Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Испанийн хувцасны брэнд болох Зара брэндийг үүсгэн байгуулагч тэрбумтан Амансио Ортега арваннэгдүгээр сард Ванкувер дахь Canada Post-ийн түүхэн барилгыг ойролцоогоор 850 сая ам.долларыг бэлэн төлж, худалдан авсан юм.
Бүхэл бүтэн хотын нэг блокыг хамарсан, 1 сая гаруй квадрат фут оффисын талбайтай, одоогоор Amazon компанид түрээслэсэн, өргөн цар хүрээтэй энэхүү технологийн төв нь Канад улсын түүхэнд байгаагүй өндөр үнээр зарагджээ.
Ингэснээр Канад улсын оффисын барилгын хамгийн үнэ хүрсэн борлуулалтын түүхэн амжилтыг эвдсэн байна.
Сanada Post нь Zara брэндийг үүсгэн байгуулагч Амансио Ортегагийн өнгөрсөн жил худалдан авсан 13 дахь үл хөдлөх хөрөнгийн худалдан авалт байв.
Нийтдээ 141 тэрбум ам.долларын хөрөнгөтэй тэрээр өнгөрсөн жил 8 улсын 10 хотод 3 тэрбум ам.доллараас давсан хөрөнгө зарцуулж, долоон оффисын барилга, хоёр зочид буудал, хоёр аж үйлдвэрийн зориулалттай үл хөдлөх хөрөнгө, нэг тансаг худалдааны цогцолбор, нэг орон сууцны цамхаг, мөн Британийн томоохон боомтын оператор компанийн 49 хувийг худалдан авчээ.
Сүүлийн үед дэлхийн баячууд үл хөдлөх хөрөнгөд тэрбум тэрбумаар нь мөнгө хаяж байна. Тухайлбал Oracle-компанийг үүсгэн байгуулагч Ларри Эллисон Хавайн Ланай арал, Калифорни болон Флоридад зочид буудлууд, мөн Палм Бич дэх харшийг багтаан нийт 3 тэрбум ам.долларын үл хөдлөх хөрөнгө худалдан авчээ.
Тэгвэл хедж сангийн магнат Кен Гриффин сүүлийн жилүүдэд Флорида, Франц, Лондон, Нью-Йорк дахь тансаг байруудад бараг 2 тэрбум гаруй ам.доллар зарцуулсан байна.
Гэхдээ хэн ч Амансио Ортега шиг илүүдэл мөнгөө үл хөдлөх хөрөнгөд ийм их хэмжээгээр зарцуулсангүй. Тэрээр Zara брэндийн толгой компани болох Inditex-ийг 2001 онд Мадридын хөрөнгийн бирж дээр олон нийтэд санал болгосноос хойш одоог хүртэл 100 орчим зах зээл дэх 216 үл хөдлөх хөрөнгөд ойролцоогоор 24 тэрбум ам.доллар зарцуулсан ч ердөө 10-ыг нь л заржээ.
Энэ нь Amazon-ийг үүсгэн байгуулагч Жефф Безос өөрийн сансрын компани Blue Origin-д оруулсан гэж тооцогддог 20 тэрбум ам.доллараас хамаагүй их хэмжээ юм.
Forbes компани есөн улсын компанийн тайлан, газрын бүртгэл болон хэвлэлийн мэдээг, мөн Regrid ба Real Capital Analytics зэрэг үл хөдлөх хөрөнгийн мэдээллийн сангуудын өгөгдлийг судалж, Амансио Ортегагийн үл хөдлөх хөрөнгийн эзэнт гүрнийг зурагласан байна.
Энэ нь 13 улсад тархсан 200 гаруй үл хөдлөх хөрөнгийг хамарсан бөгөөд ойролцоогоор 25 тэрбум ам.долларын үнэлгээтэй аж.
Ингэснээр тэрээр Австралийн Харри Тригубофф (23.2 тэрбум ам.доллар) болон Америкийн Дональд Брен (19.2 тэрбум ам.доллар) нарыг давж, дэлхийн хамгийн том үл хөдлөх хөрөнгийн магнат болсон байна.
