Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
АНУ-ын хувьцаануудын өгөөж урьд өмнө байгаагүй бага түвшинд хүрч, урт хугацааны бондын өгөөж өндөр байхыг хөрөнгө оруулагчид шаардаж буй энэ үед 20%-ийн алт агуулсан 60/20/20 багцын стратеги нь инфляцийн эсрэг илүү бат бөх хамгаалалт болно гэж "Morgan Stanley" (MS.N) банкны хөрөнгө оруулалтын дарга Майк Уилсон мягмар гарагт мэдэгдлээ.
Багцан дахь 60/40 буюу ердийн тооцооллоор 60%-ийг хувьцаанд, 40%-ийг бондод хуваарилдаг стратеги нь хоёр ангиллын хөрөнгийн үнэ харилцан эсрэгээр хөдөлж, эдийн засгийн өөдрөг үед хувьцаа өсөж, савлагаатай үед бондын өгөөж нэмэгддэг гэсэн логикт тулгуурладаг.
Гэвч Уилсон нь 60%-ийг хувьцаанд, 20%-ийг бондод, 20%-ийг алтанд хуваарилахыг илүүд үзэж байна. Тэрбээр бондын зах зээл дотор 10 жилийн бус 5 жилийн хугацаатай богино хугацааны Засгийн газрын үнэт цаасыг илүүд үздэг бөгөөд ингэснээр өгөөжийн муруйн дагуу эргэлтийн өгөөжийг илүү сайн барьж чадна гэжээ.
“Одоо алт бол Засгийн газрын үнэт цаас биш, харин жинхэнэ anti-fragile буюу доройтолтод тэсвэртэй хөрөнгө юм. Өндөр чанартай хувьцаа болон алт бол хамгийн сайн эрсдэлийн хамгаалалт юм” гэж Уилсон Reuters Global Markets Forum-д ярьжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Хос хамгаалалтын давуу тал нь ялгаатай шинж чанартайд оршино: Хоёулаа инфляцийн эсрэг хамгаалдаг боловч хувьцаа нь өсөлттэй холбоотой “эрсдэл авах” хөрөнгө бол алт нь бодит хүүгийн түвшин буурах үед аюулгүй хөрөнгө оруулалтын суваг болж өсдөг.
АНУ-ын хувьцааны зах зээл нь бараг “баавгайн зах зээл”-ийн түвшнээс буцан өсөж, Ерөнхийлөгч Доналд Трампын энэ оны 4-р сарын 2-нд зарласан “Чөлөөлөх өдөр”-ийн татварын мэдэгдлийн дараа S&P 500 болон Nasdaq Composite индексүүд 9-р сард хэд хэдэн шинэ дээд амжилт тогтоожээ. Энэ нь түүхийн хувьд хувьцаанд таагүй сард тооцогдож байна.
Үүний зэрэгцээ алтны үнэ мягмар гарагт унц нь $3,700 давж, түүхэн дээд түвшинд хүрсэн байна. Энэ нь Холбооны Нөөцийн банк энэ долоо хоногт буюу өнөөдөр хүүг бууруулах өндөр хүлээлтээс шалтгаалжээ.
“4-р сард үзүүлсэн доод түвшин олон хувьцаанд гайхалтай боломж болсон. Тэр үеэс хойш хамгийн их унаад байсан зарим салбарын өсөлт аль хэдийн гайхалтай үзүүлэлт үзүүлж байна” гэж Уилсон хэлэв.
“Чөлөөлөх өдрөөс хойш альфа эргэн ирж байна” гэж тэр нэмж хэлсэн байна.
Альфа гэдэг нь хөрөнгө оруулалтын стратеги зах зээлийн дундаж үзүүлэлтээс давсан өгөөжийг тодорхойлох ойлголт юм.
Нөгөө талаар, зарим сангийн менежерүүдийн үзэж байгаагаар Холбооны Нөөцийн Банкны бие даасан байдлын талаархи эргэлзээ урт хугацааны өгөөжийг сулруулж байгаа тул Засгийн Газрын үнэт цаасны сонирхол буурч байгааг анхааруулжээ.
