Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Францын хөлбөмбөгийн домогт тоглогч Зинедин Зидан бугуйн цагны тухай болон өөрийн анхны Cartier цагаа яагаад сайн үйлсийн аянд хандивлаж, дуудлага худалдаанд оруулсан тухайгаа ярилаа.
Зинедин Зиданы 35 жилийн өмнө худалдаж авсан анхны бугуйн цаг болох Cartier Pasha энэ арваннэгдүгээр сард Женев хотод болох Christie's-ийн "Watches for ELA" буяны дуудлага худалдаагаар зарагдана.
Францын хувьд Зинедин Зедан (Зизу ҮГ.МН) бол хөлбөмбөгийн жинхэнэ домог юм. Тэрээр эх орныхоо шигшээ багийн төлөө Дэлхийн аваргад гурван удаа оролцож, 1998 онд Францыг дэлхийн аварга болгосон бөгөөд 2006 онд мөн шигшээ тоглолтод хүрч, тухайн тэмцээний шилдэг тоглогчид олгодог "Алтан бөмбөг" (Golden Ball) шагналыг хүртэж байлаа.
Дараа нь тэрээр Реяал Мадрид клубын Ерөнхий дасгалжуулагч болсон. Харин үүнээс өмнө "Зизу" хочтой Зидан Европын шилдэг клубүүдийн нэг болох Италийн Ювентус зэрэг багуудад довтлох чиглэлийн хагас хамгаалагчаар гайхамшигтай замналыг туулсан юм.
Түүнийг бүх цаг үеийн хамгийн шилдэг хөлбөмбөгчдийн нэг гэж өндрөөр үнэлдэг бөгөөд мэргэжлийн карьер нь Францын Лиг 1-ийн FC Girondins de Bordeaux багаас жинхэнэ утгаараа эхэлсэн. Шампанаараа алдартай Бордо хотод тоглож байхдаа тэр өөрийн анхны тансаг бугуйн цаг болох Cartier Pasha-г худалдан авч байжээ.
Одоо энэ цагийг Женев хотод ирэх 11-р сарын 9-нд болох Christie's-ийн "Watches for ELA" буяны дуудлага худалдаагаар худалдаалж, орлогыг ELA International байгууллагад хандивлах юм.
Зидан сүүлийн 25 жилийн турш ELA International-ийг дэмжиж ирсэн. Энэхүү ашгийн бус байгууллага нь төв мэдрэлийн тогтолцоог гэмтээдэг ховор удамшлын өвчин болох лейкодистрофи-той тэмцэх зорилготой. Тэд эмнэлгийн судалгааг санхүүжүүлэх, өвчтэй хүүхдүүдийн гэр бүлүүдэд туслах, олон нийтийн мэдлэгийг нэмэгдүүлэх, мөн нярай хүүхдийн нийтлэг шинжилгээнд энэ өвчнийг багтаахын төлөө ажилладаг.
2026 оны Хөлбөмбөгийн дэлхийн аварга шалгаруулах тэмцээн Хойд Америкт үргэлжилж буй энэ үед Ходинки сэтгүүл Зинедин Зиданаас бугуйн цагны сонирхол, ELA International-ийг яагаад дэмждэг тухай болон энэхүү Cartier цаг яагаад түүнд онцгой үнэ цэнтэй болохыг асуужээ.
Ходинки:
Та "Watches for ELA" санаачилгад хэрхэн нэгдсэн бэ? ELA International-ийг яагаад дэмждэг вэ? Энэ үйл хэргийг яагаад чухал гэж үздэг вэ?
Зинедин Зидан:
"Би ELA байгууллагатай хамтран ажиллаад 25 жил өнгөрч байна. Залуудаа би ямар нэгэн тодорхой сайн үйлсийн аянд оролцдоггүй байсан. Миний бүх анхаарал зөвхөн хөлбөмбөгт төвлөрч байлаа. Гэтэл нэгэн уулзалт миний амьдралыг өөрчилсөн. Зарим уулзалт хүний сэтгэлд үүрд үлдэж, амьдралын чухал шийдвэр гаргахад хүргэдэг шүү дээ.