Төмөр замын ажилчны хүү Ортега 14 настайдаа цамцны дэлгүүрт зарлагаар ажиллаж эхэлжээ. 1960-аад онд тэр анхны эхнэр, оёдолчин Росалия Мерагийн хамт гэртээ даашинз, дотуур хувцас оёж эхэлсэн байдаг. Тэд 1975 онд Zara-г байгуулж, арван жилийн дараа Inditex-ийг үүсгэн байгуулсан.
Тэд 1986 онд салсан ч Мера 2004 он хүртэл компанийн ТУЗ-д ажиллаж, 2013 онд нас барах хүртлээ хувьцаа эзэмшигч хэвээр байжээ.
Амансио Ортега 2001 онд Inditex-ийг олон нийтэд хувьцааг нь гаргасан жилээсээ эхлэн үл хөдлөх хөрөнгөд идэвхтэй хөрөнгө оруулж эхэлсэн аж. IPO-ийн хүрээнд тэр компанийн 13.5 хувийг 1.1 тэрбум ам.доллараар зарж, удалгүй Pontegadea нэртэй өөрийн холдинг компанийг байгуулсан.
Тэрээр энэ компаниар дамжуулан төрөлх Галисия нутагтаа морин спортын төв худалдан авч, охин Марта нь тэнд морь унаж сурчээ. Дараагийн 25 жилийн хугацаанд тэрээр Inditex-ээс авсан асар их хэмжээний ногдол ашгийнхаа нэг хэсгийг, Forbes-ийн тооцоолсноор 2001 оны IPO-оос хойш татварын дараах байдлаар нийт 28 тэрбум ам.доллар, мөн түрээсийн орлогоо шинэ худалдан авалтад дахин хөрөнгө оруулсаар ирж.
Амансио Ортегатай хамтран ажиллаж байсан хоёр брокер Forbes-т нэрээ нууцлан ярихдаа, тэр ихэвчлэн зах зээл дээрх хамгийн нэр хүндтэй барилгуудыг бэлнээр, өргүйгээр худалдан авдаг бөгөөд бараг хэзээ ч зардаггүй гэсэн байна.
Pontegadea-ийн 2024 оны жилийн тайланд компанийн нийт өр төлбөр ердөө 390 сая ам.доллар буюу нийт хөрөнгийнх нь 2 хувьтай тэнцэж байгаа нь, ялангуяа арилжааны үл хөдлөх хөрөнгийн салбарт бараг сонсогддоггүй бага хөшүүрэг юм.
Тэр ихэнх үл хөдлөх хөрөнгөд хөрөнгө оруулагчаас ялгаатай нь бараг хязгааргүй мөнгөтэй юм шиг харагддаг.
гэж нэг брокер хэлжээ.
Мөн тэрээр
Тэр эрсдэл багатай зүйлсийг илүүд үздэг, худалдан авч сайжруулаад зарахыг зорьдоггүй. Харин зах зээл дээрх хамгийн шилдэг, цуглуулгын шинж чанартай хөрөнгийг авдаг. Энэ нь хамгийн өндөр зэрэглэлийн урлагийн бүтээл цуглуулж буй хүнтэй төстэй.
Түүний ийм “трофей” худалдан авалтуудын (ашиг орлох зорилгоор худалдан авдаг үл хөдлөх хөрөнгө) дотор Мадрид дахь 43 давхар Torre Picasso (2011 онд 540 сая ам.доллар), Лондон дахь Green Park-ийг харсан Devonshire House (2013 онд 671 сая ам.доллар), Сиэтл дэх Amazon байрладаг 800,000 квадрат фут талбай бүхий Troy Block (2019 онд 740 сая ам.доллар), мөн Торонтогийн алтлаг шилэн фасадтай Royal Bank Plaza (2022 онд 916 сая ам.доллар) багтдаг.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Түүний олон оффис болон худалдааны үл хөдлөхүүдийг Amazon, Apple, Meta, Nike, Spotify болон мэдээж Zara зэрэг томоохон, санхүүгийн хувьд хүчирхэг комданиуд урт хугацаагаар түрээслэдэг
Мөн тэр агуулахуудаа Amazon, FedEx, Home Depot, Walmart зэрэг компаниудад түрээслэдэг байна.
