Алт анх удаа унц нь 4000 ам.долларыг давж, түүхэн дээд амжилт тогтоов

НИЙТЭЛСЭН:

2025-10-08 15:30

Товч мэдээ:

Алт энэ онд 53%-иар өсөв
Хөрөнгө оруулагчид энэ сард Холбооны нөөцийн зүгээс 0.25 хувийн бодлогын хүүгийн бууралт хүлээж байна
Мөнгө, платинум 1%-иар, паллади 3%-иар тус тус өсөв

Мягмар гарагийн шөнө алтны үнэ анх удаа унц нь 4,000 ам.долларыг давж, түүхэн дээд үнэд хүрлээ. Хөрөнгө оруулагчид геополитикийн тодорхойгүй байдал нэмэгдэж буй үед “аюулгүй хөрөнгө” болох алт руу хөрөнгөө шилжүүлж, АНУ-ын Холбооны Нөцйин Банкыг дахин бодлогын хүүгээ бууруулна гэсэн хүлээлттэй байна.

Лондонгийн зах зээл дээр спот алтны үнэ 1.2%-иар өсөж, унц нь 4,032.46 ам.доллар, харин АНУ-ын арилжаанд (12-р сарын нийлүүлэлттэй фьючерс) 1.3%-иар өсөж, унц нь 4,054.80 ам.доллар болжээ.

Алт — тогтворгүй цаг үеийн “үнэ цэнэтэй хадгаламж”

Алт нь уламжлалт ёсоор улс төр, эдийн засгийн тогтворгүй үед үнэ цэнээ хадгалах хөрөнгө гэж тооцогддог.
2025 онд алт 53% өссөн бол 2024 онд 27%-иар өсч байжээ — энэ нь алтыг 2025 оны хамгийн сайн үзүүлэлттэй хөрөнгүүдийн нэг болгож байна.

Энэ өсөлтийг дараах олон хүчин зүйл хөтөлжээ:

АНУ-ын хүү буурах хүлээлт,
Улс төр, эдийн засгийн тодорхойгүй байдал,
Төв банкуудын идэвхтэй алт худалдан авалт,
Алтны биржийн сан (ETF)-д орж буй хөрөнгө оруулалтын урсгал,
Ам.долларын сулрал.

Зах зээлийн хандлага

Хаан металлын үнэ өсөхөд “дараагийн том зорилт” нь 5,000 ам.доллар гэж шинжээчид үзэж байна.
Хөндлөнгийн металлын шинжээч Тай Вонг хэлэхдээ:

“Одоогийн байдлаар энэ наймаанд итгэл маш өндөр байгаа тул зах зээл дараагийн том тоон түвшинг — 5,000-ыг чиглэнэ. Холбооны нөөцийн банкны зүгээс дахин хүү бууруулна гэж үзэж байна.
Дайн намжих, эсвэл Ойрхи Дорнод, Украинд гал зогсох магадлал түр зуурын саад болох ч өрийн хэмжээ өсч буй, валютын нөөцийн төрөлжилт, сул доллар зэрэг үндсэн хүчин зүйлс дунд хугацаанд хэвээр байна.”

АНУ-ын төрийн ажил зогссон нь тодорхойгүй байдлыг нэмэв

АНУ-ын Засгийн газрын үйл ажиллагаа 7 дахь өдрөө зогссон нь эдийн засгийн гол үзүүлэлтүүдийн мэдээллийг хойшлуулжээ. Үүний улмаас хөрөнгө оруулагчид албан бус, хоёрдогч судалгаанд тулгуурлан Холбооны нөөцийн банкны дараагийн алхамыг таамаглаж байна.

Одоогоор зах зээл ХНБ-ыг энэ сард 0.25%-иар бодлогын хүү бууруулах бол, мөн ирэх 12-р сард дахин 0.25%-иар бууруулна гэж тооцоолж байна.

KCM Trade компанийн шинжээч Тим Уотерер хэлэхдээ:

“Тодорхойгүй байдал өсөхөд алтны үнэ өсөх хандлагатай байдаг. Энэ дүр зураг дахин давтагдаж байна. АНУ-ын бодлогын хүү бууралт, засгийн газрын үйл ажиллагаа доголдсон зэрэг хүчин зүйлс алтны талд ажиллаж байгаа ч 4000 ам.долларын түвшинд ашиг хураах эрсдэл богино хугацаанд үүсэж магадгүй” гэжээ.

“Орхигдох вий” гэсэн айдас бас нөлөөлөв

Хөрөнгө оруулагчдын дунд “FOMO” буюу “орхигдох вий” гэсэн айдас ч алт руу хөрөнгө оруулалтыг нэмэгдүүлж байна.

Түүнчлэн Франц, Япон зэрэг орнууд дахь улс төрийн тогтворгүй байдал нь алтны эрэлт, аюулгүй хөрөнгөд хандах сонирхлыг улам өсгөжээ.

Ирээдүйн төлөв

Шинжээчид 2026 онд алтны үнийг дэмжих гол хүчин зүйлсийг дараах байдлаар харж байна:

-Физик алтанд суурилсан ETF-ийн урсгал нэмэгдэх,

-Төв банкуудын худалдан авалт үргэлжлэх,

-АНУ-ын хүүгийн түвшин буурах хандлага.

Иймээс Голдман Сакс болон UBS банкууд алтны үнийг 2026 оны эцсийн зорилтот түвшинг 4900 ам.доллар болгон өсгөжээ.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07