"Samsung Electronics" компани 3 (олон эвхэгддэг) нугардаг утсаа танилцууллаа

НИЙТЭЛСЭН:

2025-12-03 09:30

Мягмар гарагт Samsung Electronics компани анхны “Олон эвхэгддэг” (multi-folding) ухаалаг гар утсаа танилцууллаа. Энэ нь эвхэгддэг утасны зах зээлд өрсөлдөөн эрчимжихийн өмнө компани өөрийн байр сууриа бэхжүүлэх зорилготой алхам аж.

Galaxy Z TriFold хэмээх энэ шинэ загвар нь Хятадын компаниуд давуу байдал олж эхэлсэн сегментэд Samsung компани байр сууриа алдахгүй байх оролдлого юм. Гэсэн ч шинжээчдийн үзэж буйгаар өндөр өртөг болон үйлдвэрлэлийн хүндрэл нь эвхэгддэг утсыг одоогоор өргөн хэрэглээ болгож чадахгүй, харин “тодорхой хүрээнд” хэрэглэгддэг бүтээгдэхүүн хэвээр үлдэх аж.

ҮНЭ, ҮЗҮҮЛЭЛТ

Загварыг 3.59 сая вон (ойролцоогоор 2,440 ам.доллар) буюу 8.7 сая төгрөгөөр гаргаж байгаа бөгөөд нийт 253.1 мм буюу 10 инчийн дэлгэцтэйгээр бүрэн дэлгэгддэг байна. Уг утас нь гурван дэлгэцэн панелаас бүрдэх бөгөөд Samsung-ийн хамгийн сүүлийн үеийн Galaxy Z Fold 7-оос 25%-иар том дэлгэцтэй юм.

Samsung Electronics компанийн гүйцэтгэх дэд ерөнхийлөгч Алекс Лим:

“Би эвхэгддэг утасны зах зээл цаашид өснө гэж үзэж байна. Тэр дундаа TriFold нь энэ сегментийн өсөлтийг илүү хурдацтай болгох ‘катализатор’ болж чадна

Мөн тэрээр энэхүү загвар “өргөн хүрээнд зарагдах” зорилготой биш, харин ийм төрлийн төхөөрөмжийг хүсдэг хэрэглэгчдэд чиглэсэн гэж онцолсон.

TriFold нь БНСУ-д үйлдвэрлэгдэж, арванхоёрдугаар сарын 12-нд дотооддоо худалдаанд гарахаар танилцуулагдсан. Мөн энэ ондоо багтаж Хятад, Сингапур, Тайвань, Арабын Нэгдсэн Эмират улсад худалдаалагдаж эхэлнэ. Харин АНУ-д ирэх оны эхний улиралд гарах төлөвтэй байна.

Энэ загвар нь Samsung-ийн бусад бүтээгдэхүүнүүдээс хамгийн том багтаамжийн батарейттай гэдгээрээ ялгарч байгаа бөгөөд 30 минутын дотор 50% хүртэл цэнэглэх хэт хурдан цэнэглэлттэй юм.

Лимийн хэлснээр, санах ойн чип болон бусад бүрэлдэхүүний өртөг огцом өссөн тул үнийн бодлого “маш хүнд шийдвэр” -үүдийн нэг болсон байна.

HUAWEI, APPLE-ИЙН ӨРСӨЛДӨӨН

Шинжээчид TriFold-ийн зах зээлд эзлэх хувийг нэмэх үндсэн бүтээгдэхүүн гэхээсээ илүү “технологийн үзүүлбэр, туршилтын анхны үеийн” загвар гэж үзэж байгаа юм.

NH Investment & Securities-ийн ахлах шинжээч Рю Ён-хо:

“TriFold бол анхны үеийн бүтээгдэхүүн. Гурван нугалардаг загварыг анх удаа арилжаанд гаргаж буй учир Samsung энэ үед их хэмжээний борлуулалт хийх гэж хүчлэхгүй байх магадлалтай” гэв.

Тэр мөн Galaxy Z Fold цуврал долоон үе дамжин хөгжиж, өртгийг бууруулсан бол TriFold нь бат бөх байдал болон чанарын асуудалтай тулгарах эрсдэл байгаа тул зах зээл хэрхэн хүлээж авахыг эхлээд харах нь чухал гэдгийг онцолсон.

Эвхэгддэг утасны зах зээл ширүүсэх төлөвтэй байна:

Huawei өнгөрөгч есдүгээр сард анхны “гурав нугардаг” утсыг гаргасан
Шинжээчид Apple ирэх жил анхны эвхэгддэг загвараа гаргана гэж таамаглаж байгаа

Гэсэн ч өндөр үнэ болон үйлдвэрлэлийн хүчин чадлаас шалтгаалан энэ сегмент богино хугацаанд масс зах зээл болохгүй гэж шинжээчид үзэж байна.

Counterpoint Research-ийн мэдээлснээр:

Эвхэгддэг утас нь энэ жил нийт ухаалаг утасны зах зээлийн 2%-иас бага хувийг эзэлнэ
2027 он гэхэд энэ үзүүлэлт 3%-д ч хүрэхгүй
2025 оны 3-р улиралд Samsung-ийн тус зах зээл дэх нийлүүлэлт 64% болж, өмнөх улирлаас 9%-иар огцом өссөн

Судалгааны байгууллага мөн 2025 онд эвхэгддэг утасны зах зээл 14%-иар, 2026–2027 онд жилийн 30%-ийн өсөлттэй байна гэж таамаглажээ. Үүнд Apple-ийн нэвтрэлт гол үүрэг гүйцэтгэнэ аж.

($1 = 1,467.0900 вон=3567 төгрөг)

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07