Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Лхагва гарагт Тэд Тёрнер хэмээх омголон ааштай тамирчин, бизнес эрхлэгч, хэвлэл мэдээллийн магнат, төрөлхийн хүсэл тэмүүлэл, мэдрэмжээрээ дэлхийг өөрчилсөн эрхэм 87 насандаа өөд болсныг түүний үүсгэн байгуулсан CNN суваг мэдээллээ.
CNN суваг Turner Enterprises компанийн мэдэгдлээс иш татсан байна.
Түүний үхлийн шалтгааныг нийтэд ил болгоогүй аж.
2018 оны есдүгээр сард Тёрнер өөрийгөө мэдрэлийн эсүүд аажмаар доройтдог хүнд өвчин болох Lewy body dementia-тэй гэдгээ олон нийтэд мэдэгдэж байсан юм.
Түүний дүр төрх, зан араншин нь нэг хочоор хязгаарлагдахын аргагүй этгээд, хүчтэй нэгэн байсан тул хүмүүс түүнийг “Өмнөдийн хэлтэй амтай эр” (“Mouth of the South”), “Галзуу ахмад” (“Captain Outrageous”), “Аймшигт Тед” (“Terrible Ted”) гэх мэтээр олон янзаар хочилдог байсан.
Тэрээр эцгийнхээ биллбордын бизнесийг өвлөн авч тэрбумтан болсон гэдэг. 1970 онд телевизийн жижиг станц худалдан авснаар эхэлсэн бизнесээ өргөжүүлэа асар том хувьсгал хийж, телевизийн эзэнт гүрэн болгон өргөжүүлсэн юм.
Удалгүй Тёрнер АНУ-ын хэвлэл мэдээлэл, энтертайнментын салбарын хамгийн нөлөө бүхий хүмүүсийн нэг болж хувирсан бөгөөд түүний телевизийн сүлжээнүүд мэдээ, спорт, хуучны кино салбарт өргөжин тэлж, мэргэшсэн. Гэвч тэр телевизийн бизнестээ ханаагүйгээр үл барам MGM/UA кино студийг өөрийн эзэмшилд нэмж, дараа нь бүр ч том алхам хийсэн юм. Тёд Тернер 1996 онд өөрийн Turner Broadcasting System-ийг Time Warner-тай нэгтгэсэн.
Нэгдлийн дараа Тёрнер шинэ компанийн кабелийн сувгуудын хэлтсийг удирдаж, хамгийн том хувьцаа эзэмшигч болсон ч олон арван жилийн турш өөрийнхөөрөө, чөлөөтэй ажиллаж ирсэн түүний хувьд корпорацийн хатуу бүтэцтэй системд дасан зохицох хэцүү байлаа.
Эцэст нь тэр өөрийн байгуулсан телевизийн сүлжээнүүдээ хянах эрхээ алдсан.
Тёрнер дэлхийн хамгийн нэр хүндтэй байгаль хамгаалагчдын нэг болон түүхэнд үлдэж байна. Мөн тэрээр АНУ-ын хамгийн том газар эзэмшигчдийн эгнээнд орсон төдийгүй НҮБ-д 1 тэрбум ам.доллар хандивласан томоохон буяны үйлстэн болсон.
Нарийн сахалтай, завсартай шүдээрээ сайхан инээмсэглэдэг, хонхорхой эрүү, нүдэндээ үргэлж сахилгагүй оч гялалзуулсан Тед Тёрнер амьдралдаа маш олон сонирхол, хүсэл тэмүүлэлтэй хүн байж. 1970-аад онд тэр Atlanta Braves бейсболын баг болон Atlanta Hawks сагсан бөмбөгийн багийг эзэмшиж байсан бөгөөд өөрийн “Courageous” нэртэй дарвуулт завийг жолоодон America's Cup тэмцээнд оролцдог байсан юм.
Тэрээр олон эмэгтэйтэй нэр холбогдож байсан. Тэдний дунд Оскарын шагналт жүжигчин Жэйн Фонда ч багтаж байлаа.
Олимптой төстэй олон улсын спортын тэмцээн болох Goodwill Games-ийг (Сайн санааны тоглолт ҮГ.МН) 1986 онд үүсгэн байгуулсан бөгөөд хоёр жилийн дараа телевизийн контент нэмэгдүүлэх зорилгоор бөхийн холбоог худалдаж авчээ. Цөмийн дайны аюулд ихээхэн санаа зовдог байсан тул 2001 онд Nuclear Threat Initiative-ийг хамтран байгуулсан байна.
Forbes сэтгүүл Тед Тёрнерийн хөрөнгийг 2.8 тэрбум ам.доллар гэж үнэлжээ.
Хэрвээ надад жаахан даруу зан байсан бол би төгс хүн байх байсан.
хэмээн тэр нэгэнтээ хэлж байв.