ELA International-ийн үүсгэн байгуулагч, Ерөнхийлөгч Ги Альба Францын хөлбөмбөгчин алдарт Альдо Платинитэй хамт намайг тухайн үед Juventus-д тоглож байхад Турин хотод зорьж ирсэн. Энэ нь 2000 он байлаа.
Тэд надад байгууллагынхаа тухай, ямар өвчинтэй тэмцдэг талаар, мөн энэ өвчнөөр шаналж буй хүүхдүүд, гэр бүлүүдийн талаар ярьсан. Би тэдэнд хамгийн түрүүнд дэмжлэг хэрэгтэйг ойлгосон юм. Гэхдээ түүнээс ч илүү олон нийтэд танигдах, хүмүүсийн анхаарлыг татах шаардлагатай байгааг мэдэрсэн.
Тэр үед ELA бол аймшигтай өвчинтэй нүүр тулсан эцэг эхчүүдийн байгуулсан жижигхэн холбоо байлаа. Тэдний хүсэл зориг үнэхээр агуу байсан ч тэдний өмнөөс дуугарч, олон нийтэд хүргэх хүмүүс хэрэгтэй байв. Тэр уулзалт миний хувьд эргэлтийн цэг болсон. Би тэдэнтэй хамтран ажиллахаар шийдсэн бөгөөд тэр өдрөөс хойш энэ том гэр бүлийн нэг хэсэг болсоор иржээ.
Энэ удаагийн Watches for ELA дуудлага худалдаанд миний оруулж буй хувь нэмэр маш энгийн. Би 35 жилийн турш хадгалсан бугуйн цагаа хандивлаж байна. Надад үнэхээр эрхэм, өөрийн гэсэн түүхтэй, сэтгэлийн үнэ цэнтэй зүйлээ өргөх нь зөв гэж бодсон.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Сонирхолтой нь, би энэ цагаа бараг санамсаргүй байдлаар гаргаж ирсэн юм. Яг тэр өдөр Ги бид хоёр утсаар ELA-гийн тухай ярилцаж байлаа. Яг тэр мөчид энэ цагны түүх дахин сэргэж, түүнийг дараагийн эзэнд нь өвлүүлэх санаа жинхэнэ утгаа олсон юм.
Ходинки:
Та энэ жилийн буяны дуудлага худалдаанд хандивлаж буй бугуйн цагныхаа түүхийг ярьж өгнө үү. Энэ цаг ямар түүхтэй вэ? Таны хувьд ямар утга учиртай вэ?
Зинедин Зидан:
Юуны өмнө, энэ бол намайг Бордо хотод амьдарч байхдаа өөрийн мөнгөөр худалдан авсан анхны бугуйн цаг минь. Би энэ цагаа маш их нандигнан хадгалж, 35 жилийн дараа л дахин хайрцгаас нь гаргасан. Өнөөдөр харахад энэ үнэхээр онцгой цаг байсан гэдгийг ойлгож байна. Түүнийг харах бүртээ яг 35 жилийн өмнөхтэй адил догдлол, сэтгэл хөдлөлийг мэдэрдэг."
"Миний хувьд бугуйн цаг бол жинхэнэ урлагийн бүтээл. Хүн цагийг зүгээр нэг санаандгүй худалдаж авдаггүй. Хайрлаж дурласан зүйлээ л сонгодог. Би өдөр бүр цаг зүүдэг хүн биш. Гэхдээ сайхан хийцтэй, үнэ цэнтэй эд зүйлтэй байх дуртай.
