Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Эх сурвалж: Синьхуа агентлаг
Улаанбаатар хотноо Монгол Улсын Ерөнхийлөгч Ухнаагийн Хүрэлсүх БНХАУ-ын Коммунист намын Төв Хорооны Улс төрийн товчооны гишүүн бөгөөд Гадаад хэргийн сайд Ван И-тай уулзлаа.
Уулзалтын үеэр Ерөнхийлөгч Хүрэлсүх хэлэхдээ, Монгол, Хятадын харилцаа нь бүс нутаг дахь улс хоорондын харилцааны үлгэр жишээ болсон гэж онцоллоо.
Тэрбээр хоёр улс бие биеийнхээ тусгаар тогтнол, бүрэн эрхт байдал, нутаг дэвсгэрийн бүрэн бүтэн байдлыг тууштай хүндэтгэсээр ирсэн бөгөөд олон салбар дахь харилцан ашигтай хамтын ажиллагааг тасралтгүй өргөжүүлж байгааг тэмдэглэв. Мөн хоёр улсын худалдааны эргэлт энэ онд 20 тэрбум ам.долларт хүрэх төлөвтэй байгааг дурдсан байна.
Хятадыг Монгол Улсын сайн хөрш гэж тодорхойлсон Ерөнхийлөгч Хүрэлсүх, Хятад улстай найрсаг харилцааг хөгжүүлэх нь Монгол Улсын гадаад бодлогын тэргүүлэх чиглэлүүдийн нэг гэдгийг онцлон тэмдэглэлээ.
Тэрбээр Монгол Улс “Нэг Хятад” зарчмыг тууштай баримталж, Тайвань-ийг БНХАУ-ын салшгүй нэг хэсэг гэж үздэг бөгөөд “Тайванийн тусгаар тогтнол”-ыг дэмжсэн аливаа үйл ажиллагааг эсэргүүцдэг гэж мэдэгдэв.
Мөн Хонконг, Шижан (Төвөд) болон Шиньжянтай холбоотой асуудлыг БНХАУ-ын дотоод хэрэг гэж үздэг бөгөөд Монгол Улс бусад улстай ямар ч харилцаатай байсан Хятадын ашиг сонирхолд харшлах үйлдэл хийхгүй гэдгийг илэрхийллээ.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Түүнчлэн Монгол Улс бүс нутгийн болон олон улсын асуудлаарх хамтын ажиллагаагаа Хятад улстай улам бэхжүүлэхэд бэлэн байгаагаа илэрхийлсэн байна.
Харин Ван И хэлэхдээ, БНХАУ Монгол-Хятадын харилцаанд хөрш орнуудтайгаа явуулах дипломат бодлогын хүрээнд үргэлж онцгой ач холбогдол өгсөөр ирсэн гэдгийг тэмдэглэв.
Тэрээр Хятад улс Монгол Улсын найдаж болох хөрш, итгэл даах найз, хөгжлийг нь хурдасгах найдвартай түнш байх хүсэл эрмэлзэл төдийгүй чадавхтай гэдгийг онцоллоо.
Мөн Хятад улс Монгол Улсын тусгаар тогтнол, бүрэн эрхт байдал, нутаг дэвсгэрийн бүрэн бүтэн байдал, түүнчлэн Монголын өөрийн сонгосон хөгжлийн замыг үргэлж хүндэтгэсээр ирснийг дахин нотлов.
Цаашид хоёр улсын хөгжлийн стратегийг уялдуулах, хоёр талын хамтын ажиллагааны боломжийг бүрэн ашиглах, дэд бүтэц, эрчим хүч, ашигт малтмал, худалдаа, хөрөнгө оруулалтын хамтын ажиллагааг өргөжүүлэхэд илүү нягт хамтран ажиллахад бэлэн байгаагаа илэрхийлжээ.
Мөн чухал ашигт малтмал, ногоон хөгжил, дижитал эдийн засаг болон бусад шинэ салбаруудад хамтын ажиллагааны шинэ өсөлтийн хөдөлгөгч хүчийг бий болгох зорилт тавьж байгааг онцолсон байна.