Өөр нэг брокерын хэлснээр,
Тэр хамгаалалтын шинж чанартай үл хөдлөх хөрөнгө худалдаж авдаг. Түүний авсан үл хөдлөх хөрөнгө нь стратегийн хувьд чухал, хотын төвийн, дахин орлуулах боломжгүй байршлууд байдаг бөгөөд урт хугацаанд үргэлж түрээслэгдэх боломжтой үл хөдлөх хөрөнгө байдаг. Түрээслэгчид нь олон нийтэд бүртгэлтэй, тэрбум тэрбумаар үнэлэгддэг компаниуд учраас дампуурах эрсдэл бага.
гэжээ.
Түүний өөр нэг онцлог нь үл хөдлөхөө хөрөнгөө удаан хугацаанд хадгалдгаараа ялгардаг. Real Capital Analytics-ийн мэдээллээр тэр 20 жилийн хугацаанд ердөө 10 барилга л заржээ.
Тэр эдгээр хөрөнгийг үүрд эзэмших зорилготой авдаг. Бусад хөрөнгө оруулагчид ихэвчлэн 5–10 жил барьдаг бол Pontegadea огт өөрөөр үнэлдэг — тэд урт хугацааны мөнгөн урсгалыг тооцдог юм.
гэж брокер хэлсэн байна.
Энэ стратеги нь үл хөдлөх хөрөнгийн үнэлгээний савлагаа болон зах зээлийн өөрчлөлтөөс хамгаалдаг, ялангуяа өнөө үед оффисын барилгын зах зээл сулралтай байгаа үед.
Амансио Ортега үл хөдлөх хөрөнгөд дуртайдаа биш, харин энэ нь ухаалаг татварын стратеги учраас дэлхийн хамгийн баян үл хөдлөхийн магнат болсон юм.
Сүүлийн 25 жилийн хугацаанд тэр ойролцоогоор 800 сая ам.долларын баялгийн татварыг хэмнэжээ. Испанид олон арван жилийн баялгийн татвар, мөн 2022 онд батлагдсан “эв санааны татвар”-ын улмаас бэлэн мөнгө ихтэй байх нь сул тал болдог.
Жил бүрийн 12-р сарын 31-нд Испанийн засгийн газар баячуудын банкны дансыг шалгаж татвар тооцдог. Хамгийн өндөр хувь нь 3.5 хувь бөгөөд ногдол ашиг болон хөрөнгийн өсөлтийн татвар дээр нэмэгдэж ноогддог.
Гэхдээ гэр бүлийн бизнесүүдэд хөнгөлөлт өгдөг байна. Хэрэв хүн компанийнхаа 5-аас доошгүй хувийг эзэмшдэг, удирдлагын үүрэгтэй, мөн компани нь идэвхтэй үйл ажиллагаа явуулдаг гэдгийг нотолбол — Ортегагийн Pontegadea шиг — бэлэн мөнгийг идэвхтэй бизнесийн хөрөнгөд эргэлдүүлсэн тохиолдолд татвараас чөлөөлөгдөнө.
Forbes-ийн тооцоогоор Ортега 2001 оноос хойш ногдол ашгаа боомт, нар болон салхины эрчим хүч, харилцаа холбоо, дэд бүтэц болон үл хөдлөх хөрөнгөд дахин хөрөнгө оруулснаар ойролцоогоор 800 сая ам.долларын баялгийн татварыг хэмнэсэн байна.
