрбум ам.долларын хөрөнгөтэйгээр түүний өмнө бичигджээ.

Алис Уолтон нь 1971 онд Техасын Тринити их сургуулийг төгсөөд Walmart-д хүүхдийн хувцасны худалдан авагчаар ажиллаж эхэлсэн байна. Тэрээр дараа нь Нью Орлеанд байрлах E.F. Hutton брокерийн компанид хөрөнгө оруулагчийн ажил хийж байжээ. 1980-аад онд гэр бүлийнхээ төрөлх хот Арканзасын Бентонвиллд эргэн ирж, гэр бүлийн Arvest банкны хөрөнгө оруулалтын үйл ажиллагааг удирдан ажилласан. Үүний дараа тэр 19.5 сая ам.долларын гэр бүлийн хөрөнгөөр Llama гэх нэртэй зээлийн болон хөрөнгө зуучлалын компани байгуулжээ. Энэ компани нь 1998 онд хаагдсан бөгөөд Уолтон Техаст эргэн нүүж, урлагийн бүтээл цуглуулах ажилд бүрэн төвлөрсөн байна.

Тэрээр Бентонвиллд байрлах Crystal Bridges Америкийн урлагийн музейг үүсгэн байгуулж, 10 жилийн турш удирдаад 2021 онд энэ үүргийг ач хүү Том Уолтоны эхнэр Оливиа Уолтон-д шилжүүлжээ. Энэхүү музей нь 120 акр газар дээр байрладаг ба Энди Уорхол, Жоржиа О’Киф зэрэг алдартнуудын бүтээлүүдийг хадгалдаг. 2011 онд музей нээгдэхэд шаардлагатай байсан 1.6 тэрбум ам.долларын ихэнхийг түүний нас барсан ах Жон Уолтон болон эх Хелен Уолтон (2007 онд нас барсан) нарын нэр дээрх итгэмжлэлийн сангаас гаргасан байна.

Алис Уолтон сүүлийн 10 жилд нийгмийн сайн сайхны төлөө үйл ажиллагаандаа ихээхэн анхаарал хандуулжээ. Тэрээр гэр бүлийн 5 буяны сангуудаар дамжуулан нийт 5.8 тэрбум ам.долларыг хандивласан бөгөөд үүнээс 1.7 тэрбум орчим долларыг зарцуулсан байна. Үүнд:

1987 онд Walmart-ийн 25 жилийн ойгоор үүсгэн байгуулсан Walton Family Foundation-ээр дамжуулан боловсролын шинэчлэл, байгаль орчин, Бентонвилл орчмын бүс нутагт төвлөрсөн байгууллагуудад 400 сая орчим ам.доллар
2016 онд үүсгэн байгуулсан Art Bridges Foundation-оор дамжуулан 230 гаруй музейд Америкийн урлагийн бүтээлүүдийг цуглуулж, түр зээлдүүлэхэд 500 сая гаруй ам.доллар зэрэг хандив багтжээ. Хүлээн авагч байгууллагууд дунд Чикагогийн Урлагийн хүрээлэн, Нью Йорк дахь MoMA, Вашингтоны Смитсонианы Үндэсний хөрөг зургийн галерей зэрэг томоохон музейнүүд багтжээ.

Мөн 2024 оны 8-р сард, Art Bridges Foundation нь 249 сая ам.долларын нэмэлт хандив үзүүлж, Бентонвилл хотод байгуулагдаж буй Alice L. Walton Анагаах Ухааны Сургууль-ийг санхүүжүүлсэн байна. Энэхүү сургууль нь анагаахын боловсролыг урлаг, хүмүүнлэг, бүхэллэг эрүүл мэндийн үзэл баримтлалтай хослуулан заах зорилготой бөгөөд анхны 48 оюутнаа 7-р сард хүлээн авахаар болжээ.

“Би хүмүүс болон нийгэмд мөрөөдлөө биелүүлэх боломжуудыг бий болгохыг хүсдэг. Энэ бол миний амьдралын хамгийн их баяр баясгалан, хамгийн том хувь тавилан минь юм” хэмээн Алис Уолтон өөрийн нэрэмжит сангийн вэбсайт дээр байршуулсан ишлэлдээ дурдсан байна.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07