Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
БНХАУ Монголтой харилцахдаа сайн хөрш, харилцан итгэлцсэн түнш, найдвартай дэмжигч хэвээр байх болно гэж Гадаад хэргийн сайд Ван И мэдэгдэв.
Синьхуа агентлаг, 2026 оны 6 дугаар сарын 15-ны өдөр
БНХАУ-ын Гадаад хэргийн сайд Ван И, Монгол улсын Гадаад харилцааны сайд Батмөнхийн Батцэцэг нар 2026 оны 6 дугаар сарын 13-нд Монгол Улсын нийслэл Улаанбаатар хотноо хамтарсан хэвлэлийн бага хурал хийлээ.
БНХАУ-ын Гадаад хэргийн сайд, мөн Хятадын Коммунист Намын Төв Хорооны Улс төрийн товчооны гишүүн Ван И бямба гарагт мэдэгдэхдээ, Монгол Улсын Гадаад харилцааны сайд Батмөнхийн Батцэцэгтэй хийсэн хэлэлцээ нь хоёр улсын харилцаа болон бүс нутгийн хамтын ажиллагааны талаар өргөн хүрээний нийтлэг ойлголцолд хүрсэн гэж онцолсон байна.
Ван И Батцэцэг сайдтай хамтран хийсэн хэвлэлийн бага хурлын үеэр хэлэхдээ, олон улсын нөхцөл байдал тогтворгүй болж, дэлхий нийтийн өмнө тулгарч буй сорилтууд улам бүр төвөгтэй болж буй энэ үед Хятад, Монгол хоёр улс зовлон жаргалыг хамтдаа туулж, энх тайван зэрэгцэн орших, харилцан дэмжих, харилцан ашигтай хамтын ажиллагаанд тулгуурласан Хятад–Монголын хувь заяаны нэгдмэл хамтын цогц байх чиглэлээр үргэлжлүүлэн ажиллах ёстой гэв.
Хоёр тал бие биенийхээ тусгаар тогтнол, бүрэн эрх, нутаг дэвсгэрийн бүрэн бүтэн байдлыг харилцан хүндэтгэх, мөн бие биенийхээ үндсэн ашиг сонирхол, чухал асуудал болон сонгосон хөгжлийн замыг хүндэтгэх байр сууриа дахин нотолжээ.
Хятад улс Монгол Улс “Нэг Хятад” зарчмыг тууштай баримталж, “Тайванийн тусгаар тогтнол”-ын аливаа хэлбэрийг эсэргүүцэж, Тайвань, Хонконг, Шинжаан болон Төвдийн Өөртөө Засах Оронтой холбоотой асуудлаарх Хятадын байр суурийг дэмжиж байгаад талархал илэрхийлсэн байна.
Ван И олон улсын байгууллагуудын тооцооллоос иш татан, Хятадын эдийн засгийн өсөлт 1 хувиар нэмэгдэх бүрд Монголын экспорт 4 хувиар, Монголын эдийн засгийн өсөлт 0.6 хувиар нэмэгддэг болохыг дурджээ. Энэ нь хоёр улсын эдийн засаг өндөр түвшинд харилцан нөхөх чадвартай бөгөөд эдийн засгийн харилцаа маш нягт байгааг харуулж байна гэж тэр хэлсэн байна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Мөн Хятад, Монголыг холбох хоёр дахь хил дамнасан төмөр замын төсөл одоогоор баригдаж байгаа бөгөөд энэ нь хоёр орны харилцаа холбоо, дэд бүтцийн хамтын ажиллагааны шинэ томоохон гарц болно гэжээ.
Тэрээр цааш нь, Хятад улс Монголын хувьд итгэл даахуйц, найдвартай түнш хэвээр байх бөгөөд Монгол Улсад хамгийн их хэрэгтэй байгаа үед нь үргэлжлүүлэн дэмжлэг үзүүлэх болно гэж онцолсон байна.
Ван И хэлэхдээ, орчин үеийн хөгжил буюу шинэчлэл нь хоёр улсын хамтын зорилго юм. Цаашид хоёр тал Бүс ба Зам санаачилагыг Монгол Улсын “Талын зам” хөгжлийн стратегитай уялдуулах, төрийн удирдлагын туршлага солилцоог гүнзгийрүүлэх, шинээр хөгжиж буй салбаруудад хамтын ажиллагааны боломжийг эрэлхийлэх, мөн өөр өөрийн үндэсний онцлогт тохирсон шинэчлэлийн замыг хамтдаа эрэлхийлэхээр ажиллах ажээ.
Түүнчлэн Хятад, Монгол хоёр улс дэлхийн энх тайван, тогтвортой байдал, хөгжлийг дэмжих бүтээлч хүчин гэдгийг онцолж, бүс нутаг болон олон улсын асуудлаар уялдаа холбоогоо бэхжүүлэн, хөгжиж буй орнуудын нийтлэг эрх ашгийг хамгаалахын төлөө хамтран ажиллах хүсэлтэй байгаагаа илэрхийлсэн байна.
Хоёр тал мөн Нэгдсэн Үндэстний Байгууллагын дүрмийн зорилго, зарчмуудыг тууштай баримталж, Дэлхийн хоёрдугаар дайны ялалтын үр дүнг хамгаалах, фашизм болон милитаризмын бүх хэлбэрийг эсэргүүцэх, түүхийг гуйвуулах эсвэл эргүүлэн өөрчлөхийг оролдсон аливаа үг үйлдлийг няцаах талаар санал нэгдсэн байна.
Үүнээс гадна хоёр улс Шанхайн хамтын ажиллагааны байгууллага болон Ази, Номхон далайн эдийн засгийн хамтын ажиллагааны байгууллага зэрэг олон талт хамтын ажиллагааны хүрээнд уялдаа холбоогоо бэхжүүлж, бүс нутгийн тогтвортой байдал, хөгжил, хамтын ажиллагааг хамтран дэмжихээр тохиролцжээ.