Мөн тэр өөр нэг татварын дарамтыг ч ухаалгаар бууруулсан. Тэр Inditex-ийн хувьцааг шууд бус, Pontegadea-аар дамжуулан эзэмшдэг тул Испанийн 30 хувийн ногдол ашгийн татварыг тойрч гардаг. Үүний оронд дотоодын компани өөрийн охин компанийн 5-аас дээш хувийг нэг жилээс дээш хугацаанд эзэмшсэн тохиолдолд татварын хөнгөлөлт эдэлдэг дүрмийн дагуу тэр ердөө 1.25 хувийн татвар төлдөг байна.
2021 оноос өмнө бүрэн чөлөөлөлттэй байсан тул өмнөх 20 жилд авсан бараг 15 тэрбум ам.долларын ногдол ашгаасаа тэр бараг татвар төлөөгүй байх магадлалтай.
Нийтдээ энэ зохицуулалт түүнд өнгөрсөн 25 жилийн хугацаанд ойролцоогоор 7 тэрбум ам.долларын ногдол ашгийн татвар хэмнэх боломж олгожээ. Pontegadea-ийн төлөөлөгч Forbes-т хэлэхдээ, Амансио Ортега болон компанид бусад орлогын эх үүсвэрүүд дээр татвар ногддог бөгөөд Inditex-ийн ногдол ашиг нь аль хэдийн татвар төлөгдсөн орлого тул давхар татвар авахгүйн тулд дахин татвар ногдуулдаггүй гэжээ.
Хэдийгээр Pontegadea нь хөрөнгийн хэмжээгээрээ дэлхийн хамгийн том гэр бүлийн оффисуудын нэг боловч ердөө 90 орчим ажилтантай, дэлхий даяар найман оффистой.
Түүний удирдах зөвлөлд дөрөвхөн хүн байдаг: Ортега өөрөө, түүний хоёр дахь эхнэр Флора Перес Маркоте, охин Марта Ортега (одоо Inditex-ийн дарга), мөн компанид олон жил Гүйцэтгэх захирал хийсэн Роберто Сибейра нар юм. Өөр нэг удаан хугацааны удирдах ажилтан Хосе Арнау өнгөрсөн аравдугаар сард ТУЗ-өөс гарсан. Компанийн төлөөлөгч Амансио Ортега болон бусад удирдлагуудыг Forbes-т ярилцлага өгөхөөс татгалзсан гэсэн байна.
Сибейра 2020 онд Financial Times-д өгсөн ховор ярилцлагадаа Pontegadea “Асар их ашиг хайдаггүй, харин биднийг хамгаалж, тогтмол мөнгөн урсгал бий болгож, капиталын үнэ цэнийг хадгалах хөрөнгө оруулалтыг эрэлхийлдэг” гэж хэлжээ. Тухайн үед тэр компанийн үл хөдлөх хөрөнгийн 95 хувь нь том хотуудын өндөр зэрэглэлийн бүсүүдэд байрладаг гэж онцолсон.
Мөн Арнау “Бидэнд дахин хөрөнгө оруулах асар их хэмжээний ногдол ашиг байдаг тул бидний хэмжээ бидний төсөөлж байснаас давсан” гэж нэмж хэлсэн байна.
Эдгээр ногдол ашгийн хэмжээ улам бүр өссөөр байна. Амансио Ортега 2026 онд Inditex-ээс хоёр хувааж олгох нийт 3.8 тэрбум ам.долларын рекорд ногдол ашиг авах гэж байна. Тэр энэ мөнгийг аль хэдийн зарцуулах ажилд завгүй яваа аж. Хоёрдугаар сард Австралийн хөрөнгийн менежментийн Macquarie компани Pontegadea болон Австралийн тэтгэврийн сантай хамтран 8 тэрбум ам.долларын үнэлгээтэй логистикийн Qube Holdings компанийг худалдан авах гэрээ байгуулснаа зарласан.
Амансио Ортега энэ хэлцэлд хэдийг төлөх нь тодорхойгүй байгаа ч Испанийн засгийн газрын шинэ жилийн татварын хугацаа болохоос өмнө тэр шинэ орлогоо зарцуулах өөр олон арга замыг олно гэдэг нь бараг тодорхой байна
