Алтны үнэ дээд амжилт тогтоож, 3000 ам.долларын босгыг давлаа

НИЙТЭЛСЭН:

2025-03-18 11:00

Өнөөдөр Азийн зах зээлд алтны үнэ түүхэн дээд амжилт тогтоож, 3000 ам.доллар давсан байна. Ойрхи Дорнод дахь геополитикийн хурцадмал байдал, ялангуяа Израиль-Хамасын гал зогсоох гэрээ нуран унасан нь эрсдэлээс хамгаалах хэрэгслийн эрэлтийг нэмэгдүүлэн алтны үнэд нөлөөллөө.
АНУ-ын Ерөнхийлөгч Дональд Трампын худалдааны тарифын бодлого болон АНУ-ын эдийн засгийн удаашралтай холбоотой тодорхойгүй байдал алтны үнэ өсөхөд нөлөөлсөн хэвээр байна. Мөн энэ долоо хоногт томоохон төв банкуудын хурал болох гэж байгаа нь хөрөнгө оруулагчдыг алт зэрэг аюулгүй хөрөнгөд татагдахад хүргэсэн аж.
Спот алт 0.2%-иар өсөж, унци нь 3019.56 ам.доллар хүрч, тавдугаар сард нийлүүлэх алтны фьючерс 3017.50 ам.долларт хүрчээ.

Израиль Хамасын эсрэг цохилт өгч, гал зогсоох хэлэлцээ нуран уналаа

Олон нийтийн мэдээллийн хэрэгслүүдийн мэдээлснээр Израиль ХАМАС-ын байршлуудад агаарын цохилт өгч, 40 гаруй хүний аминд хүрсэн бөгөөд тэдний дунд тус бүлэглэлийн өндөр албан тушаалтнууд байжээ. Энэ нь нэгдүгээр сард байгуулсан гал зогсоох гэрээг зөрчсөн гэж ХАМАС Израйлийг буруутгаж байна.

Израиль, ХАМАС хоёр нэгдүгээр сарын дунд үеэр урьдчилсан гал зогсоох гэрээ байгуулсан ч урт хугацааны энхийн гэрээ байгуулах яриа хэлэлцээ нөхцөл байдлын зөрчилдөөнөөс болж бүтэлгүйтсэн юм. АНУ-ын зуучлагчид ч энхийн гэрээ байгуулахад амжилт олж чадаагүй байна. Израилийн зүгээс энэ удаагийн агаарын цохилтыг ХАМАС Израилийн барьцаалагдсан иргэдийг суллах саналыг удаа дараа няцаасны хариуд хийсэн гэж мэдэгдэв.

Энэ удаагийн довтолгоо Ойрх Дорнод дахь хурцадмал байдлыг дахин дэвэргэж, аюулгүй хөрөнгө оруулалтын эрэлт нэмэгдэхэд хүргэсэн бөгөөд алтны үнэ 3,000 ам.доллараас давсан хэвээр байна.

Холбооны нөөцийн банкны бодлогын хүлээлт, тарифын тодорхойгүй байдал алтны үнийг дэмжиж байна

АНУ-ын Ерөнхийлөгч Дональд Трампын тарифын төлөвлөгөөний тодорхойгүй байдлаас шалтгаалан "Алт"-ны үнэ өссөөр байгаа. Ялангуяа Европ, Хятад, Канад, Мексик зэрэг гол худалдааны түншүүд нь хариу арга хэмжээ авахаа мэдэгдсэн нь зах зээлд түгшүүр үүсгэжээ. Доналд Трамп салбарууд болон тодорхой улс орнуудыг чиглэсэн тарифыг дөрөвдүгээр сарын 2-нд хэрэгжүүлнэ гэж дахин сануулсан нь АНУ-ын эдийн засаг хямрах вий гэсэн айдсыг нэмэгдүүлэв.

Холбооны нөөцийн банкны хоёр өдрийн уулзалт лхагва гарагт өндөрлөх бөгөөд бодлогын хүүг өөрчлөхгүй байх гэсэн хүлээлттэй байна. Гэвч эдийн засгийн тодорхойгүй байдлын улмаас ХНБ-ны хатуу бодлого зөөлөрч магадгүй гэж шинжээчид үзэж байна. ХНБ-ны шийдвэрээс гадна Японы төв банк болон Их Британийн төв банкны хуралдаанууд энэ долоо хоногт болох юм.

Өнөөдөр алтны өсөлтийг дагаж бусад үнэт металлын үнэ өссөн байна. Платинумын фьючерс 0.4%-иар өсөж 1,030.20 ам.долларт хүрсэн бол мөнгөний фьючерс 0.5%-иар өсөж 34.480 ам.доллар болсон байна.

Аж үйлдвэрийн металлын зах зээлд Лондонгийн металлын биржид мөнгөний үнэ бага зэрэг өсөж 9,867.20 ам.доллар/тоннд хүрсэн бол тавдугаар сарын зэсийн фьючерс 0.1%-иар өсөж 4.9850 ам.доллар/фунт болжээ.

Зэсийн үнэ Хятадын эдийн засгийг дэмжих нэмэлт арга хэмжээнүүд хэрэгжих магадлалтай гэсэн хүлээлтээс шалтгаалан өссөн юм.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07