Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Ням гарагт АНУ-ын Холбооны Нөөцийн Банкны (Төв банк) захирагч, тус байгууллагын даргаар найман жил ажиллаад саяхан бүрэн эрхийн хугацаагаа дуусгасан Жером Пауэл төв банк улс төрийн нөлөөнд автах эрсдэлийн талаар анхааруулж, мөн ардчилсан институцуудыг хамгаалах шаардлагатай байгааг онцлон тэмдэглэлээ.
Тэрээр Ерөнхийлөгч асан Жон Кеннидигийн нэрэмжит номын сангийн сангаас олгодог "Profile in Courage" (Эр зоригийн хөрөг) шагналыг гардан авах үеэрээ хэлсэн үгэндээ
Ардчилсан институцуудыг бий болгоход асар их цаг хугацаа, хүчин чармайлт, тэвчээр шаардагддаг. Гэвч тэдгээрийг нураахад маш богино хугацаа хангалттай байдаг.
гэжээ.
Жером Пауэлл цааш нь:
Эдгээр институцуудын сайн талыг хадгалж хамгаалах нь маш чухал. Үүний зэрэгцээ бид тэдгээрийг улам сайжруулахын төлөө ажиллах ёстой.
гэсэн байна.
Тэрээр АНУ-ын амжилт, дэлхий дахин дахь байр суурийн үндэс болсон гол институцуудын тоонд Холбооны Нөөцийн Банк, Шүүхийн байгууллага болон Их Сургуулиудыг нэрлэжээ.
Пауэллын хэлснээр:
Бусад олон байгууллагын нэгэн адил Холбооны Нөөцийн Банк ч бас хүнд сорилттой тулгарч байна.
Тэрээр энэхүү "сорилт"-ын жишээ болгон Ерөнхийлөгч Дональд Трампын захиргаанаас ХНБ-ны захирагч Лиза Куукыг огцруулах оролдлого, өөрийг нь албан тушаалаасаа огцрохыг шаардаж байсан асуудал, мөн өөртэй нь холбоотой эрүүгийн мөрдөн шалгах ажиллагааг дурдсан байна.
Пауэллын Холбооны Нөөцийн Банкны даргын бүрэн эрхийн хугацаа албан ёсоор 2026 оны 5-р сарын 15-нд дууссан.
Түүний оронд Кевин Варш 2026 оны 5-р сарын 22-нд Холбооны Нөөцийн Банкны шинэ даргаар тангараг өргөсөн юм.
Гэсэн хэдий ч Пауэлл ХНБ-ны захирагчийн албан тушаалдаа үлдэхээр шийдсэн байна. Түүний үзэж буйгаар төв банкны хараат бус байдалд заналхийлсэн эрсдэлүүд үргэлжилсээр байгаа аж.
Энэ шийдвэр нь одоохондоо Ерөнхийлөгч Дональд Трампыг Холбооны Нөөцийн Банкны Удирдах зөвлөлд өөр хүн томилох боломжгүй болгож байгаа юм.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Жером Пауэлл хэлэхдээ Холбооны Нөөцийн Банкны бүтэц зохион байгуулалт нь мөнгөний бодлогын шийдвэрийг улс төрөөс ангид гаргах зорилготой гэж онцлов.
Тэрээр:
Эдгээр хамгаалалтын механизмууд ард түмэнд сайнаар үйлчилж ирсэн бөгөөд хоёр намын бүх засаг захиргаа тэдгээрийг хүндэтгэж байсан.
гэжээ.
Мөн тэрээр:
Хэрэв ямар нэгэн засаг захиргаа бодлогын санал зөрөлдөөний улмаас ХНБ-ны албан тушаалтнуудыг огцруулах арга зам олчихвол ирээдүйн бүх засаг захиргаа мөн адил хийх болно.
гэж анхааруулжээ.
Түүний хэлснээр ийм зүйл тохиолдвол:
-Төв банк бүх америкчуудын эрх ашигт нийцсэн шийдвэр гаргаж байна гэсэн олон нийтийн итгэл алдагдана.
Пауэллд энэхүү шагналыг олгохоо зарлахдаа Жон Кеннедигийн номын сангийн сангаас:
Тэрээр улсын хамгийн чухал улс төрөөс ангид институцуудын нэгийг хамгаалж, хувь хүний болон мэргэжлийн өндөр эрсдэлийн өмнө онцгой эр зориг гаргасан.
хэмээн тодорхойлжээ.
Миннеаполис, Сэнт Пол хотын иргэд мөн шагналыг хүртсэн.
Энэ жилийн шагналыг зөвхөн Жером Пауэлл биш, мөн Минаполис болон Сан Паул хотуудын иргэд хамт хүртсэн байна.
Учир нь тэдгээр хотуудад цагаачлалын хяналт, албадан хэрэгжилтийн ажиллагаа эрчимжсэний дараа иргэд эсэргүүцлийн жагсаал зохион байгуулж, засгийн газрын ажиллагаанд хяналт тавих олон нийтийн үйл ажиллагаанд идэвхтэй оролцсон гэж үзжээ.
Жером Пауэллын энэхүү илтгэл нь зөвхөн Холбооны Нөөцийн Банкны тухай бус, АНУ-ын ардчилсан тогтолцооны суурь институцууд болох төв банк, шүүх, их сургуулиуд улс төрийн дарамтаас ангид байх ёстой гэсэн өргөн хүрээний анхааруулга байв.
Тэрээр хэрэв төв банк улс төрийн нөлөөнд автвал инфляц, хүүгийн түвшин зэрэг эдийн засгийн чухал шийдвэрүүдэд ард түмний итгэх итгэл алдагдана гэж үзэж байна.
