Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Өнөөдөр унци алтны үнэ 1 хувиас илүү буурлаа. Үүнд ам.долларын чангарсан үзүүлэлт болон АНУ-ын Холбооны Нөөцийн Банк арванхоёрдугаар сард бодлогын хүү бууруулахгүй гэсэн хүлээлт суларсан нь нөлөөлжээ. Түүнчлэн хөрөнгө оруулагчид өнөөдөр нийтлэгдэхээр хойшлогдсон (сарын эхний баасан гарагт нийтлэгддэг байсан ч АНУ-ын Засгийн газрын тэг зогсолтоос болж хойшилсон. ҮГ.МН) АНУ-ын ажлын байрны тайланг хүлээж байна.
Улаанбаатарын цагаар 11:00 спот алтны үнэ унци нь 4,066.32 ам.доллар болж 0.4% буурсан бөгөөд үүнээс өмнө арилжааны эхэнд 1%-иас илүү унасан байна. АНУ-ын арванхоёрдугаар сарын алтны нийлүүлэлтийн фьючерс 4,065.30 ам.доллар болж мөн 0.4% буурчээ.
Долларын индекс хоёр долоо хоногийн дээд түвшинд ойрхон бататжсан нь бусад валютаар (ам.доллараас бусад валют ҮГ.МН) алт худалдан авагчдад илүү үнэтэй тусаж буйг илтгэнэ.
Хараат бус шинжээч Росс Норманы хэлснээр:
“Ам.доллар чангарч байгаа нь алтанд дарамт учруулж байна. Гэхдээ шинэ жилийн өмнөх энэ үед ашиг шингээх, жилийн эцсийн тайлан хаах, шинэ хөрөнгө оруулалт татах зэрэг хоёр чиглэлтэй оролцоо ихэсдэг тул үнийн савлагаа хэвийн үзэгдэл.”
АНУ-ын Холбооны Нөөцийн Банк аравдугаар сарын хурлын тэмдэглэл лхагва гарагт нийтлэгдлээ. Нийтлэлд:
— Төв банк бодлогын хүүг бууруулсан
— Ингэснээр инфляц тогтворжих эсвэл олон нийтийн итгэл сулрах эрсдэлтэй гэж зарим бодлого боловсруулагчид анхааруулсныг тодотгожээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Хөрөнгө оруулагчид өнөөдөр орой гарах өнгөрсөн есдүгээр сарын ажил эрхлэлийн тайланд төвлөрч байна. Засгийн газрын тэг зогсолтын улмаас уг тайлан хойшлогдсон юм. Ройтерсын судалгаагаар есдүгээр сард АНУ-д шинээр 50,000 ажлын байр нэмэгдсэн байх магадлалтай бөгөөд энэ нь наймдугаар сарын 22,000-аас хоёр дахин их үзүүлэлт юм.
Гэсэн ч Холбооны Нөөцийн Банк арванхоёрдугаар сарын 10-нд болох бодлогын хурлаасаа өмнө бүх шаардлагатай эдийн засгийн мэдээллээ авч амжихгүй гэж үзэж байна. Учир нь дараагийн ажил эрхлэлийн тайлан дахин хойшлогдож 12-р сарын 16-нд гарахаар болсон.
CME Group-ийн FedWatch-ийн тооцоогоор, арванхоёрдугаар сард бодлогын хүүг бууруулах магадлал өмнөх өдрийн 49%-иас буурч 34% болжээ.
Алт нь өгөөж өгдөггүй хөрөнгө тул хүү багатай орчинд, мөн эдийн засгийн тодорхойгүй нөхцөлд үнэ өсөх хандлагатай байдаг.
UBS банк алтны 2026 оны дунд үеийн үнийн зорилтот түвшинг 300 ам.доллараар өсгөж 4,500 ам.доллар/унци болголоо.
Үүнд дараах хүчин зүйлс нөлөөлсөн гэж тэд үзэж байна:
-Холбооны Нөөцийн Банк ирээдүйд бодлогын хүү бууруулах магадлал
-Геополитикийн тогтворгүй байдал
-Төв банкууд болон ETF-үүдийн алт худалдан авалт өсөх хандлага гэсэн байна.
