Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Товч агуулга
-Эпштейний материалд хэт их далдалсан (редакцласан) хэсэг байна гэж хууль тогтоогчид бухимдав.
-Хууль зүйн яам ил тод ажилласан, хууль зүйн хамгаалалттай байсан материалыг далдалсан гэж өөрсдийг өмөөрөв.
-Хууль зүйн сайд Пэм Бонди өөрийгөө Трампын бодлоготой нийцүүлэн ажиллаж байгаа хэмээн хамгаалав.
Урд шөнө буюу Лхагва гарагт АНУ-ын Бүгд Найрамдах намын нэгэн конгрессын гишүүн, Хууль зүйн сайд Пэм Бондиг талийгаач санхүүч, бэлгийн мөлжлөгийн гэмт хэрэгтэн Жеффри Эпштейний нөлөө бүхий хамсаатнуудын нэрийг нуун дарагдуулсан гэж буруутгалаа.
Төлөөлөгчдийн танхимын хорооны хурлын үеэр Хууль Зүйн сайд Пэм Бонди мөрдөн шалгах баримтуудыг хэрхэн зохицуулсан талаар асуултад хариулж байсан юм.
Кентаки мужаас сонгогдсон Бүгд Найрамдах намын гишүүн Томас Масси, Эпштейний файлуудыг нийтэд ил болгохыг шаардах санаачилгыг ахалсан хүмүүсийн нэг бөгөөд Хууль Зүйн Яам хуулийг “Асар ихээр зөрчсөн” гэж мэдэгдэв.
Тэрээр Холбооны мөрдөх товчооны (FBI) баримт бичигт Эпштейний бэлгийн мөлжлөгийн хэрэгт болзошгүй хамсаатнуудын жагсаалтад багтсан тэрбумтан Лесли Векснерийн нэрийг яагаад далдалсныг асуусан юм.
Хууль зүйн сайд Пэм Бонди хариулахдаа, Векснерийн нэр яамнаас нийтэд ил гаргасан бусад олон баримтад тод байсан бөгөөд Масси уг халхалсан нэрийг анзаарснаас хойш “40 минутын дараа” уг баримт дахь нэрийг ил болгосон гэжээ.
Төлөөлөгчдийн танхимын Шүүхийн хорооны гишүүдтэй Хууль зүйн сайд Пэм Бонди хэд хэдэн ширүүн маргаан өрнүүлж, цэц булаалдсан юм. Гишүүд Эпштейний материалд хэт олон хэсгийг далдалж, нууцалсан гэж бухимдсан байна. Жефри Эпштейний хохирогчдын зарим нь олон нийтийн суудлаас хурлыг ажиглаж байв.
Хууль Зүйн Яам өнгөрсөн сарын сүүлээр 3 сая гаруй хуудас баримтын “эцсийн багц”-ыг нийтэд ил болгосон гэж мэдэгдсэн. Энэ нь Эпштейн насанд хүрээгүй охидыг биеэ үнэлэлтэд уруу татан оролцуулсан хэргээр ял сонссоны дараа ч түүнтэй харилцаатай байсан баян, нөлөө бүхий хүмүүсийн талаарх мэдээллийг олон нийтийн анхааралд дахин авчирсан.
Хууль тогтоогчид 11-р сард Конгресс бараг санал нэгтэйгээр баталсан хуулийн дагуу зөвшөөрөгдсөн хэмжээнээс илүү давж далдалсан байна гэж шүүмжилжээ. Мөн Хууль Зүйн Яам их хэмжээний материалыг хууль зүйн хамгаалалт (privilege)-д хамааруулан нийтлэхээс татгалзсан аж
Бонди шүүмжлэлд хариулахдаа зарим тохиолдолд хууль тогтоогчдыг хувийн байдлаар дайрч, доромжилсон өнгө аястай ханджээ. Тэрээр баримтын хавтсыг сөхөн харуулж, Ардчилсан намын гишүүдийг тойргийнхоо гэмт хэргийн хохирогчдод хайхрамжгүй ханддаг хэмээн буруутгаж, хороог тэргүүлж буй Ардчилсан намын гишүүнийг “Хуучирч зөнөглөсөн хуульч” хэмээн нэрлэсэн нь АНУ-ын тэргүүлэгч хууль сахиулах албан тушаалтанд зохисгүй намчирхсан өнгө аяс байв.