Энэ цаг бөмбөг шиг дугуй хэлбэртэй нь ч надад онцгой утгатай. Товчлуурууд нь бөөрөнхий, үнэхээр гайхамшигтай хийцтэй, дээрээ жижигхэн шигтгээ чулуутай. Бугуйвч нь хүртэл тухайн үедээ маш орчин үеийн загвар байсан. Надад бага зэрэг 'Jubilee' загварыг санагдуулдаг.
Энэ бол миний хувьд маш эрхэм цаг. Үүнээс илүү тайлбарлах зүйл бараг алга. Худалдаж авч байхдаа ч миний сэтгэлийг хөдөлгөж байсан, өнөөдөр ч адилхан сэтгэл хөдөлгөсөөр байгаа цаг юм. Мэдээж үүнээсээ салах гэж байгаа болохоор бас онцгой мэдрэмж төрж байна. Гэхдээ сайн үйлсийн төлөө хандивлаж байгаа учраас би баяртайгаар өгч байна. Энэ цагийг худалдан авах хүн миний хувьд маш үнэ цэнтэй байсан нэгэн дурсгалыг эзэмших болно гэдгээ мэдрэх байх.
Ходинки:
Та бугуйн цагтай ямар харилцаатай вэ? Яагаад цаг цуглуулж, зүүдэг вэ? Бугуйн цаг таны хувьд яагаад чухал вэ?
Зинедин Зидан:
Би цагийг зүгээр нэг худалдаж авахын тулд худалдаж авдаггүй. Хэрэв би хаа нэгтээ явж байгаад сайхан эд зүйл, тухайлбал гоё бугуйн цаг авахыг хүсвэл тэр зүйл үнэхээр миний сэтгэлд хүрсэн байх ёстой. Надад ямар нэгэн байдлаар татагдаж, надтай "ярьж" байгаа мэт мэдрэмж төрүүлэх хэрэгтэй. Гэхдээ тийм зүйл нэг их олон тохиолддоггүй.
Амьдралынхаа туршид аажмаар цуглуулсан 15–20 орчим бугуйн цаг надад бий. Дунджаар жилд нэг цаг гэсэн үг. Гэхдээ цаг бүрийг авахдаа нэг л зарчим баримталдаг. Шийдвэрийг үргэлж миний зөн совин гаргадаг.
Би аливааг хэтэрхий их бодож тунгаадаггүй. Амьдралынхаа туршид ч, өнөөдөр дасгалжуулагчийн ажилдаа ч би үргэлж зөн совиндоо итгэж ирсэн. Мэдээж бүх зүйлд бэлтгэл хэрэгтэй, тэр тал дээр намайг маш сайн баг дэмждэг. Гэхдээ эцсийн шийдвэр гаргах үед миний зөн совин хамгийн чухал хэвээр байдаг.
Ямар нэгэн зүйл худалдаж авахдаа ч ялгаагүй. Хэрэв надад таалагдвал тэр нь анхны харцаар дурлахтай адил байх ёстой. Заавал анхны харцаар дурлуулах хэрэгтэй. Би хэзээ ч тооцоолж, хэт их эргэцүүлдэггүй. Энэ бол юуны өмнө сэтгэлийн мэдрэмжийн асуудал.
Би ер нь эд зүйлсээ хадгалдаг, бараг хэнд ч өгдөггүй. Ялангуяа ийм төрлийн үнэ цэнтэй эд зүйлсийг. Харин хөлбөмбөгийн карьераа дуусгах хугацаанд би өмсгөл, гутал болон бусад олон дурсгалт зүйлээ хүмүүст өгөхийг хичээсэн. Ингээд бодоход өөртөө үлдээсэн зүйл тийм ч их байдаггүй. Тэр утгаараа би жинхэнэ цуглуулагч биш. Харин ийм ховор, онцгой эд зүйлсийг бол хадгалж үлддэг.
Хэрвээ та ELA International байгууллага болон 11-р сарын 9-нд болох "Watches for ELA" буяны дуудлага худалдааны талаар дэлгэрэнгүй мэдээллийг тус байгууллагын албан ёсны хуудсаас авах боломжтой.