Роберт Эдвард Тёрнер III 1938 оны 11 дүгээр сарын 19-нд АНУ-ын Цицинати хотод төрсөн бөгөөд 9 настайдаа гэр бүлийн хамт АНУ-ын өмнөд бүс рүү нүүжээ. Тэрээр цэргийн сургуульд явсан бөгөөд тэндээ тэр мэтгэлцээний аварга, чадварлаг дарвуулт завьчин болсон аж.
Тэр Бровны Их Сургуульдд элсэн орсон ч бизнесийн чиглэлээр биш сонгодог уран зохиол судалж эхэлсэн нь эцгийгээ ихээхэн бухимдуулсан гэдэг. Харамсалтай нь найз бүсгүйгээ өрөөндөө оруулсан зэрэг олон асуудалд холбогдож, сахилгын зөрчил гаргасны улмаас сургуулиа төгсөж чадаагүй байна.
Дараа нь тэр Саванна дахь гэр бүлийнхээ зар сурталчилгааны компанид ажиллаж, биллборд (Гудамжны самбар) дээрх сурталчилгааны зай зардаг байв. Түүний эцэг нь 24 настайд нь амиа хорлосноор компани түүний мэдэлд бүрэн шилжжээ.
Өр төлбөрөө дарахын тулд компанийг худалдах шаардлагатай болсон ч гэр бүлийн маргааны эцэст Тёрнер ялж, компаниа дахин худалдан авч амжилттай хөгжүүлсэн байна. 1970 онд тэр зөвлөхүүдийнхөө эсэргүүцлийг үл харгалзан дампуурах шахсан Атлантагийн UHF телевизийн станцыг 2.5 сая ам.доллараар худалдан авчээ. Энэ станц нь хожим WTBS нэртэй болсон юм.
Эхэндээ хүндхэн байсан ч Тёрнер хямд өртөгтэй, 24 цагийн турш тасралтгүй нэвтрүүлэг явуулснаар станцаа ашигтай ажиллуулж чадсан байна. 1976 онд холбооны шүүх кабелийн телевизүүд хиймэл дагуулын дохио ашиглан контент дамжуулж болно гэсэн шийдвэр гаргасны дараа түүний эзэмшлийн станцын хувь заяа эрс өөрчлөгджээ. Хиймэл дагуулын технологийг анхдагч байдлаар ашигласнаар Тёрнер WTBS-ийг АНУ даяар орон нутгийн кабелийн системүүдээр дамжуулан үздэг анхны “супер станц” болгосон юм.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
1980 онд тэр Атлантад CNN-ийг байгуулж, CBS, NBC, ABC зэрэг томоохон телевизүүдийн “Шар мэдээнд дуртай” сурвалжлагад өөр шинэ хувилбар бий болгоно гэж мэдэгдсэн байна.
Тэр бага цалин санал болгож байсан ч адал явдлын уур амьсгалаараа сэтгүүлчид, техникийн ажилтнуудыг татан өөртөө элсүүлжээ. Тухайн үед хүмүүс CNN-ийг “Chicken Noodle Network” гэж шоолж, бүтэлгүйтэнэ гэж дооглодог байсан ч энэ суваг дэлхийн анхны 24 цагийн мэдээний телевиз болж, дайн, шүүх хурал, хувьсгал, байгалийн болон хүний буруутай үйлажиллагаанаас үүдсэн гамшгийг тасралтгүй шууд дамжуулах шинэ жишиг тогтоосон юм.
Хиймэл дагуулын асуудал гарахгүй л бол дэлхий сөнөх хүртэл бид эфирээ зогсоохгүй
хэмээн Тёрнер 2013 онд CNN-д өгсөн ярилцлагадаа хэлж байжээ.
2018 онд, Ерөнхийлөгч Дональд Трампын эхний бүрэн эрхийн хугацаа маргаан дагуулж байсан үеэр Тёрнер өөрийн байгуулсан CNN-ийг бараг үзэхээ больсон гэж ярьсан бөгөөд тус суваг улс төрд хэт төвлөрч байна гэж шүүмжилж байсан.
Телевизийн салбарт хувьсгал хийсэн “Телевизийн алсын хараатай хүн” хэмээн үнэлэгдсэн Тёрнерийг Time сэтгүүл 1991 оны “Оны хүн”-ээр нэрлэж, “150 орны үзэгчдийг түүхийн агшин бүрийн шууд гэрч болгосон” гэж тодорхойлж байв.
1996 онд Time Warner түүний Turner Broadcasting System-ийг 7.5 тэрбум ам.доллараар худалдан авч, HBO, Warner Bros, Time сэтгүүл, CNN, Cartoon Network, Turner Classic Movies зэрэг брэндүүдийг багтаасан дэлхийн хамгийн том харилцаа холбооны компанийг байгуулжээ.