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Бонди хэлэхдээ, Хууль зүйн яамны 500 гаруй хуульч шахуу хугацаанд асар их материалыг хянаж шалгасан бөгөөд хохирогчдын нэрс ил болсон тохиолдол байвал энэ нь санаандгүй алдаа байсан гэжээ.
“Би карьерынхаа турш хохирогчдын төлөө тэмцэж ирсэн, цаашид ч тэмцсээр байх болно”
хэмээн Пэм Бонди нээлтийн үгэндээ мэдэгдсэн байна.
Лесли Векснер нь Victoria’s Secret брэндийг эзэмшигч L Brands компанийн үүсгэн байгуулагч, гүйцэтгэх захирал асан бөгөөд 1980-аад оноос Эпштейнийг хувийн санхүүгийн менежерээрээ ажиллуулж байжээ. Тэрээр Эпштейнийг өөрийн мөнгийг ашиглан үл хөдлөх хөрөнгө болон бараа бүтээгдэхүүн худалдан авсан гэж буруутгаж, 2007 онд Эпштейн анх удаа эрүүгийн хэрэгт татагдсаны дараа харилцаагаа тасалсан гэж мэдэгдсэн. Векснер Эпштейний гэмт үйл ажиллагааны талаар мэдээгүй хэмээн няцаасан бөгөөд өөрөө эрүүгийн хэрэгт буруутгагдаагүй байна.
Эпштейний файлууд Пэм Бондиг Трампын засаг захиргаанд Хууль Зүйн сайдаар ажиллах болсноос хойш сүүдэр мэт дагалдаж буй асуудал юм. Өнгөрсөн зун Хууль Зүйн Яам нэмэлт материалыг эхэндээ гаргахгүй гэж шийдсэн нь Трампын цахим дэмжигчдийнх заримынх нь ширүүн эсэргүүцлийг өдөөсөн. Мөн 2019 онд бэлгийн мөлжлөгийн хэргээр шүүх хурлаа хүлээж байхдаа амиа хорлосон Эпштейнтэй Трамп өмнө нь найзын харилцаатай байсан нь дахин анхаарал татсан юм.
Вашингтон мужаас сонгогдсон Ардчилсан намын гишүүн Прамила Жаяпал, Хууль Зүйн Яам файлуудыг нийтэд танилцуулах явцдаа Эйпштейний хохирогчдын зарим нэрсийг ил болгосонд уучлалт гуйхыг Пэм Бондигоос шаарджээ.
Харин Хууль Зүйн сайд Пэм Бонди, Прамила Жаяпал яагаад өмнөх Ерөнхийлөгч Жо Байдены засаг захиргааны үед ийм асуулт тавиагүйг асууж, “Түүний жүжигт хутгалдахгүй” хэмээн мэдэгдсэн байна.
Пэм Бонди Бүгд Найрамдах нам олонх болсон хорооны өмнө мэдүүлэг өгсөн нь холбооны их тангарагтны шүүх зургаан Ардчилсан хууль тогтоогчийг яллах шийдвэр гаргахаас татгалзсаны дараах өдөр тохиосон юм. Тэдгээр гишүүд АНУ-ын армийг хууль бус тушаалыг биелүүлэхгүй байхыг уриалсан видео бичлэг хийсэнтэй холбоотойгоор шалгагдаж байжээ.
Сүүлийн жилүүдэд Хууль Зүйн Яамны эрүүгийн мөрдөн шалгах ажиллагааны бие даасан уламжлал суларч, Трампын улс төрийн өрсөлдөгчдийг шалгах, түүний гомдол шүүмжлэлтэй нийцүүлэн ажиллах чиглэлд хандсан гэж ажиглагчид үзэж байна.
