Алт 3,000 ам.долларын түвшинг онилж байна

НИЙТЭЛСЭН:

2025-03-11 09:00

Алт үнэ өндөр өсөлтөө хадгалж, $3,000 ам.долларт хүрэх боломж нээлттэй байна.
АНУ-ын инфляцийн үзүүлэлтүүд дараагийн алтны өсөлтийг өдөөж магадгүй.
Гол түвшнүүд: Дэмжлэг $2,900, эсэргүүцэл $2,950 - $3,000.

Өнгөрсөн долоо хоногт алт өмнөх долоо хоногийн уналтаасаа сэргэж, өсөлтөө сэргээсэн ч Лхагва гарагаас хойш өсөлтийн хандлага саарч, шинэ дээд үнэ рүү дахин үсэрч чадахгүй байгаа ч эрс унасангүй. Гэсэн хэдий ч алт өндөр түвшиндээ ойрхон байгаа тул өсөх хүлээлт хадгалагдсаар, ойрын өдрүүдэд $3,000 түвшинг давж чадна гэсэн найдлага бий. АНУ-ын доллар сул байсаар, өгөөжүүд (yields) буурч, хувьцааны зах зээл хэлбэлзэлтэй байгаа энэ үед алтны хувьд эерэг нөхцөл байдал бүрдэж байна. Худалдааны дайн, АНУ болон бусад орнуудын хоорондын нөхцөл байдлыг худалдаачид анхаарч ажиглах юм.

Энэ долоо хоногт АНУ-ын инфляцийн чухал үзүүлэлтүүд, мөн Мичиганы Их Сургуулийн хэрэглэгчийн итгэлцэл болон инфляцийн хүлээлтүүдийн судалгаа гарна. Хэрэв АНУ-ын эдийн засгийн сулрал үргэлжилбэл энэ нь алтыг дахин өсгөх шалтгаан болж чадна.

Хэрэв худалдааны дайн зөөлөрч, Орос ба Украйны хооронд энхийн хэлэлцээр урагшилбал алтны "аюулгүй хөрөнгө" гэсэн статуст сөргөөр нөлөөлж, хувьцааны зах зээл сонирхол татаж юм.

Сүүлийн долоо хоногийн савлагааны дараа юу болох вэ?

Өнгөрсөн долоо хоногт АНУ болон дэлхийн хөрөнгийн зах зээлүүд ихээхэн савалгаа үзүүлсэн. Баасан гарагт АНУ-ын томоохон индексүүд огцом унасан түвшнээсээ эргэн сэргэж, өдрийг эерэгээр хаасан аж. Үүнд тарифын талаарх эргэлзээтэй мэдээллүүд болон Холбооны Нөөцийн Дарга Жером Пауэлл эдийн засаг сайн байгаа тухай мэдэгдэл нөлөөлсөн юм.

Мөн "Хэт их уналтын дараах богино хугацааны сэргэлт" болж магадгүй. Орос, Украйны хооронд түр эвлэрлийн талаархи мэдээлэл ч зах зээлийг дэмжсэн. Үүний нөлөөгөөр хувьцааны зах зээл сэргэж, доллар суларснаар алт харьцангуй тогтвортой байв. Хэрэв эрсдэлээс зугтах хэрэгцээ нэмэгдвэл алт энэ долоо хоногт дахин өсч чадна.

АНУ-ын чухал үзүүлэлтүүд долларыг сулруулж, алтыг дэмжих үү?

Алтны худалдаачид АНУ-ын сул мэдээллүүдийг хүлээж байна. Энэ нь доллар болон облигацийн өгөөжийг сулруулж, алт зэрэг өгөөжгүй хөрөнгийн үнэ цэнийг өсгөх хандлагатай. Өнгөрсөн долоо хоногт доллар 2022 оны 11-р сараас хойших хамгийн муу гүйцэтгэлтэй байсан.

Энэ долоо хоногт дараах томоохон эдийн засгийн үзүүлэлтүүд гарна:

Мягмар: JOLTS ажлын байрны зарын тайлан.
Лхагва: Хэрэглээний үнийн индекс (CPI) – Инфляцийн хамгийн чухал үзүүлэлт.
Пүрэв: Үйлдвэрлэлийн үнийн индекс (PPI).
Баасан: Мичиганы Их сургуулийн хэрэглэгчийн итгэлцэл болон инфляцийн хүлээлт.

Сүүлийн 5 сар дараалан АНУ-ын инфляци өссөн, энэ нь Холбооны Нөөцийн Банкны хувьд хүндрэлтэй нөхцөл үүсгээд байна. Нөгөө талаас эдийн засгийн зарим салбаруудд сулрал ажиглагдаж байгаа.

PPI бол анхаарах ёстой үзүүлэлт. Учир нь энэ нь Холбооны Нөөцийн гол анхаардаг Core PCE үзүүлэлтэд нөлөөлдөг. Хэрэв PPI өндөр гарвал бодлогын хүүгийн талаархи хүлээлт өөрчлөгдөж магадгүй.

Мөн Баасан гарагийн Мичиганы судалгаа чухал. Өнгөрсөн сард хэрэглэгчийн итгэлцэл огцом унасан, харин инфляцийн хүлээлт 3.3%-аас 4.3% болж өссөн. Энэ бол инфляци цаашид үргэлжлэх дохио байж болох тул алтны хувьд чухал үзүүлэлт юм.

Алтны гол түвшин ба арилжааны санаа

8 долоо хоногийн дараалан өссөн алт өмнөх долоо хоногт бага зэрэг буурсан ч өнгөрсөн долоо хоног өсөлттэй дууссан. Энэ нь өсөлт үргэлжлэх дохио байж магадгүй.

Гэвч өдөр тутмын болон бага хугацааны графикуудад хэт их өсөлтийн дараах засвар хэрэгтэй байгааг харуулж байна. RSI үзүүлэлт долоо хоног, сарын хэмжээнд 70-аас дээш буюу хэт их өсөлттэй хэвээр. Урт хугацааны алтны өсөлтийн хүлээлттэй хэвээр. Хэрэв ойрын хугацаанд бага зэрэг засвар хийвэл энэ нь шинээр худалдан авах боломж ч байж болох юм.

Гол түвшинүүд:

Дэмжлэг (Support):
$2,900 — Одоогоор туршиж буй түвшин.
$2,877 — Хэрэв $2,900 түвшнээс доош унана.
$2,832 — Өнгөрсөн долоо хоногийн хамгийн бага үнэ.
$2,790 — 10-р сарын дээд үнэ.
Эсэргүүцэл (Resistance):
$2,930 — Сүүлийн 4 арилжааны өдрөөр давж чадаагүй.
$2,946-$2,950 — Фибоначчийн 161.8% сунгалтын түвшин.
$3,000 — Психологийн том түвшин.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07