Абу Дабигийн Төрийн Хөрөнгө Оруулалтын Сан Сингапур улсын "GLP" компанид хөрөнгө оруулна

НИЙТЭЛСЭН:

2025-08-29 14:00

Абу Дабигийн Төрийн хөрөнгө оруулалтын сан болох Abu Dhabi Investment Authority (ADIA) нь Сингапурт төвтэй "GLP" компанид 1.5 тэрбум ам.доллар хүртэлх хөрөнгө оруулалт хийж, тус компанийн дижитал дэд бүтэц болон сэргээгдэх эрчим хүчний үйл ажиллагааг өргөжүүлэхэд дэмжлэг үзүүлэхээр болжээ.

Эхний ээлжинд тус сан 500 сая ам.долларын хөрөнгө оруулалт хийж, GLP-ийн е-commerce (цахим худалдаа)-ийн өсөлт, хиймэл оюун ухаан ба үүлэн тооцоололын эрэлт нэмэгдэж буй үед сэргээгдэх эрчим хүчний шилжилт зэрэг чиг хандлагаас ашиг хүртэх байгууламжуудыг хөгжүүлэх ажлыг түргэсгэхээр төлөвлөсөн гэж пүрэв гарагт гаргасан мэдэгдэлд дурдсан байна.

“Энэхүү нэмэлт хөрөнгө оруулалт ба стратегийн уялдаа нь биднийг өсөлтөө хурдасгаж, бидний үйл ажиллагаа явуулж буй шинэ эдийн засгийн салбаруудын тогтвортой өргөжилтөөс бий болж буй зах зээлийн томоохон боломжуудаас давуу талыг олж авах боломжийг бүрдүүлж байна” гэж GLP-ийн Гүйцэтгэх захирал Мин Мэй мэдэгдэлдээ хэлсэн бичжээ.

GLP компани нь БНХАУ-ын тэрбумтан Жан Лэйгийн Hillhouse Capital, Хятадын Банк, HOPU Logistics Investments зэрэг хөрөнгө оруулагчдын дэмжлэгтэйгээр хиймэл оюун ухааны өсөлт, мөн аж ахуйн нэгжүүд үүлэн дэд бүтцэд олноор шилжиж буй нөхцөл байдалд тулгуурлан мэдээллийн төвийн өргөтгөлөө идэвхтэй явуулж байна.

Тус компани нь БНХАУ-д үйл ажиллагаагаа өргөжүүлэхийн тулд шинэ хөрөнгө татсаар байгаа бөгөөд тус улсад нийтдээ 1.4 гигаваттын хүчин чадал бүхий мэдээллийн төвийн багцыг эзэмшдэг. Энэ оны 4-р сард тэд анхны дижитал дэд бүтцийн сангаараа 2.6 тэрбум юань (363 сая ам.доллар) татан төвлөрүүлсэн бол энэ долоо хоногт мэдээллийн төвийн нэгжийнхээ тодорхой хэсгийг төрийн өмчит Quzhou Industrial Holding Group компанид 2.5 тэрбум юаниар борлуулжээ.

1. Эдийн засгийн ач холбогдол

Хиймэл оюун ба үүлэн тооцооллын өсөлт → Дэлхий даяар дата төвийн эрэлт тэсрэлттэй өсөж байна. GLP Хятадад 1.4 гигаваттын хүчин чадалтай дата төв эзэмшдэг нь маш том тоо. Үүнийг өргөжүүлэхэд шинэ хөрөнгө зайлшгүй хэрэгтэй. ADIA-ийн хөрөнгө оруулалт GLP-д дэлхийн зах зээлд илүү өрсөлдөх хүч өгнө.
E-commerce ба дижитал эдийн засгийн тэлэлт → Цахим худалдаа, логистик, дата төвийн хоорондын уялдаа улам чухал болж байна. GLP анх агуулах, ложистикийн компани байсан бол одоо “шинэ эдийн засгийн дэд бүтэц” рүү эрчимтэй шилжиж буй нь хөрөнгө оруулагчдад илүү өндөр өгөөжийн боломж нээж өгнө.
Сэргээгдэх эрчим хүчний холболт → Дата төвүүд асар их цахилгаан хэрэглэдэг. Сэргээгдэх эрчим хүчний нэгдэл нь зардлыг бууруулахаас гадна “ногоон хөрөнгө оруулалт” гэх дэлхийн трендэд нийцэж байгаа. Энэ нь цаашдын санхүүжилт татахад давуу тал болно.

2. Геостратегийн ач холбогдол

Арабын Нэгдсэн Эмират ба Зүүн Өмнөд Ази–БНХАУ холболт → Абу Дабигийн хөрөнгө оруулалтын сан Сингапурт төвтэй, Хятадад хүчтэй үйл ажиллагаа явуулдаг GLP-д хөрөнгө оруулж байгаа нь Зүүн Өмнөд Ази–БНХАУ-ын дижитал эдийн засгийн тогтолцоонд АНЭУ-ын оролцоог нэмэгдүүлж байна гэсэн үг. Энэ нь зөвхөн эдийн засаг бус, улс төрийн хувьд ч стратегийн хандлага юм.
“Өндөр өгөөжтэй дижитал хөрөнгө”-д шилжилт → МЭӨ уламжлалт газрын тос, үл хөдлөх хөрөнгө давамгайлсан хөрөнгө оруулалтаас шинэ эдийн засгийн дэд бүтэц (AI, дата төв, сэргээгдэх эрчим хүч) рүү чиглэж байгаа нь тэдний ирээдүйн санхүүгийн стратегийн өөрчлөлтийг харуулж байна.
БНХАУ-ын технологийн бодлоготой уялдсан → GLP Хятадын дата төвийн салбарын томоохон тоглогч. ADIA-ийн оролцоо нь БНХАУ-ын дижитал эдийн засагт шууд бус байдлаар гадаадын стратегийн хөрөнгө оруулалтыг оруулж ирж байна. Энэ нь БНХАУ-АНЭУ-ын хоорондын харилцаанд чухал ач холбогдолтой.

Энэ хөрөнгө оруулалт бол зүгээр нэг бизнесийн шийдвэр биш, харин:

Дижитал эдийн засгийн дэлхийн чиг хандлагыг ашиглах,
АНЭУ-ын хөрөнгө оруулалтын стратегийг өөрчлөх,
БНХАУ-ын дижитал дэд бүтэцтэй илүү нягт холбогдох геостратегийн алхам юм.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07