Алтны үнэ есөн долоо хоног дараалан өссөний дараа хандлага зогсох төлөвтэй байна

НИЙТЭЛСЭН:

2025-10-24 17:30

Гол агуулга:

АНУ-ын хэрэглээний үнийн индексийн (CPI) мэдээлэл Улаанбаатарын цагаар 20:30 цагт гарах товтой байна.
Алт 2024 оны 11-р сараас хойших хамгийн том уналтад орж байна
Мөнгөний үнэ энэ долоо хоногт 7.2%-иар буурсан

Баасан гарагт унци алтны үнэ 1%-иас илүү унаж, есөн долоо хоног дараалан үргэлжилсэн өсөлтөө зогсоох төлөвтэй байна. Үүнд хөрөнгө оруулагчид ашгаа татаж буй, мөн АНУ болон БНХАУ-ын худалдааны зөрчил зөөлрөх шинжтэй байгаа нь “Аюулгүй хөрөнгө”-д чиглэсэн эрэлтийг бууруулсан гэж шинжээчид үзэж байгаа аж.

Улаанбаатарын цагаар 20:54-ийн байдлаар спот алтны үнэ унци нь $4,063.46 болж 1.5%-иар буурсан бөгөөд энэ долоо хоногт нийт 4.3%-иар унасан, энэ нь 2024 оны 11-р сараас хойших долоо хоногт хамгийн их бууралт үзүүллээ.
АНУ-ын 12-р сарын алтны нифлүүлэлтийн фьючерсийн үнэ 1.7%-иар унаж унц нь $4,077.10 болсон байна.

2025 онд алтны үнэ нийт 55%-иар өсөөд байгаа бөгөөд энэ өсөлтөд геополитикийн тогтворгүй байдал, төв банкуудын худалдан авалт, АНУ-ын бодлогын хүүгийн түвшин буурах хүлээлт голлон нөлөөлжээ.
Спот алт 10-р сарын эхээр анх удаа 4,00 ам.долларын босгыг давж, даваа гарагт 4,181.21 ам.долларын дээд амжилтыг тогтоосон байна.

“Сүүлийн хэдэн долоо хоногийн өсөлт хэт хурдацтай байсан, харин одоо хөрөнгө оруулагчид АНУ, БНХАУ-ын худалдааны зөрчил зөөлрөх магадлалтай гэж бооцоолж байна,” гэж Швейцарийн Swissquote банкны гадаад шинжээч Карло Алберто Де Каса хэлэв.

“Асар их ашиг олсон хөрөнгө оруулагчид ашиг хонжоогоо татаж эсвэл алтанд оруулсан хөрөнгө оруулалтаа багасгаж байна.”

Цагаан ордны зүгээс АНУ-ын Ерөнхийлөгч Дональд Трамп ирэх долоо хоногт Азийн айлчлалын үеэр БНХАУ-ын дарга Ши Жиньпинтэй уулзана гэж пүрэв гарагт баталгаажуулсан нь худалдааны маргааны талаархи тодорхойгүй байдлыг бууруулжээ.

Мөн АНУ-ын хэрэглээний үнийн индексийн (CPI) сүүлийн тайлан өнөөдөр Улаанбаатарын цагаар 20:30 гарах бөгөөд есдүгээр сарын инфляцийн өсөлт тогтвортой байна гэж шинжээчид үзэж байна.

Зах зээл АНУ-ын Холбооны Нөөцийн Банк ирэх долоо хоногийн хурлаараа бодлогын хүүгээ 0.25 хувиар бууруулна гэж хүлээж байна.

Алт нь хүү багасах үед ашиггүй хөрөнгө боловч хадгаламжийн зардал буурах тул үнэ нь өсөх хандлагатай байдаг.

“Хэдийгээр богино хугацаанд засвар буюу бууралт гарч болох ч алтны урт хугацааны чиглэл бат бөх хэвээр байна. Үүнд хүчтэй суурь хүчин зүйлүүд дэмжлэг үзүүлж байна,”
гэж Tradu компанийн ахлах шинжээч Рассел Шор хэлэв.

АНУ-ын долларын индекс (.DXY) энэ долоо хоногт 0.6%-иар өссөн нь бусад валют эзэмшигчдэд алт илүү үнэтэй болгож байна.

Бусад үнэт металлууд:

Спот мөнгө 1.6%-иар буурч унц нь 48.13 ам.доллар болж, энэ долоо хоногийн байдлаар 7.2%-иар унасан — 3-р сараас хойших хамгийн муу үзүүлэлт.
Платинум 1.1%-иар унаж $1,610.59,
Палладиум 3.8%-иар буурч $1,401.18

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07