2001 онд Time Warner интернетийн үйлчилгээ үзүүлэгч AOL компанитай 99 тэрбум ам.долларын нэгдэл хийсэн бөгөөд Тёрнер үүнийг дэмжиж санал өгсөн байна. Гэвч дараагийн бүтцийн өөрчлөлтийн үеэр тэр өөрийн байгуулсан кабелийн сувгуудыг удирдах эрхээсээ салж, компанийн хувьцааны үнэ унаснаар тэрбум тэрбум долларын хөрөнгөө алджээ. 2003 онд тэр дэд Ерөнхийлөгчийн албан тушаалаасаа огцорч, гурван жилийн дараа Time Warner-ийн ТУЗ-өөс бүрэн мөсөн гарсан байна.
Намтар судлаачийнх нь хэлснээр тэр сэтгэл гутралтай тэмцэж, амиа хорлох тухай байнга ярьдаг байжээ.
Шулуухан, хэлэх гэснээ нуухгүй ярьдаг хүн байсан нь түүнийг зарим нэгэнд эвгүй этгээд гэх ойлголт төрүүлдэг байв.
Залуу насандаа Тёрнер бидний хэлдэгээр нэлээн шоучин нөхөр байж, бодсон санаснаа шууд хэлчихдэг шулуухан хүн гэсэн чимэг зүүлттэй байсан юм.
Би юу хэлэхээ өөрөө ч мэддэггүй. Толгойд орж ирсэн зүйлээ л хэлдэг.
хэмээн тэр нэгэнтээ New Yorker сэтгүүлд өөрийгөө цагаатган ярьж байжээ.
Тэрээр Германчуудад хандан
Дэлхийн хоёр дайнд буруу талд орсон ч та нар миний ялагдсаар байдаг Braves баг шиг эргээд амжилт гаргаж чадна.
гэж хэлж шуугиан тарьж байжээ.
Тёрнер болон хэвлэл мэдээллийн өөр нэг магнат Руперт Мёрдок нарын олон жилийн дайсагнал 1983 онд Австрали дахь дарвуулт завины уралдааны үеэр Мёрдокийн ивээн тэтгэсэн завь Тёрнерийн завьтай мөргөлдсөнөөс эхэлсэн гэдэг.
Үүний дараа Тёрнер түүнийг нударган зодоонд дуудаж байсан юм.
Тэдний зөрчил 1996 онд Мёрдок консерватив чиг баримжаатай Fox News-ийг CNN-ийн өрсөлдөгч болгон байгуулснаар улам ширүүсжээ. Тёрнер түүнийг “Дайныг өдөөгч” хэмээн нэрлэж, бүр Aдольф Гетлертэй хүртэл зүйрлэж байв.
Atlanta Braves багийг эзэмшиж байх үедээ Тёрнер өөрийгөө багийн дасгалжуулагчаар томилж, 1977 онд Питтсбургийн эсрэг ганц тоглолт удирдсан ч баг нь 2-1-ээр ялагдсан байна. Үүний дараа бейсболын удирдлагууд түүнд дасгалжуулагчийн ажлаа өгөхийг тушаажээ.
Гэвч тэр "сэхүүн этгээд" байгаагүй, агуу буяны үйлстэн байсан юм. 1997 онд тэр НҮБ-ын үйл ажиллагааг санхүүжүүлэхэд зориулан 1 тэрбум ам.доллар хандивлана гэдгээ зарлаж, буяны салбарын түүхэнд шинэ хуудас нээсэн байна. 2017 онд сүүлийн хандивын төлбөрөө хийснийхээ дараа тэр үүнийгээ “Амьдралынхаа хамгийн зөв хөрөнгө оруулалт” гэж нэрлэжээ.
Түүний Turner Foundation байгаль хамгаалах зорилгоор байгууллагдаж олон сая ам.доллар хандивлаж байсан бөгөөд Тёрнер өөрөө ч цэвэр эрчим хүчийг сурталчилж, хөрөнгө оруулалт хийдэг байв.
Тэр АНУ-ын зургаан мужид нийт 1.9 сая акр буюу 770 мянган гектар газар эзэмшдэг байсан нь түүнийг улсын хамгийн том газрын эзэн болгосон юм. Түүний ихэнх цагаа өнгөрөөдөг газар нь Moнтана муж байлаа.
Мөн тэр 50 мянга орчим бизон үхэртэй сүрэг эзэмшдэг байсан бөгөөд тэдгээрийн махаар 2002 онд Ted's Montana Grill рестораны сүлжээгээ хангадаг байжээ. Түүнчлэн Аргентины Патагони бүсэд ранч ( Үхрийн фирм ҮГ.МН) эзэмшдэг байсан байна.
Тед Тёрнер амьдралдаа гурван удаа гэрлэж, гурван удаа салсан бөгөөд таван хүүхэдтэй. Түүний гурав дахь эхнэр болох Оскарын шагналт жүжигчин Жэйн Фондатай 10 жил амьдраад 2001 онд салсан юм.
